Osee 9:13 - Bibeli Gusunɔn Gari

¹³ Nɡe mɛ nɑ Isirelibɑ wɑɑsinɑmɔ, bɑ sɑ̃ɑwɑ nɡe dɑ̃ɑ ni bɑ duurɑ tem ɡem sɔɔ. Adɑmɑ bɑ koo ben bibu yibɛrɛbɑ nɔmu bɛriɑ be bɑ koo bu ɡo.

Osee 9:13 ပူးပေါင်းရင်းမြစ်များ

Sinɑmbu II 15:16

Yen biruwɑ Mɛnɑhɛmu wi, u wuu ɡe bɑ mɔ̀ Tifusɑki wɔri. Mɑ u tɔmbu ɡo sɑɑ Tirisɑn di n kɑ dɑ Tifusɑki mi. U Tifusɑki ye wɔriwɑ kɑ dɑm yèn sɔ̃ tɔn be, bɑ yinɑ u du ben wuuɔ, mɑ u ben ɡuriɡibun nuki bɛsukɑ.

Yoobu 27:14

Bɑ̀ n bibu mɑrɑ bɑ dɑbi, bɑ koo ɡbiwɑ tɑbu sɔɔ. Ben bibu bɑ ǹ dĩɑnu wɑsi bu di bɑ n kɑ wɑ̃ɑ.

Yeremi 7:15

Kon bu ɡirɑ bu tondɑ nɛn wuswɑɑn di nɡe mɛ nɑ ben mɛro bisibu Isirelibɑ ɡirɑ.

Yeremi 9:21

Yinni Gusunɔ u nɛɛ, tɔmbɑ koo wɔruku bu ɡbisuku, kpɑ ben ɡonu nu n tɛrie yɑkɑsɔ nɡe nɑɑ bisu, ǹ kun mɛ nɡe dobi yi yi ɡeɑ yinɑ bɑ deri ɡberɔ. Bɑ ǹ mɑɑ yi suɑmɔ.

Swĩi 2:22

A nɛn yibɛrɛ be nɑ nɑsie sokusiɑ bɑɑmɑn di bɑ mɛnnɑ nɡe tɔ̃ɔ bɑkɑrun sɑɑ. Yen dɔmɑ te, ɡoo kun kisire. Goo kun mɑɑ seewe bii be nɑ kĩ nɑ seeyɑ sɔɔ. A derɑ nɛn yibɛrɛ u bu ɡo kpuro.

Esekiɛli 27:3

n nun sɔ̃ n nɛɛ, wunɛ Tiri ɑ wɑ̃ɑwɑ nim wɔ̃kun ɡoorɔ mɑ ɑ kɑ bwese dɑbinu tenkuru mɔ̀. Ye Yinni Gusunɔ u ɡeruɑ wee. U nɛɛ, wunɛ Tiri, ɑ rɑ rɑɑ nɛɛ, ɑ sɑ̃ɑwɑ wuu burɔ.

Osee 10:14

Yen sɔ̃nɑ tɑbun wurenu koo nɔɔrɑ bɛɛn suunu sɔɔ. Kpɑ bu bɛɛn ɡbɑ̃rɑnu kpuro kɔsuku nɡe mɛ Sɑlumɑn sinɑ boko u Bɛti Aribɛli wɔri, mɑ u bii mɛrobu kɑ ben bibu munkɑ.

Osee 13:8

Kon bu wɔrimɑwɑ nɡe ɡbeeku yɑɑ ɡɔbɑ yèn binu bɑ mwɑ. Kpɑ n ben toronu bɛsuku. Mɛyɑ kon bu kɑsuku nɡe mɛ ɡbeeku yɛɛ yi rɑ yɑɑ kɑsuku, kpɑ ɡbee sunɔ niu ɡu bu tem.

Osee 14:1

Nɑ kon de bu Sɑmɑri sɛɛyɑsiɑ yèn sɔ̃ yen tɔmbu bɑ nɛ Gusunɔ ben Yinni seesi. Bɑ koo bu ɡowɑ tɑbu sɔɔ kpɑ bu ben bii piiminu nɑm. Kpɑ bu ben kurɔ be bɑ ɡuri mɔn nukunu bɛsuku.

Osee 9:16

Nɑ be, Isirelibɑ sɛɛyɑsiɑ. Bɑ sɑ̃ɑ nɡe dɑ̃ɑ te tɑ ɡberɑ nuurun di kpuro. Tɑ ǹ mɑɑ binu mɑrumɔ. Bɑɑ bɑ̀ n mɑɑ bibu mɑrɑ, kon de bii be bɑ kĩ mi, bu ɡbiwɑ.

Amɔsu 7:17

Wee ye Yinni Gusunɔ u ɡeruɑ. U nɛɛ, wunɛn kurɔ u koo sɑkɑrɑru ko wuu sɔɔ, kpɑ bu wunɛn bibu ɡo tɑbu sɔɔ, kpɑ bu wunɛn ɡberu bɔnu ko, domi wunɛn tii kɑɑ ɡbi tem tukumɔ mi n tomɑ, mi bɑ koo kɑ Isirelibɑ dɑ bu yoru di.