Mɔnnu 17:3 - Bibeli Gusunɔn Gari

³ Dɔ̃ɔwɑ bɑ rɑ kɑ wurɑ kɑ sii ɡeesu sɔwe, ɑdɑmɑ Yinni Gusunɔwɑ u rɑ tɔnun ɡɔ̃ru wɛ̃ɛri.

Mɔnnu 17:3 ပူးပေါင်းရင်းမြစ်များ

Bɑndun Gɑri I 29:17

Gusunɔ nɛn Yinni, nɑ yɛ̃ mɑ wunɑ ɑ rɑ tɔnun ɡɔ̃ru wɛ̃ɛri, ɑ rɑ mɑɑ ɡem kɑ̃. Wee nɑ kɑ nun kɛ̃ɛ nini nɑɑwɑ kɑ ɡɔ̃ru dɛɛrɔ. Nɑ mɑɑ wɑ wunɛn tɔn be bɑ wɑ̃ɑ mini, bɑ nun kɛ̃nu wɛ̃ɛmɔ kɑ nuku dobu.

Yoobu 23:10

Kɑ mɛ, u nɛn swɛɛ kpuro yɛ̃ yi nɑ swĩi. Ù n mɑn kpɛ̃ɛ lɑɑkɑri mɛɛribu sɔɔ, kon yɑriwɑ min di, nɑ n dɛɛre nɡe wurɑ ye bɑ dɔ̃ɔ doke.

Yoobu 28:1

Yoobu u nɛɛ, tɔmbɑ yɛ̃ mìn di sii ɡeesu kɑ wurɑ yɑ rɑ yɑri bu sere ye teɑ.

Womusu 139:23

Gusunɔ, ɑ mɑn wɛ̃ɛrio kpɑ ɑ nɛn ɡɔ̃ru ɡiɑ. A nɛn lɑɑkɑri mɛɛrio kpɑ ɑ nɛn bwisikunu tubu.

Womusu 26:2

A nɛn bwisikunu kɑ nɛn bwɛ̃rɑ sirio. A mɑn wɛ̃ɛrio kpɑ ɑ mɑn ɡiɑ.

Womusu 66:10

Gusunɔ, ɑ sun doke lɑɑkɑri mɛɛribu sɔɔ. A derɑ sɑ wɑ̃ɑ dɔ̃ɔ sɔɔ nɡe sii ɡeesu.

Mɔnnu 15:11

Yinni Gusunɔ u yɛ̃ ye yɑ koorɑmɔ ɡɔribun wɑ̃ɑ yerɔ. Kɑɑ sere ɡere tɔnun ɡɔ̃ruɔ?

Mɔnnu 16:2

Tɔnun sɑnu sɑnusu su rɑ n dɛndewɑ win tiin nɔni sɔɔ, ɑdɑmɑ Gusunɔwɑ u rɑ nùn wɛ̃ɛri.

Mɔnnu 17:2

Sɔm kowo lɑɑkɑriɡii u rɑ kowɑ win yinnin bii be bɑ ɡeɑ yinɑn wiruɡii, kpɑ u tubi di kɑ be sɑnnu.

Mɔnnu 21:2

Tɔnu u rɑ n tɑmɑɑ win swɛɛ kpuro yi dɛɛrewɑ, ɑdɑmɑ Yinni Gusunɔwɑ u rɑ ɡɔ̃ru wɛ̃ɛri.

Mɔnnu 27:21

Dɔ̃ɔwɑ bɑ rɑ kɑ wurɑ kɑ sii ɡeesu sɔwe, ɑdɑmɑ tɔnun dɑɑwɑ bɑ rɑ kɑ nùn siri.

Esɑi 48:10

Nɑ bɛɛn lɑɑkɑri mɛɛrɑ, ɑdɑmɑ n ǹ mɔ kɑ dɔ̃ɔ nɡe mɛ bɑ rɑ sii ɡeesu sɔwe. Nɑ bɛɛ dokewɑ yibɛrɛbɑn suunu sɔɔ bu kɑ bɛɛ sɛɛyɑsiɑ nɡe dɔ̃ɔ boko.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Esekiɛli 22:18

tɔnun bii, wee nɛn nɔni sɔɔ Isirelibɑ bɑ sɑ̃ɑ nɡe sii bisu ǹ kun mɛ nɡe sii ɡɑndu ǹ kun mɛ nɡe sii kpikisu ǹ kun mɛ nɡe pɛɛrum ǹ kun mɛ nɡe sii wɔ̃kusu si bɑ doke sɔwɑtiɑ sɔɔ bu kɑ su sɔwɑ. Bɑ sɑ̃ɑwɑ nɡe sii ɡeesun bisu.

Dɑniɛli 11:35

Bwisiɡii ben ɡɑbɑ koo ɡbi bu kɑ bu sɔwɑ bu dɛɛrɑ mɑm mɑm sere kpeerun tɔ̃ru tu kɑ tunumɑ. Domi yeni yɑ koo koorɑwɑ sɑɑ ye bɑ yii sɔɔ.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Sɔ̃ɔsiru 8:16

U sun mɑnnɑ wɛ̃ ɡbɑburu mi, sɑ di ye bɛsɛn bɑɑbɑbɑ bɑ ǹ dɑɑ yɛ̃. Mɑ u derɑ sɑ nɔni sɔ̃ɔrɑ su kɑ tii kɑwɑ kpɑ u kɑ bɛsɛn lɑɑkɑri mɛɛri u sere sun ɡeɑ kuɑ.

Sɔ̃ɔsiru 8:2

I yɑɑyo sɑnum bɑkɑm mɛ Gusunɔ bɛsɛn Yinni u derɑ sɑ sĩɑ ɡbɑburɔ sere wɔ̃ɔ weeru. Mɑ u bɛsɛn lɑɑkɑri mɛɛrɑ, u derɑ sɑ nɔni sɔ̃ɔrɑ su kɑ tii kɑwɑ kpɑ u kɑ bɛsɛn ɡɔ̃run bwisikunu ɡiɑ, kpɑ u wɑ sɑ̀ n ko win woodɑ mɛm nɔɔwɑn nɑ, ǹ kun mɛ su ye yinɑ.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.