Mɔnnu 19:2 - Bibeli Gusunɔn Gari

² Hɑniɑ yɛ̃ru sɑriru sɔɔ, yɑ ǹ ɑrufɑɑni mɔ. Sɛndɑru tɑ rɑ kɑ torɑ dɑbinu nɛwɑ.

Mɔnnu 19:2 ပူးပေါင်းရင်းမြစ်များ

Sinɑmbu II 4:39

Yerɑ sɔmɔ ben turo u seewɑ u kpee yorim dɑ yɑkɑsɔ. Yerɑ u kɑɑru ɡɑrun mɑrum wɑ resɛm yɑkɑsuɡiɑ sɔɔ. Mɑ u mu yorɑ u bɔɔru yibiɑ. Ye u turɑ yɛnuɔ yerɑ u mu bɔɔrɑ u kpɛ̃ɛ kpee yi sɔɔ. Domi bɑ ǹ mu yɛ̃.

Yoobu 31:5

Gusunɔ u mɑn yĩruo kɑ kilo ye yɑ sɑ̃ɑ dee dee. Kpɑ u wɑ mɑ nɑ dɛɛre, nɑ ǹ wɑ̃ɑ weesu kɑ tɑki sɔɔ.

Mɔnnu 1:16

Ben nɑɑsu sɑ̃u bu kɑ kɔ̃sɑ ko. Bɑ mɑɑ sɛnde bu kɑ tɔnun yɛm yɑri.

Mɔnnu 10:21

Gemɡiin ɡɑri yi rɑ kɑ tɔn dɑbinu ɑrufɑɑni nɑɑwɛ, ɑdɑmɑ ɡɑri bɑkɑsu su rɑ ɡbiwɑ sɛkum lɑɑkɑri sɑrirun sɔ̃.

Mɔnnu 14:29

Wi u ku rɑ mɔru ko fuuku, bwisi bɛkɛyɑ u mɔ, ɑdɑmɑ wìn mɔru yɑ rɑ se fuuku, ɡɑri bɑkɑrɑ u rɑ sɔ̃ɔsi.

Mɔnnu 21:5

Wi u kookɑri mɔ̀ u kɑ win sɔmburun kpunɑɑ ko, u koo ten ɑrufɑɑni wɑ, ɑdɑmɑ wi u rɑ ɡɑ̃ɑnu ko kɑ sɛndɑru, ɡɔ̃ɔrɑ koo nùn deemɑ.

Mɔnnu 25:8

À n kɔ̃sɑ ɡɑɑ wɑ, ɑ ku sɛndɑ ɑ kɑ ye dɑ siri yerɔ, domi bɑ̀ n deemɑ yɑ ǹ sɑ̃ɑ ɡem, kɑɑ sekuru wɑ.

Mɔnnu 28:20

Nɑɑnɛɡii u koo domɑru wɑ too, ɑdɑmɑ wi u kɑsu u ɡobi ko fuuku, u ǹ kɔ̃sɑ biɑmɔ.

Mɔnnu 28:22

Binɛɡii u rɑ n kĩwɑ u ɑrumɑni wɑ fuuku, kpɑ u kun tɑmɑɑ sɑ̃ɑrɑ koo nùn deemɑ.

Mɔnnu 29:20

Mɑ tɔnun ɡɑri kun ɑsɑnsi mɔ, ɑ nùn ɡɑrisio ɡɑri bɔkɔ.

Wɑɑsu kowo 12:9

Yen biru, wɑɑsu kowo u ǹ sɑ̃ɑ bwisiɡii tɔnɑ, u mɑɑ tɔmbu yɛ̃run keu sɔ̃ɔsi. U mɔn dɑbinu swɑɑ dɑki mɑ u nu wɛ̃ɛrɑ, u nu wunɑnɑ doo dookɑ.

Wɑɑsu kowo 7:9

A ku de wunɛn mɔru yɑ n dɑ fuuku se. Domi ɡɑri bɔkɔn miyɑ mɔru yɑ rɑ n wɑ̃ɑ.

Esɑi 27:11

Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.

Esɑi 28:16

Yen sɔ̃nɑ Yinni Gusunɔ u nɛɛ, wee u kperu swĩi Siɔniɔ, tɑ kuɑ win kpɛɛkpɛɛku. Kpee te, tɑ sɑ̃ɑwɑ kpee ɡobiɡiru te u ɡɔsɑ, tɑ kuɑ ɡɑni ɡɔmburun dɑm. Wi u tu kuɑ win tɑ̃si yeru u ǹ wɔrumɑmɔ.

Osee 4:6

Wee nɛn tɔmbɑ ɡbimɔ yèn sɔ̃ bɑ ǹ mɑn yɛ̃. Adɑmɑ wunɛn tii, ɑ yinɑ ɑ mɑn wurɑ. Yen sɔ̃, kon nun yinɑ kpɑ ɑ kun mɑɑ sɑ̃ɑ nɛn yɑ̃ku kowo tɔnwero. Nɡe mɛ ɑ nɛ, Yinni Gusunɔn woodɑbɑ duɑri, nɡe mɛyɑ kon mɑɑ wunɛn bibu duɑri.

Yohɑnu 16:3

Bɑ koo bɛɛ yɑbu yeni kuɑ yèn sɔ̃ bɑ ǹ Bɑɑbɑ ɡie, bɑ ǹ mɑɑ mɑn ɡie.

Romu 10:2

Domi nɑ bu seedɑ yeni diiyɑmmɛ, bɑ hɑniɑ mɔ Gusunɔn sɔ̃, ɑdɑmɑ yɛ̃ru sɑri.

Filipi 1:9

Ye nɑ bikiɑmɔ nɛn kɑnɑru sɔɔ, yerɑ bɛɛn kĩru tɑ n sosimɔ tɑ n dɔɔ, kpɑ i n Gusunɔ ɡiɑmɔ kpɑ i n sɑ̃ɑ bwisi ɡeeɡibu,