Mɔnnu 2:9 - Bibeli Gusunɔn Gari

⁹ Nɛn bii, ɑ̀ n nɛn ɡɑri wurɑ, kɑɑ ɡem tubu. Kɑɑ n yɛ̃ ye yɑ sɑ̃ɑ dee dee. Ye kpurowɑ yɑ koo de ɑ n ɡeɑ mɔ̀.

Mɔnnu 2:9 ပူးပေါင်းရင်းမြစ်များ

Womusu 119:105

Wunɛn ɡɑri yi sɑ̃ɑwɑ nɡe fitilɑ ye yɑ mɑn swɑɑ sɔ̃ɔsimɔ.

Womusu 119:99

Nɑ nɛn yinnibu kpuro yɛ̃ru kerɑ. Domi wunɛn woodɑbɑ bɑ rɑ n wɑ̃ɑwɑ nɛn bwisikunu sɔɔ.

Womusu 25:12

Nɑ yɛ̃ mɑ wi u nun nɑsie, wiyɑ ɑ rɑ swɑɑ sɔ̃ɔsi ye u koo kpe.

Womusu 32:8

Yinni Gusunɔ, ɑ nɛɛ, kɑɑ mɑn keu ko, kpɑ ɑ mɑn swɑɑ sɔ̃ɔsi ye n weenɛ n swĩi. Kɑɑ mɑn bwisi kɛ̃, kpɑ ɑ n mɑn kɔ̃su.

Mɔnnu 28:5

Tɔn kɔ̃sobu bɑ ku rɑ ɡem swɑɑ tubu, ɑdɑmɑ be bɑ rɑ Yinni Gusunɔ mɛm nɔɔwɛn mi, kpuro rɑ bu yeeriwɑ.

Mɔnnu 4:12

Sɑɑ ye sɔɔ, kɑɑ sĩwɑ ɑ kun sokure. À n dukɑ mɔ̀, ɡɑ̃ɑnu kun mɑɑ nun ɡɑnumɔ wunɛn swɑɑ sɔɔ.

Mɔnnu 4:18

Gemɡibun kookoosu su rɑ n sɑ̃ɑwɑ nɡe bururun sɔ̃ɔ yɑnɑ ye yɑ rɑ n dɛɛrɑmɔ sere sɔ̃ɔ u kɑ ye mɑm mɑm.

Mɔnnu 8:20

Nɑ sĩimɔwɑ swɛɛ yì sɔɔ ɡem kɑ kookoo ɡeesu wɑ̃ɑ.

Esɑi 35:8

Miyɑ bɑ koo swɑɑ yɑrɑ bu ye soku dɛɛrobun swɑɑ. Durumɡii ɡoo kun dɔɔ mi. Be bɑ ye swĩi, bɑ ǹ kɔ̃ɔrɑmɔ, bɑɑ be bɑ ǹ bwisi mɔ.

Esɑi 48:17

Wi u sɑ̃ɑ bɛɛ Isirelibɑn Yinni Dɛɛro, mɑ u bɛɛ yɑkiɑ u nɛɛ, u rɑ bɛɛ sɔ̃ɔsi ye n ko n bɛɛ ɑrufɑɑni ko, kpɑ u bɛɛ swɑɑ sɔ̃ɔsi ye yɑ weenɛ i swĩi.

Yeremi 6:16

Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.

Yohɑnu 14:6

Yesu u nùn sɔ̃ɔwɑ u nɛɛ, nɛnɑ nɑ swɑɑ, nɛnɑ nɑ ɡem, nɛnɑ nɑ wɑ̃ɑru, ɡoo sɑri wi u koo dɑ Bɑɑbɑn mi mɑ n kun mɔ sɑɑ nɛn min di.