Piɛɛ II 3:13 - Bibeli Gusunɔn Gari

¹³ Adɑmɑ Gusunɔ u wɔn kpɑɑru kɑ tem kpɑm nɔɔ mwɛɛru kuɑ mi ɡem ko n wɑ̃ɑ. Yerɑ sɑ mɑrɑ.

Piɛɛ II 3:13 ပူးပေါင်းရင်းမြစ်များ

Esɑi 60:21

Wunɛn tɔmbu kpuro bɑ ko n sɑ̃ɑwɑ ɡemɡibu, kpɑ bɑ n tem mɛ mɔ sere kɑ bɑɑdommɑɔ. Nɑ bu ɡirɑwɑ nɡe dɑ̃ɑ kɑ̃ɑsɑ. Bɑ sɑ̃ɑwɑ be nɑ tɑkɑ kuɑ bu kɑ nɛn kpɑ̃ɑru sɔ̃ɔsi.

Esɑi 65:17

Domi Yinni Gusunɔ u nɛɛ, wee kon tem kpɑm kɑ wɔn kpɑɑru ko. Bɑ ǹ mɑɑ yɑɑyɑmɔ ye yɑ rɑɑ koorɑ yellu. Tɔmbɑ kun mɑɑ ye bwisikumɔ.

Esɑi 65:25

Sɑɑ ye sɔɔ, purukɑnu kɑ yɑ̃ɑnu koo yɑkɑsu di yɑm tem. Mɛyɑ ɡbee sinɑnsu koo mɑɑ yɑkɑsu di nɡe kɛtɛbɑ, kpɑ wɑɑ yɑ kun mɑɑ ɡɔbu. Kɔ̃sɑ ɡɑɑ, ǹ kun mɛ ɑsɔrɔ ɡɑɑ kun ko n mɑɑ wɑ̃ɑ Siɔniɔ nɛn ɡuu dɛɛrɑ ten wɔllɔ. Nɛ, Yinni Gusunɔwɑ nɑ ɡeruɑ mɛ.

Esɑi 66:22

Nɡe mɛ wɔn kpɑɑru kɑ tem kpɑm mɛ kon ko mu ko n wɑ̃ɑ nɛn wuswɑɑɔ kɑ bɑɑdommɑɔ, nɡe mɛyɑ bɛɛn bweseru kɑ bɛɛn yĩsirɑ ko n mɑɑ wɑ̃ɑ sere kɑ bɑɑdommɑɔ.

Romu 8:21

mɑ bɑ koo rɑ tɑkɑ koorɑn tii yɑkiɑ sɑɑ kɑm kobun yorun di, kpɑ yu kɑ Gusunɔn bibun tii mɔɔ yiikoɡiru bɔnu ko.

Piɛɛ II 1:4

Nɡe mɛyɑ u sun nɔɔ mwɛɛ bɑkɑ bɛɛrɛɡinu kuɑ kpɑ i n kɑ bɔnu mɔ win dɑɑ sɔɔ, sɑnɑm mɛ i sɑnkirɑnu suuri ni nu wɑ̃ɑ hɑnduniɑ sɔɔ binɛn sɔ̃.

Kɑ̃siru 21:1

Yen biruwɑ nɑ wɔn kpɑɑru kɑ tem kpɑm wɑ. Wɔn ɡururu kɑ tem ɡurum bɑɑ doonɑ, nim wɔ̃ku ɡɑ ǹ mɑɑ wɑ̃ɑ.

Kɑ̃siru 21:27

Adɑmɑ ɡɑ̃ɑ kɔ̃sunu kun duɔ wuu ɡe sɔɔ pɑi, mɛyɑ mɑɑ tɔnu wi u kom kɔ̃sum kɑ weesu mɔ̀. Be bɑ koo du mi, beyɑ bèn yĩsɑ bɑ yoruɑ Yɑ̃ɑ kinɛ kpɛm ten tireru sɔɔ te tɑ sɑ̃ɑ wɑ̃ɑrun tireru.