Piɛɛ I 2:4 - Bibeli Gusunɔn Gari

⁴ I susio win mi, wi u sɑ̃ɑ nɡe kpee wɑsiru te tɔmbɑ yinɑ ɑdɑmɑ Gusunɔ u tu ɡɔsɑ tɑ mɑɑ bɛɛrɛ mɔ win mi.

Piɛɛ I 2:4 ပူးပေါင်းရင်းမြစ်များ

Esɑi 28:16

Yen sɔ̃nɑ Yinni Gusunɔ u nɛɛ, wee u kperu swĩi Siɔniɔ, tɑ kuɑ win kpɛɛkpɛɛku. Kpee te, tɑ sɑ̃ɑwɑ kpee ɡobiɡiru te u ɡɔsɑ, tɑ kuɑ ɡɑni ɡɔmburun dɑm. Wi u tu kuɑ win tɑ̃si yeru u ǹ wɔrumɑmɔ.

Esɑi 42:1

Yinni Gusunɔ u nɛɛ, nɛn sɔm kowo wee, wi nɑ ɡɔsɑ. Wiyɑ nɑ kɑ wɑ̃ɑ, nɑ mɑɑ nùn kĩ. Nɑ nɛn Hunde doke wi sɔɔ. U koo ɡem ɡɑri kpɑrɑ tɔmbu sɔɔ.

Esɑi 55:3

I swɑɑ dɑkimɑ, i nɑ nɛn mi, kpɑ i wɑ i n wɑ̃ɑ. Kon kɑ bɛɛ ɑrukɑwɑni bɔke ye yɑ kun kpeemɔ, n kɑ bɛɛ durom sɔ̃ɔsi sere kɑ bɑɑdommɑɔ, mɛ̀n nɔɔ mwɛɛru nɑ Dɑfidi kuɑ.

Yeremi 3:22

Bɛɛ, bii mɛm nɔɔ sɑribɑ, i wurɑmɑ nɛn mi. Kon bɛɛ bɛɛn mɛm nɔɔbu sɑriru suuru kuɑ. Mɑ Isirelibɑ bɑ nɛɛ, Gusunɔ, wunɑ ɑ sɑ̃ɑ bɛsɛn Yinni. Bɛsɛ wee, wunɛn miyɑ sɑ wee.

Dɑniɛli 2:34

Sɑnɑm mɛ ɑ ɡu mɛɛrɑ, yerɑ kperu ɡɑru tɑ mɛndɑmɑ ɡuurun di te ɡoo kun kɑrɑmɛ. Tɑ nɑ tɑ ɡen nɑɑsu so tɑ kɔsukɑ muku muku.

Sɑkɑri 3:9

Wunɛ Yosuen wuswɑɑɔ, u kperu ɡɑru yiimɔ. Wuswɛɛ nɔɔbɑ yiruwɑ tɑ mɔ. Win tiiwɑ u koo yore te sɔɔ. Kpɑ u tem mɛn torɑnu wunɑ sɔ̃ɔ teeru.

Sɑkɑri 4:7

U mɑɑ nɛɛ, Sɑkɑri, mbɑ n dɑ n ɡuu bɑkɑ te tɑ wɑ̃ɑ Sorobɑbɛlin wuswɑɑɔ. Sorobɑbɛli wi, u koo tu kɔrɑ kpɑ u kpee ɡeeru yɑrɑ te bɑ koo sɔndi sɑ̃ɑ yerun wii kpiirɔ. Sɑɑ ye sɔɔ, tɔmbu bɑ koo nuku dobun kuuki ko bɑ n mɔ̀ ɑnnɑ ɑ kpee burɑru wɑ.

Mɑteu 11:28

I nɑ nɛn mi bɛɛ kpuro, bɛɛ be i kɑ bɛɛn sɔmunu wɑsirɑ, kon bɛɛ wɛ̃rɑsiɑ.

Mɑteu 12:18

Gɑri yi sɔɔ, Gusunɔ u nɛɛ, “Nɛn sɔm kowo wi nɑ ɡɔsɑ wee, nɛn kĩnɑsi wì sɔɔ nɛn ɡɔ̃ru dobu kpuro wɑ̃ɑ. Nɑ kon nùn nɛn hunde wɛ̃, kpɑ u nɛn ɡem kpɑrɑ bwesenu kpuron mi.

Mɑteu 21:42

Yesu bu sɔ̃ɔwɑ u nɛɛ, i ǹ ɡɑrire Gusunɔn ɡɑri sɔɔ mi bɑ nɛɛ, “Kpee te bɑnɔbɑ yinɑ, terɑ tɑ kuɑ ɡɑni ɡɔmburun dɑm. Yinniwɑ ye kuɑ, mɑ n kuɑ mɑɑmɑɑki bɛsɛn nɔni sɔɔ.”

Yohɑnu 14:19

N tie fiiko ye hɑnduniɑɡibu bɑ ǹ mɑɑ kɑ mɑn wɑsi, ɑdɑmɑ bɛɛ i ko mɑn wɑ. Yèn sɔ̃ nɑ wɑsi, bɛɛ i ko n mɑɑ wɑsi.

Yohɑnu 14:6

Yesu u nùn sɔ̃ɔwɑ u nɛɛ, nɛnɑ nɑ swɑɑ, nɛnɑ nɑ ɡem, nɛnɑ nɑ wɑ̃ɑru, ɡoo sɑri wi u koo dɑ Bɑɑbɑn mi mɑ n kun mɔ sɑɑ nɛn min di.

Yohɑnu 5:26

Nɡe mɛ Bɑɑbɑ win tii u sɑ̃ɑ wɑ̃ɑrun nuuru, nɡe mɛyɑ u mɑɑ win Bii kuɑ wɑ̃ɑrun nuuru.

Yohɑnu 5:40

Kɑ mɛ, i yinɑ i nɑ nɛn mi kpɑ i n kɑ wɑ̃ɑru mɔ.

Yohɑnu 6:37

Bɑɑwure wi Bɑɑbɑ mɑn wɛ̃ u koo nɑ nɛn mi. Wi u mɑɑ nɑ nɛn mi, nɑ ǹ nùn yinɑmɔ, bɑɑ ǹ n kuɑ ɑmɔ.

Yohɑnu 6:57

Bɑɑbɑ wɑsowɑ u mɑn ɡɔrimɑ, win sɑɑbuwɑ nɑ mɑɑ wɑ̃ɑ. Mɛyɑ bɑɑwure wi u mɑn temɑ, yɛ̃ro u wɑ̃ɑru mɔ nɛn sɔ̃.

Romu 5:10

Sɑnɑm mɛ sɑ sɑ̃ɑ Gusunɔn yibɛrɛbɑ, u kɑ sun dorɑ win Biin ɡɔɔn sɔ̃. Ǹ n mɛn nɑ tɛ̃, ye u kɑ sun dorɑ u kpɑ, sikɑ sɑri u koo mɑɑ sun fɑɑbɑ ko kɑ Bii win wɑ̃ɑru.

Korinti I 3:11

Domi ɡoo kun kpɛ̃ u mɑɑ kpɛɛkpɛɛku ɡɑɡu surɑ mɑ n kun mɔ ɡe bɑ sure, ɡeyɑ ɡɑ sɑ̃ɑ Yesu Kirisi.

Kolose 3:4

Kirisi wi, u sɑ̃ɑwɑ bɛɛn wɑ̃ɑru. Sɑnɑm mɛ u koo kurɑmɑ, bɛɛn tii mɑɑ i ko i terɑ kɑ wi sɑnnu win yiiko sɔɔ.

Piɛɛ I 1:19

Kɑ Kirisin yɛm bɛɛrɛɡimɑ bɑ kɑ bɛɛ yɑkiɑ wi u kɑ yɑ̃ɑ kinɛ kpɛndu weenɛ te tɑ ǹ ɑlebu ǹ kun mɛ disinu ɡɑnu mɔ.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.

Piɛɛ I 2:7

Kpee te, tɑ bɛɛrɛ mɔ bɛɛ be i nɑɑnɛ doken mi, ɑdɑmɑ be bɑ ǹ nɑɑnɛ doken mi, bɑ yoruɑ bɑ nɛɛ, “Kpee te bɑnɔbɑ yinɑ, teyɑ tɑ kuɑ ɡɑni ɡɔmburun dɑm.”

Piɛɛ II 1:1

Bɛɛ be Yesu Kirisi bɛsɛn Yinni kɑ bɛsɛn Fɑɑbɑ kowo ɡeeɡii u nɑɑnɛ dokebu wɛ̃ nɡe bɛsɛ, nɛ Simɔɔ Piɛɛ, win yoo kɑ win ɡɔro, nɛnɑ nɑ bɛɛ tire te yoruɑmmɛ.

Piɛɛ II 1:4

Nɡe mɛyɑ u sun nɔɔ mwɛɛ bɑkɑ bɛɛrɛɡinu kuɑ kpɑ i n kɑ bɔnu mɔ win dɑɑ sɔɔ, sɑnɑm mɛ i sɑnkirɑnu suuri ni nu wɑ̃ɑ hɑnduniɑ sɔɔ binɛn sɔ̃.