Mɔnnu 14:14 - Bibeli Gusunɔn Gari

¹⁴ Tɔn kɔ̃so u koo win kookoosun ɑre wɑ. Nɡe mɛyɑ tɔn ɡeo u koo mɑɑ wiɡisun ɑre wɑ.

Mɔnnu 14:14 ပူးပေါင်းရင်းမြစ်များ

Womusu 109:17

Bɔ̃riyɑ u kĩɑ. Ǹ n mɛn nɑ, yi nùn dio. U ǹ domɑru kĩɛ. Ǹ n mɛn nɑ, tu kɑ nùn tondo.

Mɔnnu 12:14

Tɔnun ɡere yɑ koo nùn ɡɑ̃ɑ ɡeenu mɑruɑ nɡe mɛ win sɔmburu tɑ rɑ nùn ɑre wɛ̃.

Mɔnnu 12:21

Kɔ̃sɑ ku rɑ ɡemɡii deemɛ, ɑdɑmɑ tɔn kɔ̃so u rɑ n nɔni sɔ̃ɔrewɑ.

Mɔnnu 14:10

Bɑɑwurewɑ u rɑ n win nuku sɑnkirɑnu kɑ win nuku dobun kpɑ̃ɑru yɛ̃. Goo sɑri wi u koo kpĩ u kɑ nùn ye bɔnu ko kɑ ɡem.

Mɔnnu 14:15

Be bɑ rɑ ɡɑri wure fuuku, bɑ rɑ nɑɑnɛ kowɑ kpuro ye bɑ bu sɔ̃ɔwɑ, ɑdɑmɑ bwisiɡii u rɑ n win sɑnu sɑnusu lɑɑkɑri sɑ̃ɑwɑ.

Mɔnnu 18:20

Tɔnun ɡeren ɑreyɑ u ko n kɑ wɑ̃ɑ.

Mɔnnu 9:12

À n kuɑ bwisiɡii, wunɑ kɑɑ yen ɑre di. À n mɑɑ sɑ̃ɑ tɔn yɑɑ kɑsikio, wunɑ kɑɑ yen wɑhɑlɑ wɑ.

Yeremi 17:5

Nɛ, Yinni Gusunɔwɑ nɑ nɛɛ, bɔ̃riɡiiwɑ wi u win ɡɔ̃ru sĩiyɑ nɛn min di, mɑ u tɔnu nɑɑnɛ sɑ̃ɑ, u tɑ̃sɑ wi sɔɔ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 8:5

Ǹ n mɛn nɑ, mbɑn sɔ̃nɑ nɛn tɔmbu Yudɑbɑ bɑ swɑɑ kɔ̃sɑ swĩi bɑ dɔɔ. Bɑ yɔ̃rɑriwɑ dim dim ben weesu sɔɔ bɑ n bũnu sɑ̃ɑmɔ. Bɑ ǹ kĩ bu ɡɔsirɑmɑ nɛn mi.

Esekiɛli 22:31

Kon bu mɔru seesiwɑ. Nɑ ǹ yɔ̃rɑmɔ sere nɛn mɔru yu kɑ kpe. Kon de bu bu ben dɑɑn ɑre kɔsie. Nɛ, Yinni Gusunɔwɑ nɑ yeni ɡeruɑ.

Osee 4:16

Isirelibɑ bɑ sɑ̃ɑwɑ nɡe nɑɑ ɡbiibɑ ye bɑ kpɑnɑ bu kpɑrɑ. Adɑmɑ tɛ̃, Yinni Gusunɔ u koo bu yɔ̃su bɑtumɑ sɔɔ nɡe yɑ̃ɑnu.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Yohɑnu 4:14

Adɑmɑ bɑɑwure wi u koo nim nɔ, mɛ kon nùn kɛ̃, nim nɔru ɡɑ ǹ mɑɑ yɛ̃ro mɔ̀ kɑ bɑɑdommɑɔ. Domi nim mɛ nɑ kon nùn kɛ̃ mu koo ko bwiɑ yɛ̃ro sɔɔ, ye yɑ ko n nim sumɔ, mɛ mu tɔnu wɑ̃ɑru te tɑ ku rɑ kpe wɛ̃ɛmɔ.

Korinti II 1:12

Yenin sɔ̃nɑ sekurɑ kun sun mɔ̀, domi bɛsɛn ɡɔ̃ru ɡɑ sun seedɑ diiyɑmmɛ mɑ bɛsɛn wɑ̃ɑru hɑnduniɑ sɔɔ, su mɑm ɡere bɛɛn mi, tɑ dɛɛre. Gusunɔ u derɑ tɑ ǹ murɑfitiru mɑni. Win duromɑ mu sun kpɑrɑ, n ǹ mɔ tɔnun bwisi.

Gɑlɑti 6:4

I de bɑɑwure u win tiin kookoosu yĩiyɑ kpɑ u wɑ si sɔɔ, ye u koo kɑ woo kɑnɑ, ɑdɑmɑ u ku woo kɑnɑ mɑ u ɡoo keren sɔ̃.

Gɑlɑti 6:8

Ù n duurumɔ ye win tii tiin dɑɑ yɑ kĩ, kɑm kobɑ yɑ koo nùn mɑruɑ. Ù n mɑɑ duurumɔ ye Gusunɔn Hunde u kĩ, wɑ̃ɑru te tɑ ku rɑ kpewɑ Gusunɔn Hunde koo nùn mɑruɑ.

Heberu 3:12

Yen sɔ̃ nɛɡibu, i tii lɑɑkɑri koowo, i ku de bɛɛn ɡoo u n ɡɔ̃ru kɔ̃su mɔ ɡe ɡɑ ǹ nɑɑnɛ doke, ɡe ɡɑ koo nùn biru wurɑsiɑ Gusunɔ, Yinni wɑson min di.