Osee 9:14 - Bibeli Gusunɔn Gari

¹⁴ Osee u nɛɛ, Yinni Gusunɔ, bɑ̀ n koo Isirelibɑ sɛɛyɑsiɑ, sɛɛyɑsiɑ birɑ̀ bɑ koo ɡɔsi. A de ben kurɔbu bu nukuru yɑri, kpɑ ben bwɑ̃su su ɡberɑ.

Osee 9:14 ပူးပေါင်းရင်းမြစ်များ

Yoobu 21:10

Sɑɑ kpuro, ben kɛtɛ kinɛru tɑ̀ n ben nɛɛ yɔɔwɑ yi rɑ mɑwɑ. Yi ku rɑ nukuru yɑri.

Yɑribu 23:26

Nɑ ǹ mɑɑ derimɔ tɔn kurɔ ɡoon nukuru tu yɑri, mɛyɑ bɛɛn ɡoo kun mɑɑ mɔ̀ wĩro. Kon mɑɑ de bɛɛn hunde yu dɛ̃ɛyɑ.

Osee 9:11

Tɛ̃ Isirelibɑn bɛɛrɛ yɑ koo doonɑ nɡe ɡunɔ mɔrin wuuru. Ben kurɔbu bɑ ǹ mɑɑ ɡuri suɑmɔ bu sere mɑ.

Osee 9:13

Nɡe mɛ nɑ Isirelibɑ wɑɑsinɑmɔ, bɑ sɑ̃ɑwɑ nɡe dɑ̃ɑ ni bɑ duurɑ tem ɡem sɔɔ. Adɑmɑ bɑ koo ben bibu yibɛrɛbɑ nɔmu bɛriɑ be bɑ koo bu ɡo.

Osee 9:16

Nɑ be, Isirelibɑ sɛɛyɑsiɑ. Bɑ sɑ̃ɑ nɡe dɑ̃ɑ te tɑ ɡberɑ nuurun di kpuro. Tɑ ǹ mɑɑ binu mɑrumɔ. Bɑɑ bɑ̀ n mɑɑ bibu mɑrɑ, kon de bii be bɑ kĩ mi, bu ɡbiwɑ.

Mɑteu 24:19

Amɔnɑ kurɔ ben wɑhɑlɑ ko n nɛ sɑnɑm mɛ sɔɔ, be bɑ ɡuri mɔ kɑ be bɑ bibu bɔm kɛ̃mɔ.

Mɑɑku 13:17

Annɑ kurɔ ben nɔni swɑ̃ɑrɑ ko n nɛ sɑnɑm mɛ, be bɑ ɡuri mɔ kɑ be bɑ bibu bɔm kɛ̃mɔ.

Luku 21:23

Guriɡibu kɑ tɔn kurɔ be bɑ bibu bɔm kɛ̃mɔ sɑɑ ye sɔɔ, bɑ koo nɔni swɑ̃ɑru wɑ. Domi nuku sɑnkirɑ bɑkɑnu ko n wɑ̃ɑ tem sɔɔ, kɑ mɑɑ mɔru bɑkɑ bu kɑ tɔn be sɛɛyɑsiɑ.

Luku 23:29

Domi n wee, sɑnɑm sisi ye bɑ koo nɛɛ, doo nɔɔruɡibɑ wĩrobu kɑ bèn nukurɑ kun mɑrure, kɑ bèn bwɑ̃ɑ kun bii bɔm kɛ̃ɛre.

Korinti I 7:26

Nɑ tɑmɑɑ, sɑɑ yenin wɑhɑlɑn sɔ̃ mɑ n ko n wɛ̃rɑ tɔn durɔ bɑɑwure u n wɑ̃ɑ nɡe mɛ u sɑ̃ɑ.

Sɔ̃ɔsiru 28:18

I ǹ bibu mɑrumɔ bɑ n dɑbi. Bɛɛn dĩɑnu nu ǹ koorɑmɔ bɛɛn ɡbeɑɔ. Mɛyɑ bɛɛn kɛtɛbɑ kɑ bɛɛn yɑ̃ɑnu kɑ bonu nu ǹ mɑrurɑmɔ nu dɑbiɑ.