Mɔnnu 15:8 - Bibeli Gusunɔn Gari

⁸ Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 15:8 ပူးပေါင်းရင်းမြစ်များ

Sɑmuɛli II 15:12

Sɑnɑm mɛ u yɑ̃kuru mɔ̀, yerɑ u derɑ bɑ dɑ Giloɔ bɑ Ahitofɛli, Dɑfidin bwisi kɛ̃ɔ kɑsumɑ. Yerɑ Abusɑlɔmun niɑ ye u sɑ̃ɑ mi, yɑ dɑm kuɑ. Tɔn be bɑ kɑ nùn yɔ̃rɑ bɑ dɑbiɑmɔ ɡem ɡem.

Sinɑmbu I 3:10

Mɑ Sɑlomɔɔn wisi bi, bu Yinni Gusunɔ dore.

Bɑndun Gɑri I 29:17

Gusunɔ nɛn Yinni, nɑ yɛ̃ mɑ wunɑ ɑ rɑ tɔnun ɡɔ̃ru wɛ̃ɛri, ɑ rɑ mɑɑ ɡem kɑ̃. Wee nɑ kɑ nun kɛ̃ɛ nini nɑɑwɑ kɑ ɡɔ̃ru dɛɛrɔ. Nɑ mɑɑ wɑ wunɛn tɔn be bɑ wɑ̃ɑ mini, bɑ nun kɛ̃nu wɛ̃ɛmɔ kɑ nuku dobu.

Womusu 141:2

A de nɛn kɑnɑru tu nun ɡirɑri nɡe turɑre nubu duroruɡiɑn wiisu. Kpɑ nɔmɑ ye nɑ yiiye yɑ n sɑ̃ɑ nɡe kɛ̃ru te bɑ rɑ kɑ nun nɑɑwɛ wunɛn sɑ̃ɑ yerɔ yokɑ.

Womusu 17:1

Dɑfidin kɑnɑru. Yinni Gusunɔ, ɑ nɛn weeweenu nɔɔwɔ, nɑ kĩwɑ ɑ mɑn ɡem wɛ̃. Yinni Gusunɔ, ɑ swɑɑ tem kpĩiyɔ ɑ nɔ, wunɛn somirɑ nɑ kĩ. A nɛn kɑnɑru nɔɔwɔ, nɛn ɡɔ̃run diyɑ tɑ wee.

Mɔnnu 10:24

Yèn bɛrum kɔ̃sɑn kowobu bɑ mɔ, yerɑ yɑ rɑ bu deemɛ. Ye mɑɑ ɡemɡibɑ kĩ, yerɑ n dɑ koore.

Mɔnnu 15:29

Yinni Gusunɔ u ku rɑ tɔn kɔ̃son kɑnɑru lɑɑkɑri ko, ɑdɑmɑ u rɑ ɡemɡiin kɑnɑru nɔ.

Mɔnnu 15:7

Bwisiɡibun nɔɔwɑ ɡɑ rɑ n yɛ̃ru kpɑrɑmɔ, ɑdɑmɑ bwisi sɑriruɡibun ɡɔ̃ru ɡɑ ǹ sɑ̃ɑ mɛ.

Mɔnnu 21:27

Tɔn kɔ̃son yɑ̃kuru tɑ ku rɑ Gusunɔ wɛ̃re. Kɑɑ sere ɡere te u kɑ bwisiku kɔ̃sunu mɔ̀?

Mɔnnu 21:3

Wi u sĩimɔ dee dee, win dɑɑ yɑ yɑ̃kuru kere Yinni Gusunɔn mi.

Mɔnnu 28:9

Wi u yinɑ u Gusunɔn woodɑ swɑɑ dɑki, Gusunɔ u rɑ yɛ̃ro yinɛwɑ sere kɑ win kɑnɑrɔ.

Wɑɑsu kowo 5:1

A ku ɡɑri ɡere kɑ sɛndɑru. A ku mɑɑ Gusunɔ nɔɔ mwɛɛru kuɑ kɑ sɛndɑru. Domi u wɑ̃ɑwɑ wɔllɔ mɑ wunɛ ɑ wɑ̃ɑ temɔ. A ku de wunɛn ɡɑri yi n dɑbi.

Womu Duro 2:14

wunɛ wi ɑ sɑ̃ɑ nɡe sɑ̃kusɑ̃ ye yɑ wɑ̃ɑ kpee bɑɑ sɔɔ yɑ kukuɑ. A mɑn wunɛn wuswɑɑ sɔ̃ɔsio. A de n wunɛn nɔɔ nɔ. Domi wunɛn dɔkɔrɑ nɔɔbu do. Mɛyɑ mɑɑ wunɛn wuswɑɑ rɑ mɑn wɛ̃re.

Esɑi 61:8

Wi, Yinni Gusunɔ, ɡemɑ u rɑ kɑ̃. U dɑm dɔrebu kɑ kom kɔ̃sum tusɑ. U koo win tɔmbu ben ɑre wɛ̃ dee dee, kpɑ u kɑ bu ɑrukɑwɑni bɔke ye yɑ ko n wɑ̃ɑ sere kɑ bɑɑdommɑɔ.

Esɑi 66:3

Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

Yeremi 6:20

Nɑ ǹ ben turɑre ye yɑ wee Sebɑn di ǹ kun mɛ dɑ̃ɑ kiku nubu duroruɡuu ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃. Nɑ ǹ ben yɑ̃ku dɔ̃ɔ mwɑɑrɑruɡinu kĩ. Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

Dɑniɛli 9:23

Sɑɑ yèn di ɑ wunɛn kɑnɑru toruɑ, Gusunɔ u tu mwɑ. Yen sɔ̃nɑ nɑ nun win ɡɑri sɔ̃ɔbu nɑ, domi Gusunɔ u nun kĩ. Ǹ n mɛn nɑ, ɑ swɑɑ dɑkio n nun kɑ̃si te tubusiɑ.

Sɑ̃ɑrun Woodɑ 7:18

Goo ù n siɑrɑbun yɑ̃ku yɑɑ ye yɑ tiɑrɑ sere sɔ̃ɔ itɑ temɑ, Gusunɔ kun mɑɑ yɛ̃ron yɑ̃ku te mwɑɑmɔ. U win yɑ̃kuru ɡɑrisiwɑ mi kɑm domi yɑɑ ye, yɑ disi duurɑ. Wì u mɑɑ ye temɑ, yɛ̃ro u torɑwɑ mi.

Misee 6:6

Kɛ̃ɛ terɑ̀ kon kɑ Yinni Gusunɔ wi, wi u kpuro kere dɑɑwɑ nɑ̀ n dɔɔ win sɑ̃ɑ yerɔ. Kɛ̃ɛ terɑ̀ ko nɑ n nɛni n kɑ nùn yiirɑ. Nɑɑ wɔ̃ɔ tiɑɡiɑ kon kɑ nùn yɑ̃ku dɔ̃ɔ mwɑɑrɑruɡiru kuɑ?

Misee 6:7

Yinni Gusunɔ u yɑ̃ɑ kinɛ dɑbi dɑbinun bukɑtɑ mɔ? Gum kotosun bukɑtɑwɑ u mɔ? Nɛn bii ɡbiikoowɑ kon nùn wɛ̃ u sere mɑn nɛn torɑnu suuru kuɑ?

Asee 2:14

Yerɑ Asee u mɑɑ nɛɛ, ɑmɛniwɑ Yinni Gusunɔ u ɡeruɑ u nɛɛ, nɡe mɛyɑ bɛɛ Isirelibɑ i sɑ̃ɑ win nɔni sɔɔ. Mɛyɑ mɑɑ bɛɛn nɔmɑn sɔmɑ yɑ sɑ̃ɑ. Ye i nùn wɛ̃ɛmɔ kpuro, yɑ disi mɔ.

Mɑlɑsi 1:10

N burɑm bo bɛɛn turo u dɑ u nɛn sɑ̃ɑ yerun ɡɑmbobɑ kɛnɛ. Kpɑ i ku kɑ dɔ̃ɔ sɔ̃re kɑm sɔɔ nɛn yɑ̃ku yerɔ. Nɑ ǹ nuku dobu mɔ bɛɛ sɔɔ. Mɛyɑ yɑ̃ku ni i mɑɑ mɑn kuɑmmɛ nu ǹ mɑn wɛ̃remɔ.

Yohɑnu 4:24

Gusunɔ u sɑ̃ɑwɑ hunde, be bɑ mɑɑ nùn sɑ̃ɑmɔ, bɑ koo nùn sɑ̃wɑ hunde sɔɔ kɑ ɡem sɔɔ.