Mɔnnu 17:10 - Bibeli Gusunɔn Gari

¹⁰ Gerusibu bu rɑ sɔmburu ko wi u bwisi mɔn mi, n kere bu ɡɑri bɔkɔ bokuru so nɔn wunɔbu (100).

Mɔnnu 17:10 ပူးပေါင်းရင်းမြစ်များ

Womusu 141:5

Gemɡii ù n mɑn so, kĩrɑ u mɑn sɔ̃ɔsi. Ù n mɑn ɡerusi, u mɑn ɡum tɑ̃rewɑ nɛn wirɔ. Nɑ ǹ ye yinɑmɔ. Adɑmɑ nɑ ǹ nɛn kɑnɑru mɑrimɔ tɔn kɔ̃sobun sɔ̃.

Mɔnnu 13:1

Bii bwisiɡii u rɑ win tundon sɔ̃ɔsiru swĩiwɑ, ɑdɑmɑ bii wi u tii sue, u ku rɑ ɡerusibu kɑ̃.

Mɔnnu 15:5

Wi u rɑ win bɑɑbɑn sɔ̃ɔsiru ɑtɑfiiru ko, ɡɑri bɔkɔwɑ, ɑdɑmɑ wi u rɑ ɡerusibu wure, win bwisi koo sɔ̃ɔsirɑ.

Mɔnnu 17:11

Tɔn kɔ̃so u rɑ n kɑsuwɑ u tɔnu seesi, ɑdɑmɑ bɑ koo nùn tɔn kɔ̃so kpɑre u nùn sɛɛyɑsiɑ.

Mɔnnu 17:9

Wi u rɑ berusen torɑnu duɑri, u kĩ bɑ n kĩɑnɛwɑ. Wi u rɑ mɑɑ nu yɑɑye win ɡɑri ɡerubu sɔɔ, u bɔrɔnu kɑrɑnɑmɔwɑ.

Mɔnnu 19:25

A tɔn yɑɑ kɑsikio soowo kpɑ ɡɑri bɔkɔ u bwisi ko.

Mɔnnu 27:22

Bɑɑ ɑ̀ n ɡɑri bɔkɔ doke sorɔ ɑ sunɑ nɡe dĩɑ bimɑ, win ɡɑri bɑkɑrɑ kun kpeemɔ.

Mɔnnu 29:19

N ǹ kɑ ɡɑri bɑ rɑ yoo sɛɛyɑsie, domi bɑɑ ù n nuɑ, u ǹ yi mɛm nɔɔwɑmmɛ.

Kɑ̃siru 3:19

Be nɑ kĩ kpuro beyɑ nɑ rɑ nɔni doke kpɑ n bu sɛɛyɑsiɑ. Yen sɔ̃, u hɑniɑ koowo kpɑ u ɡɔ̃ru ɡɔsiɑ.