Filemɔɔ 1:12 - Bibeli Gusunɔn Gari

¹² Nɑ nun nùn ɡɔriɑmɑ tɛ̃, ɑ nùn mɔɔ nɡe nɛn tii tii.

Filemɔɔ 1:12 ပူးပေါင်းရင်းမြစ်များ

Sɑmuɛli II 16:11

Mɑ u Abisɑi kɑ win bwɑ̃ɑbu kpuro sɔ̃ɔwɑ u nɛɛ, wee, nɛn tiin bii wi nɑ mɑrɑ, u kĩ u mɑn ɡo. Kɑɑ sere ɡere Bɛnyɑmɛɛ wini? Ǹ n mɛn nɑ, i de u mɑn wɔmɛ, Yinni Gusunɔ ù n nùn sɔ̃ɔwɑ mɛ.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Mɑɑku 11:25

Sɑnɑm mɛ i yɔ̃ i kɑnɑru mɔ̀, ì n ɡɑ̃ɑnu mɔɔsinɛ kɑ ɡoo, i ɡinɑ yɛ̃ro suuru kuo, kpɑ bɛɛn Bɑɑbɑ wi u wɑ̃ɑ wɔllɔ u mɑɑ bɛɛ bɛɛn torɑnu suuru kuɑ. [

Luku 15:20

U seewɑ mɑ u doonɑ win bɑɑn mi ɡiɑ. Sɑɑ yèn di u tomɑ, win bɑɑ nùn wɑ mɑ wɔnwɔndɑ nùn mwɑ. U dukɑ dɑ u nùn ɡɑbɑ kɑ nuku dobu, u nùn tɔburɑ kɑ kĩru.

Efesu 4:32

I durom kuɑnɔ kpɑ i n wɔnwɔndu mɔɔsinɛ. I suuru kuɑnɔ nɡe mɛ Gusunɔ u bɛɛ suuru kuɑ Kirisin sɔ̃.

Sɔ̃ɔsiru 13:6

I ko sɔmɔ wi, ǹ kun mɛ yɑm wɑo wi ɡowɑ wi u bɛɛ bɔriɑmɔ i kɑ Gusunɔ bɛsɛn Yinni deri wi u sun yɑrɑmɑ Eɡibitin di mi sɑ yoru di. I ko yɛ̃ro ɡowɑ yèn sɔ̃ u kĩ u bɛɛ ɡɛrɑsiɑ Gusunɔ bɛsɛn Yinnin swɑɑn di, ye u sun sɔ̃ɔwɑ su swĩi. Nɡe mɛyɑ i ko i kɑ kɔ̃sɑ kpeerɑsiɑ bɛɛn suunu sɔɔn di.

Filemɔɔ 1:11

Yellu u ǹ dɑɑ sɑ̃ɑ ɡɑ̃ɑnu wunɛn mi, ɑdɑmɑ tɛ̃, u ɑrufɑɑni mɔ wunɛn mi kɑ nɛn tiin mi.

Filemɔɔ 1:13

Nɑ rɑɑ kĩ u n wɑ̃ɑ nɛn bɔkuɔ pirisɔm sɔɔ mi nɑ wɑ̃ɑ Lɑbɑɑri ɡeɑn sɔ̃ u kɑ mɑn somi wunɛn ɑyerɔ.