Mɔnnu 17:8 - Bibeli Gusunɔn Gari

⁸ Gɑbu bɑ rɑ n tɑmɑɑ ben kɛ̃rɑ tɑ koo kɑ bu ɡɑ̃ɑ ɡeenu nɑɑwɑ. Mi bɑ ɡesi duɑ kpuro tu ben bukɑtɑ wunɑnɑ.

Mɔnnu 17:8 ပူးပေါင်းရင်းမြစ်များ

Torubu 32:14

Yɑm miyɑ Yɑkɔbu u sɔbiɑ u kpunɑ. Mɑ u win yɑɑ sɑbenun sukum suɑ u kɑ win mɔɔ Esɑu kɛ̃.

Torubu 32:21

Mɑ Yɑkɔbu u mɑɑ nɛɛ, i ɡeruo i nɛɛ, wee, nɛ win bɔ̃ɔ nɑ wee bɛɛn biruɔ. Domi u bwisikɑ win tii sɔɔ u nɛɛ, Esɑu ù n kɛ̃ɛ te nɑ ɡbiisie wɑ, win mɔru koo sure. Yen biru nɛ kɑ wi sɑ ko wɑɑnɑ nɔni kɑ nɔni. Sɔrɔkudo u koo mɑn dɑm koosiɑ kɑ nuku dobu.

Torubu 43:11

Isireli u ɡeruɑ u nɛɛ, ǹ n mɛn nɑ, yɑ̀ n kuɑ tilɑsi, i ɡɑ̃ɑ burɑnu suo ni nu sɑ̃ɑ bɛsɛn tem miɡinu ni nu ǹ wɑ̃ɑ Eɡibitiɔ i kɑ durɔ wi dɑɑwɑ, nɡe ɡum sɑwɑrɑm kɑ tim fiiko kɑ turɑre fiiko kɑ dɑ̃ɑ mɑrum fiiko kɑ tii bi bɑ rɑ soku miru.

Womusu 18:16

U wɛ̃ru wurɑ, yibɛrɛbɑ bɑ nɑndɑ. Mɑ ɡuru woo bɔkɔ ɡɑ dɑɑnu ɡberɑsiɑ. Mɑ duniɑn kpɛɛkpɛɛku ɡɑ sɔ̃ɔsirɑ.

Womusu 19:6

Ù n yɑrɑ u rɑ n sɑ̃ɑwɑ nɡe kurɔ kpɑon durɔ. Ù n sĩimɔ u rɑ n sɑ̃ɑwɑ nɡe tɑbu durɔ.

Womusu 21:13

A wunɛn tɛndu bɛrio ɑ bu twee. Bɑ koo nun biru kisi.

Womusu 29:4

Win nɔɔ ɡɑ nɔɔrɑ kɑ dɑm kɑ yiiko.

Yɑribu 23:8

I ku nɔm birɑn kɛ̃nu mwɑ domi nu rɑ tɔnu nɔni wɔ̃kewɑ ɡem swɑɑ sɔɔ kpɑ u kpɑnɑ u mu ɡere.

Mɔnnu 17:23

Tɔn kɔ̃sowɑ u rɑ nɔm birɑn kɛ̃nu mwɛ u kɑ tɔnu ɡem birɑ.

Mɔnnu 18:16

Kɛ̃nu nu rɑ tɔnu swɛɛ kuewɑ, kpɑ nu de yɛ̃ro u dɑmɡibun nɔnu ɡeu wɑ.

Mɔnnu 21:14

Nɔm birɑn kɛ̃ru tɑ rɑ mɔru suresiewɑ.

Wɑɑsu kowo 7:7

Dɑm dɔrebu bu rɑ bwisiɡii ɡɔsiewɑ ɡɑri bɔkɔ. Kɛ̃ru tɑ rɑ mɑɑ tɔnun ɡɔ̃ru sĩiyɛwɑ.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Amɔsu 5:12

Domi u bɛɛn torɑnu yɛ̃ nu kpɑ̃, u mɑɑ yɛ̃ mɑ i durum kuɑ too. I ɡemɡibu nɔni sɔ̃ɔmɔ. I nɔm birɑn kɛ̃nu mwɑɑmɔ. Mɑ i yinɑmɔ bu sɑ̃ɑrobu ben ɡem wɛ̃ siri yerɔ.

Misee 7:3

Bɑ kɔ̃sɑn kobun yɛ̃ru mɔ. Mɑ sinɑmbu kɑ siri kowobu bɑ tɔmbu nɔm birɑm kɛ̃nu mwɑɑrimɔ. Ben dɑmɡibu bɑ ben binɛ sɔ̃ɔsimɔ. Mɑ be kpuro bɑ nɔɔ tiɑ sɑ̃ɑ bu kɑ ko ye bɑ kĩ.

Sɔ̃ɔsiru 16:19

I ku rɑ siri kɑ murɑfitiru, i ku rɑ ɡoo ɡem wɛ̃ win bɛɛrɛn sɔ̃. I ku rɑ mɑɑ nɔm birɑn kɛ̃ru mwɑ domi tɑ rɑ lɑɑkɑriɡibun nɔni wɔ̃kewɑ kpɑ tu ɡemɡibun ɡere ɡɔsiɑ.

Sɑmuɛli I 25:35

Yen biru u Abiɡɑlin kɛ̃ɛ ni mwɑ ni u kɑ nɑ sɑɑ win yɛnun di. Mɑ u nùn sɔ̃ɔwɑ u nɛɛ, ɑ ɡɔsiro kɑ bɔri yɛndu. Domi wunɛn tii ɑ wɑ nɡe mɛ nɑ nun swɑɑ dɑki. Nɑ mɑɑ nun dɑm koosiɑ kɑ kĩru.