Mɔnnu 2:5 - Bibeli Gusunɔn Gari

⁵ À n kuɑ mɛ, kɑɑ tubu nɡe mɛ kɑɑ kɑ Gusunɔ nɑsiɑ, kpɑ ɑ nùn ɡiɑ.

Mɔnnu 2:5 ပူးပေါင်းရင်းမြစ်များ

Yoobu 28:28

Sɑɑ yerɑ u tɔmbu sɔ̃ɔwɑ u nɛɛ, bu nùn nɑsio, yerɑ yɑ sɑ̃ɑ bwisi. Wi u mɑɑ kɔ̃sɑ ɡɛɛrɑri, wiyɑ u bwisi mɔ.

Mɔnnu 1:7

À n kĩ ɑ n bwisi mɔ, ɑ de ɑ ɡinɑ Gusunɔ nɑsiɑ. Domi wi u rɑ bwisi kɑ sɛɛyɑsiɑbu ɑtɑfiiru ko, u sɑ̃ɑwɑ ɡɑri bɔkɔ.

Mɔnnu 28:7

Wi u Gusunɔn woodɑ mɛm nɔɔwɑmmɛ u sɑ̃ɑwɑ bii bwisiɡii, ɑdɑmɑ wi u tɔn bɛrɛtɛkɛbɑ swĩi, sekurɑ u rɑ kɑ win tundo nɑɑwɛ.

Mɔnnu 8:17

Be bɑ mɑn kĩ, nɑ mɑɑ bu kĩ. Be bɑ mɑn kɑsu, bɑ koo mɑn wɑ.

Mɔnnu 9:10

À n kĩ ɑ n bwisi mɔ, ɑ de ɑ ɡinɑ Yinni Gusunɔ nɑsiɑ. À n Gusunɔ Dɛɛro ɡiɑ kɑɑ n yɛ̃ru mɔ.

Esɑi 33:6

Yinni Gusunɔ, kɑɑ de Siɔniɡibu bɑ n wɑ̃ɑ bɔri yɛndu sɔɔ, kpɑ bɑ n bwisi kɑ lɑɑkɑri mɔ ye yɑ koo de bu fɑɑbɑ wɑ. Wunɛn nɑsiɑrɑ tɑ sɑ̃ɑ ben ɑrumɑni.

Yeremi 24:7

Kon bu ɡɔ̃ru kpɔɔ wɛ̃, kpɑ bu ɡiɑ mɑ nɛnɑ nɑ sɑ̃ɑ kpuron Yinni. Bɑ koo wurɑmɑ nɛn mi kpɑ bɑ n sɑ̃ɑ nɛn tɔmbu bɑ n mɑn sɑ̃ɑmɔ.

Yeremi 31:34

Domi tɔmbu kpurowɑ bɑ ko n mɑn yɛ̃ sɑɑ bibun di sere kɑ bukurobɔ. Goo kun mɑɑ win winsim ǹ kun mɛ win mɛro bisi ɡoo keu mɔ̀ u kɑ Gusunɔ ɡiɑ. Kon bu ben durum wɔkɑ, kpɑ n ku mɑɑ ye yɑɑyɑ.

Yeremi 9:24

Wee tɔ̃ru ɡɑrɑ sisi tè sɔɔ kon bu kɑm koosiɑ be bɑ bɑnɡo mɔ wɑsi sɔɔ mɑ bɑ ku rɑ nɛn ɑrukɑwɑni yibie.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Mɑteu 11:27

Nɛn Bɑɑbɑ mɑn bɑɑyere kpuro wɛ̃. Goo sɑri wi u Bii wi yɛ̃ mɑ n kun mɔ Bɑɑbɑ wi. Goo mɑɑ sɑri wi u Bɑɑbɑ wi yɛ̃ mɑ n kun mɔ Bii kɑ mɑɑ wi Bii u kĩ u nùn sɔ̃ɔsi.

Luku 10:22

Nɛn Bɑɑbɑ u mɑn bɑɑyere wɛ̃. Goo sɑri wi u Bii yɛ̃ mɑ n kun mɔ Bɑɑbɑ wi. Goo mɑɑ sɑri wi u Bɑɑbɑ wi yɛ̃ mɑ n kun mɔ Bii wi, kɑ mɑɑ wi Bii wi, u kĩ u Bɑɑbɑ sɔ̃ɔsi.

Yohɑnu 17:3

Wɑ̃ɑru te tɑ ku rɑ kpe terɑ mini, tɔmbu bu kɑ nun ɡiɑ, wunɛ Gusunɔ turo, kpɑ bu mɑɑ mɑn ɡiɑ nɛ Yesu Kirisi wi ɑ ɡɔrimɑ.

Yohɑnu I 5:20

Sɑ mɑɑ yɛ̃ mɑ Gusunɔn Bii u nɑ, mɑ u sun bwisi kɑ̃ su kɑ Gusunɔ Yinni ɡemɡii ɡiɑ. Sɑ ɡbinnɛ kɑ ɡemɡii wi, win Bii Yesu Kirisin min di. Yesu Kirisi wiyɑ sɑ̃ɑ Gusunɔ Yinni ɡemɡii. U mɑɑ sɑ̃ɑ wɑ̃ɑru te tɑ ku rɑ kpen nuuru.