Piɛɛ I 1:6 - Bibeli Gusunɔn Gari

⁶ Yen sɔ̃nɑ i nuku doo bɑkɑbu mɔ, bɑɑ mɛ nuku sɑnkirɑnu nu kuɑ tilɑsi tɛ̃ sɑɑ fiiko sɔɔ, lɑɑkɑri mɛɛri bwese bwesekɑn sɔ̃.

Piɛɛ I 1:6 ပူးပေါင်းရင်းမြစ်များ

Womusu 119:28

Wee nɑ wuri mɔ̀ nuku sɑnkirɑnun sɔ̃. A mɑn dɑm kɛ̃ɛyɔ nɡe mɛ ɑ nɔɔ mwɛɛru kuɑ.

Womusu 119:75

Yinni Gusunɔ, nɑ yɛ̃ mɑ wunɛn siribu bu sɑ̃ɑwɑ dee dee. Wunɛn bɔrɔkinirun sɔ̃nɑ ɑ mɑn sekuru doke.

Womusu 34:19

U rɑ n kɑ be bɑ nuki sɑnkire wɑ̃ɑ, kpɑ u be bɑ mwiɑ kpɑnɑ fɑɑbɑ ko.

Womusu 35:10

Kpɑ sɑɑ nɛn ɡɔ̃ru sɔɔn di, n nɛɛ, ɡoo sɑri wi u dɑm mɔ nɡe wunɛ. Domi ɑ nɛ wɔnwɔndo yɑrɑ sɑɑ wi u mɑn dɑm keren nɔmɑn di.

Womusu 69:20

A yɛ̃ nɡe mɛ bɑ mɑn funɛ wunɑ. Bɑ mɑn sekuru doke, bɑ mɑn kɑm mɛɛrɑ. A mɑɑ nɛn yibɛrɛbɑ kpuro yɛ̃.

Womusu 9:14

Yinni Gusunɔ, ɑ mɑn durom kuo. A mɛɛrio wɑhɑlɑ ye nɑ mɔ̀ be bɑ mɑn tusɑn sɔ̃. A mɑn wɔro ɡɔɔn nɔmɑn di,

Womusu 95:1

I nɑ su Yinni Gusunɔ womu kuɑ. Su nùn nɔɔɡiru sue kɑ nuku dobu wi, wi u sɑ̃ɑ fɑɑbɑ kowo dɑmɡii nɡe kpee bɑkɑru.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Esɑi 61:3

Bɑ ɡɔɔ sɔ̃ Siɔnin sɔ̃. Adɑmɑ Gusunɔ u mɑn ɡɔsɑ n kɑ ben nuku sɑnkirɑnu ɡɔsiɑ nuku dobu. Bɑ ǹ mɑɑ torom wisimɔ wirɔ, dɑwɑni burɑ bɑ koo bɔke. Ben wuswɑɑ kun mɑɑ burisinɑmɔ, yɑ ko n sɑ̃ɑwɑ nɡe be bɑ ɡum nubu duroruɡim sɑwɑɡiɑ. Bɑ koo ben yɑ̃ɑ wɔnwɔnduɡinu potɑ bu tɔ̃ɔ bɑkɑ yɑ̃nu sebe. Sɑɑ ye sɔɔrɑ bɑ ko n sɑ̃ɑ nɡe dɑ̃ɑ ni nu Gusunɔn bɛɛrɛ sɔ̃ɔsimɔ, ǹ kun mɛ nɡe ɡbee te tɑ win yiiko sɔ̃ɔsimɔ.

Mɑteu 11:28

I nɑ nɛn mi bɛɛ kpuro, bɛɛ be i kɑ bɛɛn sɔmunu wɑsirɑ, kon bɛɛ wɛ̃rɑsiɑ.

Mɑteu 26:37

U Piɛɛ kɑ Sebeden bibu yiru suɑ bɑ susi wuswɑɑɔ. Mɑ nuku sɑnkirɑnu nùn deemɑ, win wɑsi dwiiyɑ.

Mɑteu 5:12

I ɡɔ̃ru doro kpɑ i n nuku doo bɑkɑbu mɔ yèn sɔ̃ bɑ bɛɛ ɑre bɛkɛ yiiye wɔllɔ. Domi nɡe mɛyɑ bɑ Gusunɔn sɔmɔbu nɔni sɔ̃ɔwɑ be bɑ bɛɛ ɡbiiye.

Luku 1:47

Nɛn hunde yɛ̃ɛrimɔ Gusunɔ nɛn Fɑɑbɑ kowon sɔ̃,

Luku 10:20

Adɑmɑ, i ku ɡɔ̃ru dorɑ yèn sɔ̃ wɛrɛkunu nu bɛɛ wiru kpĩiyɑ, i ɡɔ̃ru doro yèn sɔ̃ bɑ bɛɛn yĩsinu yoruɑ wɔllɔ.

Luku 2:10

Mɑ ɡɔrɑdo u bu sɔ̃ɔwɑ u nɛɛ, i ku nɑndɑ domi nɑ kɑ bɛɛ Lɑbɑɑri ɡeɑ nɑɑwɑwɑ ye yɑ koo tɔmbu kpuro nuku doo bɑkɑbu wɛ̃.

Yohɑnu 16:22

Mɛyɑ n mɑɑ sɑ̃ɑ bɛɛn mi. Tɛ̃, bɛɛ i nuku sɑnkirɑnu mɔ, ɑdɑmɑ kon kpɑm bɛɛ wɑ, mɑ bɛɛn nukurɑ koo dorɑ. Goo mɑɑ sɑri wi u koo kpĩ u bɛɛ nuku doo bi mwɑɑri.

Yohɑnu 16:33

Yɑbu yeniwɑ nɑ rɑɑ bɛɛ sɔ̃ɔwɑ kpɑ i n kɑ bɔri yɛndu mɔ nɛ sɔɔ. Hɑnduniɑ ye sɔɔrɑ i ko nɔni swɑ̃ɑru wɑ, ɑdɑmɑ i ku mwiɑ kpɑnɑ, nɑ hɑnduniɑ kɑmiɑ kɔ.

Gɔrobun Kookoosu 14:22

Bɑ nɑɑnɛ dokeobu tɑ̃sisiɑ bɑ bu dɑm kɑ̃ bu kɑ yɔ̃rɑ dim dim nɑɑnɛ dokebu sɔɔ. Bɑ bu sɔ̃ɔwɑ mɑ bɑ ǹ koo ko bɑ kun wɑhɑlɑ dɑbinu wɑ bu sere du mi Gusunɔ u bɑndu swĩi.

Romu 12:12

I yɛ̃ɛrio bɛɛn yĩiyɔbun sɔ̃. I tɛmɑnɔ nɔni swɑ̃ɑru sɔɔ. I ku wɑsirɑ kɑ kɑnɑru.

Romu 5:11

N ǹ mɛ tɔnɑ, sɑ mɑɑ nuku dobu mɔ Gusunɔ sɔɔ sɑɑ bɛsɛn Yinni Yesu Kirisin min di wi u derɑ sɑ dorɑ kɑ Gusunɔ.

Romu 5:2

Win min diyɑ nɑɑnɛ dokebun sɑɑbu sɑ durom mɛ wɑ mɛ̀ sɔɔ sɑ yɔ̃ dim dim, mɑ sɑ nuku dobu mɔ yèn sɔ̃ sɑ yĩiyɔ sɑ ko bɔnu wɑ Gusunɔn yiiko sɔɔ.

Romu 9:2

Nɛn bweserun wɔnwɔndu tɑ mɑn mɔ̀ bɑɑdommɑ. Yen sɔ̃nɑ nɛn ɡɔ̃ru ɡɑ sɑnkire ɡem ɡem.

Korinti II 4:17

Bɛsɛn nɔni swɑ̃ɑ kpiriru te tɑ ǹ kpɑ̃, tɑ sun yiiko ye yɑ ku rɑ kpe sɔɔru kuɑmmɛwɑ, ye yɑ nɔni swɑ̃ɑ te kpɑ̃ɑru kere.

Korinti II 6:10

Bɑ sun mɛɛrɑ nɡe nuku sɑnkirobu, ɑdɑmɑ sɑ rɑ n nuku dobu mɔ. Sɑ sɑ̃ɑ nɡe sɑ̃ɑrobu, ɑdɑmɑ sɑ tɔn dɑbinu dukiɑ wɛ̃ɛmɔ. N sɑ̃ɑre nɡe sɑ ǹ ɡɑ̃ɑnu mɔ, ɑdɑmɑ sɑ kpuro mɔ.

Gɑlɑti 5:22

Adɑmɑ Gusunɔn Hunden mɑrumɑ, kĩru, kɑ nuku dobu, kɑ bɔri yɛndu, kɑ tɛmɑnɑbu, kɑ tɔn ɡeeru, kɑ nuku tiɑ, kɑ nɑɑnɛ,

Filipi 2:26

Domi bɛɛ kpuron wɑɑbu nùn nɛni ɡem ɡem, win lɑɑkɑri mɑɑ seewɑ yèn sɔ̃ i rɑɑ nuɑ mɑ u bɑrɔ.

Filipi 3:3

Bɛsɛrɑ sɑ sɑ̃ɑ bɑnɡoɡii ɡeebu, n ǹ mɔ be, domi sɑ Gusunɔ sɑ̃ɑmɔ kɑ win Hunde, sɑ woo kɑnɑmɔ Yesu Kirisin sɔ̃, sɑ ǹ mɑɑ bɛsɛn nɑɑnɛ doke wɑsin komɑnu sɔɔ.

Filipi 4:4

I de bɛɛn nukurɑ n do Yinni sɔɔ bɑɑdommɑ. Nɑ kpɑm wure nɑ ɡerumɔ, i de bɛɛn nukurɑ n do.

Tɛsɑlonikɑ I 1:6

Mɑ i kuɑ be bɑ bɛsɛn dɑɑ kɑ Yinniɡiɑ sɑɑrimɔ, domi i bɛsɛn Lɑbɑɑri ɡeɑ mwɑ kɑ nuku doo bi Hunde Dɛɛro bɛɛ wɛ̃, bɑɑ mɛ yɑ kɑ bɛɛ nɔni swɑ̃ɑru nɑɑwɑ.

Yɑkɔbu 1:2

Nɛɡibu, lɑɑkɑri mɛɛri bwese bwesekɑ yè sɔɔ i wɔri kpuro i ye ɡɑrisio ɡɔ̃ru dobu.

Yɑkɔbu 1:9

I de nɑɑnɛ dokeo bwɛ̃ɛbwɛ̃ɛ u woo kɑnɑ yèn sɔ̃ Gusunɔ u nùn wɔlle suɑ.

Yɑkɔbu 4:9

I de i n nuki sɑnkire kpɑ i n ɡɔɔ wooru sɔ̃ kpɑ i swĩ. I de bɛɛn yɛ̃ɛsu su ɡɔsiɑ swĩi kpɑ bɛɛn nuku dobu bu ɡɔsiɑ nuku sɑnkirɑnu.

Piɛɛ I 3:17

Domi n sɑnɔ tɔnu u nɔni swɑ̃ɑru wɑ ɡeɑn kobun sɔ̃, ǹ n sɑ̃ɑ Gusunɔn kĩru, n kere u tu wɑ kɔ̃sɑn kobun sɔ̃.

Piɛɛ I 4:7

Bɑɑyere kpuron kpeeru tɑ turuku kuɑ. Ǹ n mɛn nɑ, i tii nɛnuɔ kɑ lɑɑkɑri, kpɑ i se i yɔ̃rɑ i kɑ kpĩ i kɑnɑru ko.

Piɛɛ I 5:10

Gusunɔ durom kpuroɡii, wi u bɛɛ sokɑ i n kɑ bɔnu mɔ win yiiko nɔru sɑri sɔɔ, bɛɛ kɑ Kirisin ɡbinnɑɑn sɑɑbu, wiyɑ u koo bɛɛ ko tɔn yebunu kpɑ u bɛɛ yɔ̃rɑsiɑ sim sim, kpɑ u bɛɛ dɑm kɛ̃, kpɑ u bɛɛ tɑ̃sisiɑ, sɑnɑm mɛ i nɔni swɑ̃ɑru wɑ sɑɑ fiiko sɔɔ i kpɑ.

Sɑmuɛli I 2:1

Hɑnɑ u Gusunɔ siɑrɑ u nɛɛ, nɛn ɡɔ̃ru ɡɑ dorɑ ye Yinni Gusunɔ u mɑn kuɑn sɔ̃. Nɛn nukurɑ do win fɑɑbɑn sɔ̃. Wee nɑ dɑm kuɑ. Nɑ nùn siɑrɑmɔ nɛn yibɛrɛbɑn wuswɑɑɔ.