Mɔnnu 10:20 - Bibeli Gusunɔn Gari

²⁰ Gemɡiin ɡɑri yi sɑ̃ɑwɑ nɡe sii ɡeesun tii, ɑdɑmɑ tɔn kɔ̃son bwisikunu nu ǹ ɑrufɑɑni ɡɑɑ mɔ.

Mɔnnu 10:20 ပူးပေါင်းရင်းမြစ်များ

Torubu 6:5

Domi u wɑ tɔmbun dɑɑ kɔ̃sɑ kpɛ̃ɑ hɑnduniɑ sɔɔ. Ben ɡɔ̃run bwisikunu nu rɑ n wɑ̃ɑwɑ kɔ̃sɑ sɔɔ bɑɑdommɑ.

Torubu 8:21

Mɑ Yinni Gusunɔ u yɑ̃ku ni mwɑ mɑ u tii sɔ̃ɔwɑ u nɛɛ, nɑ ǹ kon mɑɑ tem bɔ̃rusi tɔnun sɔ̃. Domi tɔnun ɡɔ̃run bwisikunu sɑ̃ɑwɑ kɔ̃sunu sɑɑ win birun di. Nɑ ǹ mɑɑ hunde konibɑ kpuro kpeerɑsiɑmɔ nɡe mɛ nɑ kuɑ.

Womusu 37:30

Gemɡiin nɔɔ, ɡɑri bwisiɡiiyɑ ɡɑ rɑ yɑre. Win yɑrɑ, ɡemɑ yɑ rɑ mɑɑ ɡere.

Mɔnnu 12:18

Wi u rɑ ɡɑri ɡere u kun bwisikɑ, u rɑ kɑ yi tɔmbu sɔkuwɑ nɡe tɑkobi, ɑdɑmɑ bwisiɡiin ɡɑri yi rɑ tɔnu bɛkiewɑ.

Mɔnnu 15:4

Gɑri yi yi nukuru yɛmiɑsiɑmɔ yiyɑ yi rɑ kɑ wɑ̃ɑru nɛ, ɑdɑmɑ ɡɑri kɑm yi rɑ tɔnun ɡɔ̃ru sɑnkuwɑ.

Mɔnnu 16:13

Gemɑ sinɑ boko u rɑ kɑ̃. U rɑ kɑ̃wɑ bu nùn ɡem sɔ̃.

Mɔnnu 20:15

Wurɑ kun sɛ̃, wesekii ɡeenu mɑɑ yibɑ, ɑdɑmɑ be bɑ rɑ ɡɑri bwisiɡii ɡere, bɑ ǹ dɑbi.

Mɔnnu 23:7

Domi u sɑ̃ɑwɑ nɡe bwisiku ni nu wɑ̃ɑ win ɡɔ̃ruɔ. U koo nɛɛ, ɑ dio, ɑ nɔruo. Adɑmɑ n ǹ mɛ win ɡɔ̃ruɔ.

Mɔnnu 8:19

Nɛn ɑre yi sii ɡeesu kɑ wurɑn tii bɛɛrɛ kere.

Yeremi 17:9

Tɔnun ɡɔ̃ru ɡɑ rɑ kɔ̃sɑ berewɑ. Mɛyɑ ɡen bɑrɑrɑ ku rɑ bɛkure. Goo u wɑ̃ɑ wi u koo kpĩ u ɡen bwisikunu ɡiɑ?