Mɔnnu 15:11 - Bibeli Gusunɔn Gari

¹¹ Yinni Gusunɔ u yɛ̃ ye yɑ koorɑmɔ ɡɔribun wɑ̃ɑ yerɔ. Kɑɑ sere ɡere tɔnun ɡɔ̃ruɔ?

Mɔnnu 15:11 ပူးပေါင်းရင်းမြစ်များ

Bɑndun Gɑri II 6:30

ɑ bu swɑɑ dɑkio sɑɑ wɔllun di mi ɑ wɑ̃ɑ kpɑ ɑ bu suuru kuɑ ɑ bɑɑwure kuɑ nɡe mɛ u sɑ̃ɑ. Domi wunɛ turowɑ ɑ tɔnun ɡɔ̃ru yɛ̃.

Yoobu 26:6

Domi Gusunɔ u be kpuro wɑɑmɔ. Gɑ̃ɑnu kun nùn ɡɑnuɑ ɡɔribun wɑ̃ɑ yeru mi.

Womusu 139:8

Nɑ̀ n yɔɔwɑ sere wɔllɔ, ɑ wɑ̃ɑ mi. Nɑ̀ n dɑ ɡɔriɔ, ɑ mɑɑ wɑ̃ɑ mi.

Womusu 44:21

Gusunɔ, sɑ̀ n dɑɑ wunɛn yĩsiru duɑri, mɑ sɑ dɑ sɑ bũnu ɡɑnu sɑ̃ɑmɔ,

Womusu 7:9

Yinni Gusunɔ, wunɑ kɑɑ tɔmbu siri. A mɑn sirio nɡe mɛ nɛn dɛɛrɑrɑ nɛ. A mɑn nɛn ɡem wɛ̃ɛyɔ.

Mɔnnu 15:10

Wi u swɑɑ ɡeɑ deri, bɑ koo yɛ̃ro sɛɛyɑsiɑwɑ ɡem ɡem. Wi u mɑɑ sɛɛyɑsiɑbu yinɑ, u koo ɡbiwɑ.

Mɔnnu 17:3

Dɔ̃ɔwɑ bɑ rɑ kɑ wurɑ kɑ sii ɡeesu sɔwe, ɑdɑmɑ Yinni Gusunɔwɑ u rɑ tɔnun ɡɔ̃ru wɛ̃ɛri.

Mɔnnu 27:20

Nɡe mɛ ɡɔribun wɑ̃ɑ yerɑ ku rɑ debu, nɡe mɛyɑ tɔnun binɛ ku rɑ kpe.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Yohɑnu 21:17

Yesu kpɑm wure u nùn bikiɑ nɔn itɑse, Simɔɔ, Yohɑnun bii, ɑ mɑn kĩ? Mɑ Piɛɛn nukurɑ sɑnkirɑ yèn sɔ̃ u nùn bikiɑ nɔn itɑse u nùn kĩ. Mɑ u nùn sɔ̃ɔwɑ u nɛɛ, Yinni, ɑ bɑɑyere yɛ̃, ɑ yɛ̃ kɑm kɑm mɑ nɑ nun kĩ. Mɑ Yesu u nùn sɔ̃ɔwɑ u nɛɛ, ɑ nɛn yɑ̃ɑnu nɔɔrio.

Gɔrobun Kookoosu 1:24

Mɑ bɑ kɑnɑru kuɑ bɑ nɛɛ, Yinni wunɛ wi ɑ tɔmbu kpuron ɡɔ̃rusu yɛ̃, ɑ sun sɔ̃ɔsio wi ɑ ɡɔsɑ wunɛn ɡɔro be yiru ye sɔɔ u kɑ sɔmbu te suɑ te Yudɑsi u deri u wiɡiru doonɑ.

Heberu 4:13

Gɑ̃ɑnu sɑri ni nu Gusunɔ berue win tɑkɑ koorɑ sɔɔ. Kpuro yɑ wukiɑrewɑ yɑ yii win wuswɑɑɔ. Wiyɑ bɛsɛ kpuro sɑ ko mɑɑ bɛsɛn wɑ̃ɑru tusiɑ.

Kɑ̃siru 1:18

Wiyɑ u sɑ̃ɑ wɑso, u rɑɑ ɡu ɑdɑmɑ tɛ̃ u ko n wɑ̃ɑwɑ kɑ bɑɑdommɑɔ. U yiiko mɔ ɡɔɔn wɔllɔ kɑ ɡɔribun wɑ̃ɑ yerɔ.

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.

Kɑ̃siru 9:11

Yi sunɔ mɔ yin suunu sɔɔ wi u sɑ̃ɑ wɔru bɔkɔ nɔru sɑriruɡuu ɡen ɡɔrɑdo wiruɡii. Win yĩsirɑ kɑ Heberum Abɑdoni. Kɑ Gɛrɛkim mɑɑ wiyɑ bɑ mɔ̀, Apolioni.

Sɑmuɛli I 16:7

Adɑmɑ Yinni Gusunɔ u Sɑmuɛli sɔ̃ɔwɑ u nɛɛ, ɑ ku win wɑsin burɑm mɛɛri, ǹ kun mɛ win ɡunum, n ǹ wi, nɑ ɡɔsɑ. Domi nɛ, Yinni Gusunɔ, nɑ ku rɑ wɑsin burɑm mɛɛri nɡe tɔnu. Gɔ̃ruwɑ nɑ rɑ mɛɛri.