Mɔnnu 1:28 - Bibeli Gusunɔn Gari

²⁸ Sɑnɑm mɛyɑ i ko mɑn soku, ɑdɑmɑ nɑ ǹ bɛɛ wurɑrimɔ. I ko mɑn kɑsu, i ǹ mɑɑ mɑn wɑsi.

Mɔnnu 1:28 ပူးပေါင်းရင်းမြစ်များ

Torubu 6:3

Mɑ bɑ kɑ bu mɛnnɑ bɑ bibu mɑrɑ. Bii beyɑ bɑ kuɑ durɔ ɡbebunu hɑnduniɑ sɔɔ, ni nu rɑɑ yĩsiru yɑrɑ yellu. Mɑ Yinni Gusunɔ u nɛɛ, nɛn hunde kun ko n wɑ̃ɑ tɔmbu sɔɔ kɑ bɑɑdommɑɔ domi bɑ sɑ̃ɑwɑ be bɑ koo ɡbi. Kɑ mɛ, kon de bɑ n ɡinɑ wɑ̃ɑ wɔ̃ɔ wunɑɑ teeru.

Yoobu 27:9

Gusunɔ u koo nùn swɑɑ dɑki sɑnɑm mɛ nɔni swɑ̃ɑrɑ nùn deemɑ?

Yoobu 35:12

Bɑ̀ n somiru kɑnɑ Gusunɔ u ku rɑ wure, yèn sɔ̃ bɑ tii sue mɑ bɑ sɑ̃ɑ tɔn kɔ̃sobu.

Womusu 18:41

Wunɑ ɑ rɑ de nɛn yibɛrɛbɑ bu mɑn biru kisi. Wunɑ ɑ rɑ de n be bɑ mɑn tusɑ kpeerɑsiɑ.

Womusu 18:42

Nɑ rɑ bu munkuwɑ kpɑ bu ko nɡe tuɑ. Nɑ rɑ bu tɑɑkuwɑ kpɑ bu ko nɡe pɔtɔkɔ. Yinni Gusunɔ, bɑ̀ n nɔɔɡiru suɑ bɑ fɑɑbɑ kɑnɑ, ɑ ku bu fɑɑbɑ ko. Bɑ̀ n somiru kɑnɑ, ɑ ku bu wisi.

Womusu 66:18

Nɑ̀ n dɑɑ torɑru ɡɑru mɔ nɛn ɡɔ̃ruɔ, Yinni Gusunɔ kun dɑɑ mɑn wurɑrimɔ.

Mɔnnu 15:29

Yinni Gusunɔ u ku rɑ tɔn kɔ̃son kɑnɑru lɑɑkɑri ko, ɑdɑmɑ u rɑ ɡemɡiin kɑnɑru nɔ.

Mɔnnu 8:17

Be bɑ mɑn kĩ, nɑ mɑɑ bu kĩ. Be bɑ mɑn kɑsu, bɑ koo mɑn wɑ.

Womu Duro 5:6

Nɑ nɛn kĩnɑsi kɛniɑ, ɑdɑmɑ nɑ deemɑ u doonɑ. Nɛn bwɛ̃rɑ rɑɑ wurɑ win mi, sɑnɑm mɛ nɑ win nɔɔ nuɑ. Nɑ nùn kɑsu kɑsu, nɑ ǹ nùn wɑ. Nɑ nùn sokɑ, u ǹ wure.

Esɑi 1:15

Bɑɑ ì n bɛɛn kɑnɑru dɛnyɑsiɑmɔ, nɑ ku rɑ nu swɑɑ dɑki. Ì n nɔmɑ yiiyɑ wɔllɔ i kɑ kɑnɑru ko, nɑ rɑ nɛn wuswɑɑ sĩiyɛwɑ, nɑ kun bɛɛ mɛɛrɑ. Domi bɛɛn nɔmɑ tɔmbun yɛm yibɑ be i ɡo.

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 14:12

Domi bɑɑ bɑ̀ n nɔɔ bɔkuɑ, nɑ ǹ ben kɑnɑru nɔɔmɔ. Bɑ̀ n mɑɑ yɑ̃ku dɔ̃ɔ mwɑɑrɑruɡinu kɑ kɛ̃nu ɡɑnu kuɑ, nɑ ǹ nu mwɑɑmɔ. Kon de bu ɡbiwɑ ɡɔ̃ɔrun sɔ̃ kɑ kɛ̃si kɛ̃si bɑrɑrun sɔ̃ kɑ mɑɑ tɑbu sɔɔ.

Esekiɛli 8:18

Nɛn tii kon bu ye bɑ kuɑ kɔsie kɑ nɛn mɔru bɑkɑ. Nɑ ǹ bu mɛɛrimɔ kɑ wɔnwɔndu. Bɑ koo wuri kowɑ kɑ dɑm bu kɑ mɑn somiru kɑnɑ. Adɑmɑ nɑ ǹ bu swɑɑ dɑkimɔ.

Osee 5:15

Yinni Gusunɔ u nɛɛ, ǹ n mɛn nɑ, kon bu biru kisi kpɑ n wurɑ nɛn wɑ̃ɑ yerɔ sere bu kɑ tubu mɑ bɑ torɑ. Ben nɔni swɑ̃ɑru tɑ koo de bu mɑn kɑsu kpɑ bu mɑn somiru kɑnɑ.

Osee 5:6

Sɑnɑm ɡɑm sisi mɛ̀ sɔɔ bɑ koo bikiɑru dɑ Yinni Gusunɔn mi, kpɑ bu kɑ nùn yɑ̃ɑnu kɑ kɛtɛbɑ yɑ̃kuru kuɑ. Adɑmɑ bɑ ǹ nùn wɑsi, domi u bu deri.

Amɔsu 8:12

I ko i n yɑrinɛwɑ sɑɑ sɔ̃ɔ yɛ̃sɑn nɔm dwɑru ɡiɑn di n kɑ dɑ sɔ̃ɔ duu yerɔ, sɑɑ mɑɑ sɔ̃ɔ yɛ̃sɑn nɔm ɡeu ɡiɑn di n kɑ dɑ sɔ̃ɔ yɑri yerɔ, i n bɔsu bɑɑmɑ, i n kɑsu i nɛn ɡɑri nɔ. Adɑmɑ i ǹ wɑsi i yi nɔ.

Misee 3:4

Yen sɔ̃nɑ ì n Yinni Gusunɔ kɑnɑ u bɛɛ somi, u ǹ bɛɛ wisimɔ. U koo bɛɛ biru kisiwɑ kɔ̃sɑ ye i kuɑ min sɔ̃.

Sɑkɑri 7:13

Sɑnɑm mɛ nɑ bu sokɑ, bɑ ǹ wisɑ. Yen sɔ̃nɑ nɛn tii nɑ ǹ mɑɑ bu wisɑ sɑnɑm mɛ bɑ mɑn somiru kɑnɑ.

Sɔ̃ɔsiru 1:45

Ye i wurɑmɑ, i Yinni Gusunɔ weeweenu koosi. Adɑmɑ u ǹ bɛɛ swɑɑ dɑki.

Yɑkɔbu 4:3

Ì n mɑɑ bikiɑ i ku rɑ wɑ yèn sɔ̃ torɑrɑ i kɑ bikiɑmɔ kpɑ i kɑ ye dendi bɛɛn tii tiin kĩru sɔɔ.

Sɑmuɛli I 8:18

Dɔmɑ te ye kpuro yɑ koorɑ, i ko weeweenu ko sinɑ boko wi i ɡɔsɑn sɔ̃, ɑdɑmɑ Yinni Gusunɔ u ǹ bɛɛ wurɑrimɔ dɔmɑ te.