Piɛɛ I 3:3 - Bibeli Gusunɔn Gari

³ I ku kɑsu i tii ko kurɔ burɑbu kɑ bɛɛn serin tɑrɑ, kɑ wurɑbɑ, kɑ yɑ̃ɑ burɑnu.

Piɛɛ I 3:3 ပူးပေါင်းရင်းမြစ်များ

Torubu 24:22

Sɑnɑm mɛ yooyoo si, su nim nɔrɑ su kpɑ, durɔ wi, u wurɑn tɑɑbu yɑrɑmɑ ɡe ɡɑ ɡeɑ sɑ̃ɑ kɑ wurɑn sum bɛkɛ yiru yi yi bunu u nùn wɛ̃.

Torubu 24:47

Nɑ nùn bikiɑ nɑ nɛɛ, wɑrɑn biiwɑ u sɑ̃ɑ. U wisɑ u nɛɛ, Bɛtuɛliwɑ u sɑ̃ɑ win tundo wi Nɑkori kɑ Milikɑ bɑ mɑrɑ. Mɑ nɑ nùn tɑɑbu dokeɑ wɛ̃rɔ. Mɑ nɑ sumi doke win nɔmɑɔ.

Torubu 24:53

Yen biru u sii ɡeesu kɑ wurɑbɑ yɑrɑmɑ kɑ bekɑ u Rebekɑ kɑ̃. U mɑɑ win sesu kɑ win mɛro ɡɑ̃ɑ ɡeenu kɑ̃.

Sinɑmbu II 9:30

Yen biruwɑ Yehu u duɑ Yisirɛɛliɔ. Ye Yesɑbɛli u nuɑ mɛ, yerɑ u win wuswɑɑ burɑru kuɑ u kirobɑ doke nɔniɔ. Mɑ u win wiru yɑrɑ fɛnɛntin di u kɑ yɑm mɛɛrɑ.

Ɛsitɛɛ 5:1

Nɔɔ bɔku ten sɔ̃ɔ itɑse, yerɑ Ɛsitɛɛ u win sinɑ yɑ̃nu sebuɑ. Mɑ u dɑ sinɑ kpɑɑrɔ. Ye u duɑ ten sɔɔwɔ, u deemɑ sinɑ boko u sɔ̃ win sinɑ kitɑrɔ u kɔnnɔ mɛɛrɑ.

Womusu 45:9

Wunɛn yɑ̃nu nu turɑre numɔ ye bɑ rɑ soku miru kɑ ɑloɛsi kɑ kɑsi. Bɑ mɔrɔkunu soomɔ ɑ kɑ nuku dobu wɑ wunɛn sinɑ ɡbɑburɔ te bɑ suunu donnu mɑni mɑni.

Yɑribu 3:22

Bɛɛn tɔn kurɔ bɑɑwurewɑ u koo win beruse ǹ kun mɛ kɑ wi bɑ wɑ̃ɑ yɛnu teu sɔɔ burɑ yɑ̃ɑ ni bɑ kuɑ kɑ wurɑ kɑ sii ɡeesu kɑnɑ, kɑ mɑɑ bekɑ kpɑ bu ye kpuro ben bibu dokeɑ. Nɡe mɛyɑ i ko kɑ Eɡibitiɡibun ɑrumɑni ɡurɑ.

Yɑribu 32:2

Yerɑ Aroni u bu sɔ̃ɔwɑ u nɛɛ, i bɛɛn kurɔbun swɑɑ tonku wurɑɡinu potirimɑ kɑ bɛɛn bibuɡinu i kɑ nɑ.

Yɑribu 33:4

Ye tɔn be, bɑ lɑbɑɑri kɔ̃sɑ ye nuɑ, ben wɑsi dwiiyɑ. Bɑ ǹ mɑɑ ben burɑ yɑ̃nu ɡɑnu doke nuku sɑnkirɑnun sɔ̃.

Yɑribu 35:22

Tɔn durɔbu kɑ tɔn kurɔbu be bɑ ɡɔ̃ru doke bu kɑ Yinni Gusunɔ kɛ̃ru nɑɑwɑ, bɑ kɑ swɑɑ tonkunu kɑ sumi kɑ tɑɑminu kɑ sɛɛnin bɑtɑnibɑ, ye yɑ sɑ̃ɑ wurɑn ɡɑ̃ɑnu kpuro ɡesi, ben bɑɑwure u kɑ nɑ mɑ u yi kɑ kɛ̃ɛ wɛ̃ɛbun wororu.

Yɑribu 38:8

Mɑ bɑ boo ɡe kuɑ kɑ ɡen sɔwɑritiɑ, ye kpuro yɑ sɑ̃ɑwɑ sii ɡɑndu. Bɑ nu mwɛɛrɑwɑ tɔn kurɔbun mi be bɑ rɑ sinɛ sɑ̃ɑ yee ten kɔnnɔwɔ. N deemɑ sii ɡɑn niyɑ nu rɑ n sɑ̃ɑ ben diɡi.

Esɑi 52:1

Yerusɑlɛmu, wunɛ wi Yinni Gusunɔ u tii ɡɔsiɑ, ɑ dom yɑndo kpɑ wunɛn dɑm mu wurɑmɑ, kpɑ ɑ wunɛn burɑ yɑ̃nu doke. Domi be bɑ ǹ Yinni Gusunɔ sɑ̃ɑmɔ, ben ɡoo kun mɑɑ duɔ wunɛ sɔɔ.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Yeremi 2:32

Wɔndiɑ u rɑ win burɑ yɑ̃nu duɑri ro? Kurɔ kpɑo u rɑ win sɔnditiɑ duɑri? Amɔnɑ bɛɛ nɛn tɔmbu i kɑ mɑn duɑri n kɑ tɛ mɛ, nɑ ǹ mɑm yen tɔ̃nun ɡeeru yɛ̃.

Yeremi 4:30

Wunɛ Yerusɑlɛmu, burɑru mbɑ kɑɑ mɑɑ tii kuɑ. Kɑɑ tii beku wunɔmɡiru kɑsuɑwɑ ɑ dewe, kpɑ ɑ wurɑn sɑbɑ sebe, kpɑ ɑ kiro doke? Kɑm sɔɔrɑ kɑɑ tii burɑru kuɑ. Wee wunɛn kĩnɑsibu bɑ nun tusɑ bɑ kɑsu bu nun ɡo.

Esekiɛli 23:40

Yen biru, bɑ mɑɑ sɔmɔbu ɡɔrɑ bu bu durɔbu kɑsuɑmɑ sɑɑ tontonden di. Mɑ durɔ be, bɑ seemɑ bɑ nɑ. Sɑɑ yerɑ bɑ woburɑ mɑ bɑ kiro doke mɑ bɑ ben burɑ yɑ̃nu doke durɔ ben sɔ̃.

Romu 12:2

I ku mɑɑ kɑ tɛ̃n tɔmbu weenɑ, ɑdɑmɑ i kɔsio kɑ bwisiku kpɑɑnu kpɑ i kɑ wunɑnɑ ye n sɑ̃ɑ Gusunɔn kĩru. Yeyɑ yɑ ɡeɑ sɑ̃ɑ, yɑ mɑɑ wɑ̃, mɑ yɑ yibɑ.

Piɛɛ I 3:2

domi bɑ koo wɑ mɑ bɛɛn wɑ̃ɑrɑ dɛɛre i mɑɑ tɔnun bɛɛrɛ yɛ̃.