Osee 9:17 - Bibeli Gusunɔn Gari

¹⁷ Osee u nɛɛ, Gusunɔ nɛn Yinni u bu yinɑ yèn sɔ̃ bɑ ǹ win ɡɑri swɑɑ dɑki. Bɑ koo kowɑ yɑɑyɑɑre kowobu bwesenun suunu sɔɔ.

Osee 9:17 ပူးပေါင်းရင်းမြစ်များ

Bɑndun Gɑri II 18:13

Mɑ Misee u wisɑ u nɛɛ, sere kɑ Yinni Gusunɔn wɑ̃ɑru, ye wi, Gusunɔ nɛn Yinni u mɑn sɔ̃ɔwɑ, yerɑ kon ɡere.

Bɑndun Gɑri II 36:16

Adɑmɑ bɑ Yinni Gusunɔn sɔmɔ be yɛ̃ɛ bɑ yɑɑkoru koosi. Bɑ ben ɡɑri ɑtɑfiiru kuɑ sere Yinni Gusunɔn tii u kɑ bu mɔru kuɑ ye bɑ ǹ kpɛ̃ bu suresiɑ.

Nɛɛmi 5:19

Yinni Gusunɔ, ɑ mɑn yɑɑyo ye nɑ tɔn be kuɑn sɔ̃, kpɑ ɑ kɑ mɑn nɔnu ɡeu mɛɛri.

Womusu 31:14

Nɑ nɔɔmɔ kɔ̃sɑ ye tɔmbɑ ɡerumɔ nɛn sɔ̃. Mɑ be bɑ mɑn sikerenɛ kpuron bɛrum mɑn mɔ̀. Domi bɑ wesiɑnɑmɔ bu kɑ mɑn ɡo.

Mɔnnu 29:1

Wi u rɑ ɡerusibu yinɛ, u koo kɑm kowɑ mɑm mɑm subɑru sɔɔ.

Esɑi 48:18

Ì n dɑɑ win woodɑbɑ mɛm nɔɔwɑ, ɑlɑfiɑ yɑ ko n bɛɛ wɑ̃ɑsiwɑ, nɡe dɑɑ bɑkɑrun nim mɛ mu rɑ n tɛrie.

Esɑi 7:13

Yerɑ Esɑi u nɛɛ, bɛɛ sinɑ boko Dɑfidin bweseru, ye i derɑ tɔmbɑ kɑ bɛɛ wɑsirɑ, yɑ ǹ turɑ? Yerɑ i mɑɑ kĩ Gusunɔ nɛn Yinni u kɑ bɛɛ wɑsirɑ?

Yeremi 6:30

mɑ bɑ bu sokumɔ sii si su ǹ ɡeɑ sɑ̃ɑ. Domi Yinni Gusunɔ u bu biru kisi.

Yeremi 7:13

Tɛ̃, yèn sɔ̃ bɑ kookoo sinin bweseru kuɑ, mɑ nɑ bu ɡerusi kpeetim sɑri ɑdɑmɑ bɑ ǹ mɑn swɑɑ dɑki, nɑ bu sokɑ mɑ bɑ ǹ mɑn wurɑri,

Yeremi 7:15

Kon bu ɡirɑ bu tondɑ nɛn wuswɑɑn di nɡe mɛ nɑ ben mɛro bisibu Isirelibɑ ɡirɑ.

Osee 4:10

Bɑ koo di, ɑdɑmɑ bɑ ǹ debumɔ. Bɑ koo sɑkɑrɑru ko bũu nuurɔ bu kɑ bibu wɑn sɔ̃. Adɑmɑ bɑ ǹ mɑrumɔ yèn sɔ̃ bɑ nɛ, Yinni Gusunɔ biru kisi bɑ ǹ nɛn woodɑbɑ swĩi.

Osee 4:6

Wee nɛn tɔmbɑ ɡbimɔ yèn sɔ̃ bɑ ǹ mɑn yɛ̃. Adɑmɑ wunɛn tii, ɑ yinɑ ɑ mɑn wurɑ. Yen sɔ̃, kon nun yinɑ kpɑ ɑ kun mɑɑ sɑ̃ɑ nɛn yɑ̃ku kowo tɔnwero. Nɡe mɛ ɑ nɛ, Yinni Gusunɔn woodɑbɑ duɑri, nɡe mɛyɑ kon mɑɑ wunɛn bibu duɑri.

Osee 7:13

Bɑ kɑm kuɑwɑ mi, domi bɑ mɑn dukɑ suurimɔ. Bɑ mɑn seesi, bɑ mɑn weesu kuɑ. N deemɑ nɛnɑ kon dɑɑ bu fɑɑbɑ ko.

Amɔsu 8:2

Mɑ Yinni Gusunɔ u nɛɛ, mbɑ nɑ wɑɑmɔ mi. Nɑ nùn wisɑ nɑ nɛɛ, dɑ̃ɑ mɑrumɑ nɑ wɑ mɛ mu ye. Yerɑ u mɑɑ mɑn sɔ̃ɔwɑ u nɛɛ, sɑɑ yɑ turɑ u kɑ win tɔmbu Isirelibɑ sɛɛyɑsiɑ. U ǹ mɑɑ bu suuru kuɑmmɛ.

Amɔsu 9:9

Wee, kon nɛn woodɑbɑ wɛ̃, kpɑ n Isirelibɑ sĩire bwese tukunun suunu sɔɔ nɡe mɛ bɑ rɑ dobi sĩire, bɑɑ yen bin teeru tɑ kun kɑ wɔrɑ.

Misee 7:7

Adɑmɑ nɛ, Yinni Gusunɔwɑ ko nɑ n mɛɛrɑ. Wiyɑ ko nɑ n nɑɑnɛ sɑ̃ɑ. Domi u rɑ mɑn fɑɑbɑ ko. Wiyɑ u koo mɑn wisi.

Sɑkɑri 1:4

I ku kɑ bɛɛn bɑɑbɑbɑ weenɑ be nɛn sɔmɔ ɡbiikobu bɑ nɛn ɡɑri sɔ̃ɔwɑ bɑ nɛɛ, bu ben dɑɑ kɔ̃sɑ derio. Adɑmɑ bɑ ǹ sɔmɔ be swɑɑ dɑki bu sere mɑn mɛm nɔɔwɑ.

Yohɑnu 20:17

Mɑ Yesu u nùn sɔ̃ɔwɑ u nɛɛ, ɑ ku mɑn bɑbɑ, domi nɑ ǹ ɡinɑ de nɛn Bɑɑbɑn mi wɔllɔ. Adɑmɑ ɑ doo nɛn bwɑ̃ɑbun mi, ɑ bu sɔ̃ mɑ nɑ dɔɔ Gusunɔn mi, wi u sɑ̃ɑ nɛ kɑ bɛɛn Bɑɑbɑ, u mɑɑ sɑ̃ɑ nɛ kɑ bɛɛn Yinni.

Yohɑnu 20:28

Tomɑɑ u nùn sɔ̃ɔwɑ u nɛɛ, Gusunɔ nɛn Yinni.

Yohɑnu 7:35

Yuubɑ bɑ bikiɑnɑmɔ bɑ mɔ̀, mɑ ɡiɑrɑ durɔ wini u koo dɑ sɑ kun kɑ nùn wɑ. U koo dɑwɑ Yuubɑn mi be bɑ yɑrinɑ Gɛrɛkibɑn suunu sɔɔ, kpɑ u n Gɛrɛkibɑ keu sɔ̃ɔsimɔ?

Gɔrobun Kookoosu 3:23

Bɑɑwure wi u kun sɔmɔ win ɡɑri swɑɑ dɑki, bɑ koo nùn wunɑ Gusunɔn tɔmbun suunu sɔɔn di bu nùn kpeerɑsiɑ.”

Sɔ̃ɔsiru 32:26

U koo bu kɑm koosiɑwɑ mɑm mɑm sere ɡoo kun mɑɑ bu yɑɑyɑmɔ.

Sɔ̃ɔsiru 4:25

Ì n sinɑ n kɑ tɛ tem mɛ Gusunɔ bɛsɛn Yinni u bɛɛ nɔɔ mwɛɛru kuɑ sɔɔ, mɑ i bibu kɑ debuminu wɑ, i ku rɑ nùn torɑri i tii bwɑ̃ɑrokunu kuɑ ni nu kɑ ɡɑ̃ɑnu weenɛ, i ku mɑɑ kɔ̃sɑ ɡɑɑ ko ye yɑ koo win mɔru seeyɑ.

Sɔ̃ɔsiru 4:27

Yinni Gusunɔ u koo de i n yɑrinɛwɑ bwese tukunun suunu sɔɔ kpɑ i kun dɑbi yɑ̃ɑtem mi u derɑ i yoru dimɔ.

Filipi 4:19

Gusunɔ nɛn Yinni u koo bɛɛ kpuro wɛ̃ yèn bukɑtɑ i mɔ nɡe mɛ win dukiɑ yiikoɡiɑ nɛ, Yesu Kirisin min di.

Yɑkɔbu 1:1

Bɛɛ, bwesenu wɔkurɑ yiru, bɛɛ be i yɑrinɛ hɑnduniɑ kpuro sɔɔ, nɛ Yɑkɔbu, Gusunɔ kɑ Yinni Yesu Kirisin yoo, nɑ bɛɛ tɔburɑ.