Mɔnnu 10:7 - Bibeli Gusunɔn Gari

⁷ Bɑ ku rɑ ɡemɡii duɑri, ɑdɑmɑ tɔn kɔ̃so, bɑ rɑ nùn duɑriwɑ sere kɑ win yĩsirɔ.

Mɔnnu 10:7 ပူးပေါင်းရင်းမြစ်များ

Sinɑmbu I 11:36

Kpɑ u bwese kɛri tiɑ win bii wɛ̃ Dɑfidin sɔ̃ kpɑ u n dɑ n kɔsire mɔ bɑndu sɔɔ Yerusɑlɛmuɔ wuu ɡe u ɡɔsɑ bu kɑ nùn sɑ̃ mi.

Sinɑmbu II 19:34

Domi u koo wuu ɡe kɔ̃suwɑ u ɡu fɑɑbɑ ko win tiin sɔ̃, kɑ mɑɑ Dɑfidi win sɔm kowon sɔ̃.

Bɑndun Gɑri II 24:16

Mɑ bɑ nùn sikuɑ Dɑfidin wuuɔ, mi bɑ rɑ sinɑmbu sike. Domi u ɡeɑ kuɑ Isireliɔ kɑ mɑɑ Yinni Gusunɔn wuswɑɑɔ kɑ sere sɑ̃ɑ yee ten mi.

Bɑndun Gɑri II 32:33

Esekiɑsi u kpunɑ u ɡu. Mɑ bɑ nùn sikuɑ Dɑfidin bibun bweserun siku yerɔ berɑ ɡee n ɡunum bo. Yerusɑlɛmuɡibu kɑ Yudɑbɑ bɑ nùn ɡɔɔ swĩiyɑ. Yen biru, win bii Mɑnɑse u bɑndu kɔsire kuɑ.

Yoobu 18:17

Bɑ koo win ɡɑri duɑri hɑnduniɑ sɔɔ. Bɑ ǹ mɑɑ win yĩsiru yɑɑyɑmɔ.

Yoobu 24:20

Wi u tɔn kɔ̃so mɑrɑ u rɑ nùn duɑriwɑ. U koo kowɑ kɔkɔnun dĩɑ ɡeenu. Tɔmbu kpurowɑ bɑ koo nùn duɑri. Kpɑ u wɔrumɑ u bɔɔrɑ nɡe dɑ̃ɑ.

Yoobu 27:23

Tɔmbu bɑ̀ n wɑ mɛsum kpɑ bu nùn yɛ̃ɛ bɑ n tɑki mɔ̀, kpɑ bu nùn wiɑ koosi sɑɑ ye u doonɔ.

Womusu 109:13

Bu win bibun bweseru ɡoowo, kpɑ win yĩsiru tu ɡbi.

Womusu 109:15

Yinni Gusunɔ u de u n win torɑ ni yɑɑye, kpɑ u win yĩsiru ɡo mɑm mɑm.

Womusu 112:6

Domi ɡeeɡii kun sokurɑmɔ pɑi. Bɑ ko n nùn yɑɑyewɑ kɑ bɑɑdommɑɔ.

Womusu 34:16

Gemɡibɑ Yinni Gusunɔ u rɑ n nɔni wɛ̃ɛ. Mɛyɑ u rɑ mɑɑ ben wuri swɑɑ dɑki.

Womusu 34:17

Yinni Gusunɔ u rɑ kɑ kɔ̃sɑn kowobu sɑnnɛ, kpɑ u de bu ben ɡɑri duɑri tem mɛni sɔɔ.

Womusu 41:5

Wee, nɑ ɡerumɔ nɑ mɔ̀, Yinni Gusunɔ, ɑ nɛn wɔnwɔndu wɑɑwo, ɑ nɛn hunde bɛkio. Domi nɑ nun torɑri.

Mɔnnu 22:1

Yĩsi ɡeerɑ dukiɑ bɑkɑ bɛɛrɛ kere. Bɛɛrɛ yɑ mɑɑ sii ɡeesu kɑ wurɑ kere.

Wɑɑsu kowo 8:10

Nɑ wɑ bɑ tɔn kɔ̃sobu sikuɑ bɑ wɑ̃ɑ bɑ wɛ̃re. Be bɑ mɑɑ ɡeɑ kuɑ, bɑ kɑ sɑ̃ɑ yeru tondɑ, mɑ bɑ ben ɡɑri duɑri wuu sɔɔ. Yeni kpuro yɑ tubum sɛ̃.

Esɑi 14:22

Nɛ Gusunɔ, wɔllu kɑ tem Yinni, nɑ nɛɛ, kon Bɑbiloniɡibu seesi n ben bweseru kɑ ben wuun yĩsiru ɡo. Bɑ ǹ mɑɑ ben yirɑ wɑsi.

Yeremi 17:13

Yinni Gusunɔ, wunɑ bɛsɛ Isirelibɑ sɑ yĩiyɔ. Be bɑ nun biru kisi, bɑ koo sekuru wɑ. Be bɑ kɑ nun tondinɛ, bɑ koo bu duɑri. Bɑ ko n sɑ̃ɑwɑ nɡe bèn yĩsɑ bɑ yoruɑ tuɑ sɔɔ. Domi bɑ wunɛ Yinni Gusunɔ deri, wunɛ wi ɑ sɑ̃ɑ nɡe bwiɑ yèn nim mu wɑ̃ɑru wɛ̃ɛmɔ.

Mɑɑku 14:9

Kɑ ɡeemɑ nɑ bɛɛ sɔ̃ɔmɔ, bɑɑmɑ mi bɑ Lɑbɑɑri ɡeɑ wɑɑsu mɔ̀ hɑnduniɑ kpuro sɔɔ, bɑ koo mɑɑ kurɔ win ɡɑri ɡere ye u kuɑ minin sɔ̃, bɑ n kɑ nùn yɑɑye.

Luku 1:48

yèn sɔ̃ u kɑ mɑn nɔnu ɡeu mɛɛrɑ, nɛ wi nɑ sɑ̃ɑ win yoo bwɛ̃ɛbwɛ̃ɛ. Wee, sɑɑ tɛ̃n di sɑɑ bɑɑyeren tɔmbu bɑ koo mɑn soku doo nɔɔruɡii