Mɔnnu 10:27 - Bibeli Gusunɔn Gari

²⁷ Be bɑ rɑ Yinni Gusunɔ nɑsie, berɑ bɑ rɑ tɛ, ɑdɑmɑ durumɡibu bɑ rɑ ɡbiwɑ sɛkum.

Mɔnnu 10:27 ပူးပေါင်းရင်းမြစ်များ

Womusu 21:4

Wee, ɑ kɑ nùn domɑ ɡeeru nɑɑwɑ. A nùn furɔ wurɑɡuu dokeɑ ɑ kuɑ sinɑ boko.

Womusu 55:23

A wunɛn wɑ̃ɑru kpuro Yinni Gusunɔ nɔmu sɔndio, kpɑ u nun nɔɔri. Domi u ǹ derimɔ ɡemɡii u wɔrumɑ.

Womusu 91:16

Kon de u tɔkɔru ko bɔri yɛndu sɔɔ, kpɑ n nùn nɛn fɑɑbɑ sɔ̃ɔsi.

Womusu 92:15

Bɑɑ tɑ̀ n tɔkɔ kuɑ, tɑ ko n binu mɑrumɔwɑ, kpɑ tɑ n bɔrɔm mɔ tɑ n wurusu sɔɔwɑ.

Mɔnnu 14:27

Yinni Gusunɔn nɑsiɑru tɑ sɑ̃ɑwɑ wɑ̃ɑrun nuuru. Teyɑ tɑ rɑ tɔnu yɑre ɡɔɔn yinɑn di.

Mɔnnu 28:18

Wi u dɑɑ ɡeɑ mɔ, u ko n wɑ̃ɑwɑ bɔri yɛndu sɔɔ, ɑdɑmɑ wi u swɛɛ kɔ̃si yiru swĩi, u koo kɔ̃ɔrɑ yen ɡɑɑ sɔɔ.

Mɔnnu 3:16

Bwisi yin nɔm ɡeuɔ, hunde dɑkɑɑwɑ yɑ wɑ̃ɑ mi. Yin nɔm dwɑrɔ mɑɑ, ɑrumɑni kɑ bɛɛrɛwɑ yɑ wɑ̃ɑ mi.

Mɔnnu 3:2

Yerɑ yɑ koo de wunɛn wɑ̃ɑru tu dɛnyɑ, kpɑ ɑ n wɑ̃ɑ bɔri yɛndu sɔɔ.

Mɔnnu 9:11

Bwisi yi koo wunɛn wɑ̃ɑrun tɔ̃ru sosi.

Wɑɑsu kowo 7:17

A ku tii sure kɔ̃sɑ sɔɔ, ɑ ku mɑɑ wɔri ɡɑri bɑkɑ kookoosu sɔɔ. Mbɑn sɔ̃nɑ kɑɑ de ɑ ɡbi tumɑru.

Yeremi 17:11

Wi u dukiɑ ɡurɑmɔ kɑ swɑɑ kɔ̃sɑ, u sɑ̃ɑwɑ nɡe kusu ɡe ɡɑ sĩɑ tukɑ wee ye ɡɑ ǹ kɑ. Dukiɑ ye, yɑ koo nùn deriwɑ win wɑ̃ɑrun suunu suunukɑ sɔɔ, kpɑ u n sɑ̃ɑ nɡe ɡɑri bɔkɔ win wɑ̃ɑ dɑ̃ɑkiru sɔɔ.

Luku 12:20

Adɑmɑ Gusunɔ u nùn sɔ̃ɔwɑ u nɛɛ, ɡɑri bɔkɔ, wɔ̃ku teni bɑ koo nun wunɛn hunde bikiɑ. Ye u sɔɔru kuɑ mi, wereɡiɑ yɑ ko n sɑ̃ɑ.

Sɔ̃ɔsiru 11:9

kpɑ bɛɛn wɑ̃ɑru tu dɑkɑɑ dɑ tem mɛ sɔɔ, mɛ̀n nɔɔ mwɛɛru Yinni Gusunɔ u kuɑ kɑ bɔ̃ri u nɛɛ, u koo bɛsɛn bɑɑbɑbɑ kɑ ben bibun bweseru wɛ̃, mɛ̀ sɔɔ tim kɑ bom mu yibɑ.