Mɔnnu 11:31 - Bibeli Gusunɔn Gari

³¹ Gemɡii u rɑ win ɑre wɑwɑ tɑrɑ mi. Kɑɑ sere ɡere tɔn kɔ̃so?

Mɔnnu 11:31 ပူးပေါင်းရင်းမြစ်များ

Sɑmuɛli II 22:21

U mɑn domɑru kuɑ yèn sɔ̃ nɑ dɛɛre. U mɑn domɑru kuɑ yèn sɔ̃ nɑ ɡem swĩi.

Sɑmuɛli II 22:25

Yen sɔ̃nɑ u mɑn kɔsiɑ nɡe mɛ nɛn dɑɑ ɡeɑ nɛ. U mɑn kɔsiɑ nɡe mɛ nɛn ɡɔ̃ru ɡɑ dɛɛrɑm nɛ.

Sinɑmbu I 13:24

Ye u ɡu sɔni u wiɔ, yerɑ swɑɑ sɔɔ ɡbee sunɔ ɡɑ nùn sɛ̃re ɡɑ ɡo. Mɑ win ɡoru tɑ kpĩ swɑɑ sɔɔ. Mɑ win kɛtɛku ɡe, kɑ ɡbee sunɔ ɡe, nu yɔ̃ win bɔkuɔ.

Mɔnnu 12:1

Wi u kĩ u yɛ̃ru wɑ, u rɑ wure bu nùn sɛɛyɑsiɑ. Wi u yinɑmɔ bu nùn wɔkisi, u sɑ̃ɑwɑ ɡɑri bɔkɔ.

Mɔnnu 13:21

Kɔ̃sɑ yɑ rɑ durumɡibu nɑɑ swĩiwɑ, ɑdɑmɑ duromɑ mu rɑ ko ɡemɡibun ɑre.

Mɔnnu 26:10

Yinni wi u ɡɑri bɔkɔ sɔmburu suɑ, u sɑ̃ɑwɑ nɡe tɛn towo wi u tɔmbu tweemɔ.

Esɑi 13:11

Yinni Gusunɔ u nɛɛ, kon hɑnduniɑɡibu sɛɛyɑsiɑ ben kɔ̃sɑ ye bɑ mɔ̀n sɔ̃, kɑ mɑɑ nuku kɔ̃suruɡibu ben nuku kɔ̃surun sɔ̃. Kon de be bɑ tii sue bu kɑm ko, kpɑ n be bɑ tɔmbu dɑm dɔremɔ kpeerɑsiɑ.

Esɑi 3:11

Adɑmɑ bɔ̃rurowɑ wi u nuku kɔ̃suru mɔ. U ko n wɑ̃ɑwɑ nuku sɑnkirɑnu sɔɔ, domi win sɔmburun ɑreyɑ u koo wɑ.

Yeremi 25:29

Domi u ǹ win wuu Yerusɑlɛmu deri. Ǹ n mɛn nɑ, u koo bweseru ɡɑru deri? Aɑwo, u ǹ derimɔ. Bwesenu kpuro sɔɔrɑ u koo win mɔru sure. Wi, Gusunɔ wɔllu kɑ tem Yinniwɑ u yeni ɡeruɑ.

Esekiɛli 44:10

Yenibɑn biru, Yinni Gusunɔ u mɑɑ nɛɛ, Lefi be bɑ rɑɑ kɑ mɑn tondɑ sɑnɑm mɛ Isirelibɑ bɑ mɑn deri mɑ bɑ dɑ bɑ bũnu swĩi, bɑ koo ben torɑnun ɑre mwɑ.

Osee 4:9

Yen sɔ̃, sɛɛyɑsiɑ tee biyɑ kon nɛn tɔmbu kɑ ben yɑ̃ku kowobu ko. Kon bu sɛɛyɑsiɑwɑ nɡe mɛ ben dɑɑ yɑ nɛ. Kon bu kɔsiɑwɑ nɡe mɛ ben kookoosu nɛ.