Mɔnnu 13:4 - Bibeli Gusunɔn Gari

⁴ Yikuro u rɑ n ɡɑ̃ɑnun binɛ mɔwɑ ni u ǹ kpɛ̃ u wɑ, ɑdɑmɑ wi u rɑ sɔmburu ko u rɑ wɑwɑ ye u kĩ.

Mɔnnu 13:4 ပူးပေါင်းရင်းမြစ်များ

Torubu 26:32

Yen tɔ̃ɔ terɑ Isɑkin yobu bɑ nɑ bɑ nùn sɔ̃ɔwɑ bɑ nɛɛ bɑ nim wɑ dɔkɔ ye bɑ ɡbɑ sɔɔ.

Womusu 92:14

Bɑ ko n sɑ̃ɑwɑ nɡe dɑ̃ɑ te bɑ ɡirɑ tɑ kpɑrɑmɔ Gusunɔ bɛsɛn Yinnin sɑ̃ɑ yerɔ.

Mɔnnu 10:4

Wi u yikuru mɔ, wiyɑ sɑ̃ɑrɑ rɑ deemɛ, ɑdɑmɑ wi u hɑniɑ mɔ, wiyɑ u rɑ dukiɑ wɑ.

Mɔnnu 11:25

Nuku tiɑɡii u koo dukiɑ wɑ n kpɑ̃. Wi u win winsim nim kɑ̃, bɑ koo mɑɑ yɛ̃ro nim kɛ̃.

Mɔnnu 12:11

Wi u win ɡberu wukɑ u ko n dĩɑnu yibɑwɑ, ɑdɑmɑ wi u kɑm ɡire u sɑ̃ɑwɑ ɡɑri bɔkɔ.

Mɔnnu 12:24

Hɑniɑ yɑ rɑ dewɑ tɔnu u ko ɡɑbun yinni, kpɑ yikuru tu de tɔnu u ko ɡoon yoo.

Mɔnnu 12:27

Tɑɑso wi u yikuru mɔ, u ku rɑ yɑɑ wɑ u sɛ̃wɛ, ɑdɑmɑ hɑniɑwɑ yɑ rɑ tɔnu ɡɑ̃ɑ ɡeenu wɛ̃.

Mɔnnu 13:3

Wi u win nɔɔ kpĩɑ u win hunde kɔ̃suwɑ, ɑdɑmɑ wi u rɑ ɡɑri ɡere yɑbi u tii kɑri bɔriemɔwɑ.

Mɔnnu 13:5

Gemɡii u ku rɑ weesu kɑ̃, ɑdɑmɑ tɔn kɔ̃so u rɑ tii sekuru dokewɑ.

Mɔnnu 20:4

Wi u ku rɑ wuku bɔmbɔmminun sɔ̃, ɡɛ̃ɛbun sɑnɑm u ǹ ɡɑ̃ɑnu wɑsi.

Mɔnnu 21:25

Yikuron binɛ yɑ rɑ nùn ɡowɑ yèn sɔ̃ u ku rɑ sɔmburu ko.

Mɔnnu 21:5

Wi u kookɑri mɔ̀ u kɑ win sɔmburun kpunɑɑ ko, u koo ten ɑrufɑɑni wɑ, ɑdɑmɑ wi u rɑ ɡɑ̃ɑnu ko kɑ sɛndɑru, ɡɔ̃ɔrɑ koo nùn deemɑ.

Mɔnnu 24:30

Sɔ̃ɔ teeru nɑ sɑrɑ yikuro ɡɑri bɔkɔ ɡoon resɛm ɡbɑɑrɔ.

Mɔnnu 24:31

Mɑ nɑ deemɑ sɑ̃ki kɑ yɑkɑ kɔ̃susɑ su kpiimɔ bɑɑmɑ, mɑ ten kɑrɑ ye u kuɑ kɑ kpenu yɑ wɔrukɑ.

Mɔnnu 26:13

Ye yikuro u koo kɑ yɑri tɔɔwɔ, u rɑ nɛɛwɑ, ɡbee sunɔ ɡɑ wɑ̃ɑ swɑɑɔ.

Mɔnnu 28:25

Wi u rɑ n win tiin ɑrufɑɑni kɑsu, u rɑ sɑnnɔsu seeyewɑ, ɑdɑmɑ wi u Gusunɔ nɑɑnɛ doke u koo kuurɑwɑ.

Mɔnnu 6:6

Wunɛ yikuro, ɑ doo ɑ tɑmminu mɛɛri. A nin sɔmburu lɑɑkɑri koowo kpɑ ɑ wɑ ɑ bwisi ko.

Mɔnnu 8:34

Doo nɔɔruɡiiwɑ wi u mɑn swɑɑ dɑki, mɑ u rɑ n yɔ̃ nɛn dii kɔnnɔwɔ bɑɑdommɑ u n mɑn mɑrɑ.

Womu Duro 5:3

wee nɑ nɛn yɑberu potɑ. Kon mɑɑ kpĩ n se n tu sebe? Nɑ nɛn kɔ̃ri kpɑkiɑ kɔ, yerɑ kon mɑɑ se n yi disinu ko?

Esɑi 58:11

Nɛ, Yinni Gusunɔ, kon bɛɛ kpɑrɑ sere kɑ bɑɑdommɑɔ, kpɑ n de i n debɑ bɑɑ mi dĩɑnu ku rɑ kpi. Kon de bɛɛn wɑsi yi dɑm wɑ, kpɑ i n sɑ̃ɑ nɡe ɡbee te tɑ kɑkoru mɔ, ǹ kun mɛ nɡe bwii yìn nim ku rɑ kpe.

Gbɑburu 23:10

Goo kun kpɛ̃ u bu ɡɑri. Bɑ dɑbi nɡe yɑni sɛɛri mini. Wɑrɑ u koo kpĩ u ben bɔnu nnɛn sube teeru ɡɑri. Nɑ kɑnɑmɔwɑ n ɡbi nɡe Isireli be, be bɑ sɑ̃ɑ ɡemɡibu. Nɑ kĩwɑ nɛn wɑ̃ɑrun wii ɡoberu tɑ n sɑ̃ɑ nɡe beɡiru.

Yohɑnu 6:27

I ku dĩɑ ni nu rɑ kɔ̃si tɔnɑn sɔmburu ko, ɑdɑmɑ i dĩɑ ni nu wɑ̃ɑru te tɑ ku rɑ kpe wɛ̃ɛmɔn sɔmburu koowo. Dĩɑ niyɑ Tɔnun Bii u koo bɛɛ wɛ̃ yèn sɔ̃ wiyɑ Gusunɔ Bɑɑbɑ u win yiikon yĩreru dokeɑ.

Heberu 6:11

Kɑ mɛ, sɑ kĩ bɛɛn bɑɑwure u n hɑniɑ ye mɔ sere kɑ nɔrɔ, kpɑ ye i yĩiyɔ yu kɑ koorɑ mɑm mɑm.

Yosue 7:3

Ye bɑ wurɑmɑ Yosuen mi, bɑ nɛɛ, wuu ɡe, ɡɑ ǹ turɑ ɡe tɔmbu kpuro bɑ koo dɑɑwɑ. A de tɔmbu nɔrɔbun subɑ yiru (2.000), ǹ kun mɛ itɑ bu dɑ bu Ayi wɔri, ɑ ku tɔmbu kpuro wɑhɑlɑ doke. Domi wuu ɡen tɔmbu bɑ ǹ dɑbi.