Osee 8:1 - Bibeli Gusunɔn Gari

¹ Yinni Gusunɔ u nɛɛ, i kɔbɑ soowo. Wee yibɛrɛbɑ bɑ nɛn sɑ̃ɑ yeru wuusimɑ nɡe kɑsi. Domi Isirelibɑ bɑ nɛn ɑrukɑwɑni kusiɑ. Mɑ bɑ nɛn sɔ̃ɔsiru yinɑ.

Osee 8:1 ပူးပေါင်းရင်းမြစ်များ

Sinɑmbu II 18:27

Adɑmɑ durɔ wi, u bu wisɑ u nɛɛ, i tɑmɑɑ nɛn yinni u mɑn ɡɔrimɑ bɛɛ kɑ bɛɛn yinni tɔnɑn sɔ̃ n kɑ ɡɑri yini ɡere? Aɑwo, kɑ mɑɑ be bɑ sɔ̃ ɡbɑ̃rɑru wɔllɔn sɔ̃nɑ u mɑn ɡɔrimɑ. N ǹ mɑɑ tɛɛmɔ i kɑ bɛɛn tiin swɑɑ swĩibu di kpɑ i bɛɛn yɛ̃kum nɔ kɑ be sɑnnu.

Esɑi 18:3

Bɛɛ hɑnduniɑɡibu kpuro, i ɡidi bɔrɑ mɛɛrio ye bɑ koo ɡirɑ ɡuuru wɔllɔ. I kɔbɑn swĩi swɑɑ dɑkio ye bɑ koo so.

Esɑi 24:5

Domi mɛn tɔmbu bɑ mu disi doke, bɑ Yinni Gusunɔn woodɑbɑ kɑ win yiirebu yinɑ. Mɑ bɑ ɑrukɑwɑni nɔru sɑriɡiɑ ye u rɑɑ kɑ bu bɔkuɑ kusiɑ.

Esɑi 58:1

Yinni Gusunɔ u nɛɛ, ɑ nɔɔɡiru suo kɑ dɑm nɡe mɛ kɑɑ kpĩ, kpɑ wunɛn nɔɔ ɡu nɔɔrɑ nɡe kɔbɑ. A nɛn tɔmbu Yɑkɔbun bweseru sɔ̃ɔwɔ mɑ bɑ durum kuɑ.

Yeremi 31:32

Adɑmɑ yɑ ǹ ko n sɑ̃ɑ yèn bweseru nɑ rɑɑ kɑ ben bɑɑbɑbɑ bɔkuɑ sɑnɑm mɛ nɑ bu nɔmu nɛnuɑ nɑ yɑrɑmɑ Eɡibitin di. Bɑ ǹ ye mɛm nɔɔwɛ, bɑɑ mɛ nɛ, Yinni Gusunɔ nɑ sɑ̃ɑ ben Yinni.

Yeremi 34:18

Wee tɛ̃, Yudɑbɑn wiruɡibu kɑ Yerusɑlɛmun wiruɡibu kɑ yɑ̃ku kowobu kɑ sunɔn sɔm kowobu kɑ sere tɔn be bɑ tie, be, be bɑ rɑɑ kɑ mɑn ɑrukɑwɑni bɔkuɑ bɑtumɑ sɔɔ sere bɑ nɑɑ buu ɡo bɑ bɛrɑnɑ, mɑ bɑ duɑ ɡen bɛsi yin suunu sɔɔ bu kɑ ben ɑrukɑwɑni ye sire, bɑ ǹ ye mɛm nɔɔwɛ, bɑ ǹ ben nɔɔ mwɛɛ te yibie. Yen sɔ̃, kon bu ben yibɛrɛ be bɑ kɑsu bu bu ɡo nɔmu bɛriɑ, kpɑ yɑberekunu kɑ ɡbeeku yɛɛ yi ben ɡonu di.

Yeremi 4:13

Mɑ Yudɑbɑ bɑ nɛɛ, ɡberɑ sun di, domi sɑ kɑm kuɑ. Wee, wi u koo sun kɑm koosiɑ u sĩimɔ nɡe ɡuru wiru. Win tɑbu kɛkɛ yi sɑ̃ɑ nɡe ɡuru woo. Mɑ win dumi yi ɡunɔ bɑkeru sɑ̃ɑbu kere.

Yeremi 4:5

Yeremi u nɛɛ, i Yudɑbɑ sɔ̃ɔwɔ kpɑ i ɡbɑ̃rɑ Yerusɑlɛmuɔ. I kɔbɑ soowo tem mɛ kpuro sɔɔ. I nɔɔɡiru suo kɑ dɑm i nɛɛ, bu mɛnnɑmɑ bu dɑ wuu si su ɡbɑ̃rɑnu mɔ sɔɔ.

Yeremi 48:40

Yinni Gusunɔ u nɛɛ, wee, yibɛrɛbɑ bɑ koo nɑ nɡe yɑberekunu ni nu bɛllimɔ wɔllɔ.

Yeremi 49:22

Wee, yibɛrɛbɑ bɑ koo Botisirɑ wukiri nɡe mɛ yɑberekunu nu rɑ yɑɑ ɡonu kunisi. Yen dɔmɑ te, Edɔmun tɑbu durɔ dɑmɡibu bɑ ko n kpɑsɑ wɔri mɔ̀wɑ nɡe tɔn kurɔ wi u yiire u kĩ u mɑ.

Yeremi 51:27

I tɑbun ɡidi bɔrɑ yɔ̃rɑsio i Bɑbiloni wɔri. I kɔbɑ soowo kpɑ bwesenu nu mɛnnɑ. I nu sɔɔru koosio. I sinɑm be bɑ wɑ̃ɑ Arɑrɑtiɔ kɑ Miniɔ kɑ Asikenɑsiɔ mɛnnɑmɑ bu Bɑbiloni tɑbu wɔri. I tɑbu sinɑmbu ɡɔsio kpɑ i de dumi yi se nɡe twee yi bu wɔri.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Esekiɛli 11:4

Yen sɔ̃, tɛ̃ tɔnun bii, ɑ bu ɡerusio.

Esekiɛli 16:59

Nɛ, Yinni Gusunɔ nɑ nɛɛ, wee ɑ mɑn ɡɛmɑ. A ǹ nɛn ɑrukɑwɑni yibie. Yen sɔ̃, kon nun kɔsie ye ɑ mɑn kuɑ.

Esekiɛli 17:3

A nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, ɡunɔ bɑkeru ɡɑrɑ wɑ̃ɑ tɑ kɑsɑ dɛ̃u mɑ tɑ sɑn bɑkɑsu mɔ si su nɔni bwese bwesekɑ mɔ. Mɑ tɑ yɔ̃ɔwɑ tɑ dɑ sere Libɑnin ɡuurun wii kpiirɔ. Mɑ tɑ dɑ tɑ dɑ̃ɑ ye bɑ mɔ̀ sɛdurun wii kpiiru wĩɑ.

Esekiɛli 7:14

Wee bɑ kɔbɑ so bɑ sɔɔru kpɑ. Adɑmɑ ben ɡoo kun tɑbu seemɔ, domi nɛ, Yinni Gusunɔn mɔru seewɑ be tɔn dɑbi ten sɔ̃.

Osee 4:6

Wee nɛn tɔmbɑ ɡbimɔ yèn sɔ̃ bɑ ǹ mɑn yɛ̃. Adɑmɑ wunɛn tii, ɑ yinɑ ɑ mɑn wurɑ. Yen sɔ̃, kon nun yinɑ kpɑ ɑ kun mɑɑ sɑ̃ɑ nɛn yɑ̃ku kowo tɔnwero. Nɡe mɛ ɑ nɛ, Yinni Gusunɔn woodɑbɑ duɑri, nɡe mɛyɑ kon mɑɑ wunɛn bibu duɑri.

Osee 5:8

Yinni Gusunɔ u nɛɛ, i tɑbun kɔbɑ soowo Gibeɑɔ kɑ Rɑmɑɔ. I tɑbun wurenu koowo Betɛli Afɛniɔ. Bɛɛ Bɛnyɑmɛɛbɑ, tɑbu durɔbɑ wee bɛɛn birun di.

Osee 6:7

Bɑ nɛn ɑrukɑwɑni kusiɑ nɡe mɛ tɔmbu bɑ rɑ n kuɑnɑmmɛ. Wee bɑ mɑn tɔnu kɑndu kuɑ.

Osee 9:15

Yinni Gusunɔ u nɛɛ, ɡeemɑ ben nuku kɔ̃suru kpuro tɑ sɔ̃ɔsirɑ Giliɡɑliɔ. Miyɑ nɑ bu wɑ mɑ nɑ bu tusɑ. Kon bu ɡirɑ nɛn wuswɑɑn di ye bɑ kuɑn sɔ̃. Nɑ ǹ mɑɑ bu kĩ. Domi ben sinɑmbu kpurowɑ bɑ mɑn seesimɔ.

Yoɛli 2:1

I kɔbɑ soowo Siɔniɔ. I de bu ye nɔ Yinni Gusunɔn ɡuu dɛɛrɑru mi. Bɛɛ be i wɑ̃ɑ tem mɛ sɔɔ kpuro, i diirio bɛrum sɔ̃. Domi Yinni Gusunɔn mɔrun tɔ̃rɑ wee. Wee tɑ mɑm turuku kuɑ.

Yoɛli 2:15

I kɔbɑ soowo Siɔniɔ. I tɔmbu mɛnnɔ, kpɑ i nɔɔ bɔkurun tɔ̃ru yi.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Amɔsu 8:3

U mɑɑ nɛɛ, yen tɔ̃ɔ te, sinɑ kpɑɑrun womusu koo ɡɔsiɑ nuku sɑnkirɑnun womusu. Kpɑ tɔn dɑbinun ɡonu nu n tɛrie bɑɑmɑ. Kpɑ yɑm mu n mɑɑri sɔ̃ɔ sɔ̃ɔ.

Amɔsu 9:1

Amɔsu, u Yinni Gusunɔ wɑ u yɔ̃ sɑ̃ɑ yerun yɑ̃ku yerɔ. Mɑ u nùn sɔ̃ɔwɑ u nɛɛ, u sɑ̃ɑ yerun ɡberebɑ soowo sɑɑ ben wɔllun di kpɑ tem mu diiri, kpɑ bu wɔruku bu tɔn be bɑ wɑ̃ɑ mi kpuron winu kɔsuku. Kpɑ wi, Yinni Gusunɔ u de bu be bɑ tie ɡo tɑbu sɔɔ kɑ tɑkobi. Bɑɑ ben ɡoo kun kpɛ̃ u kisirɑ u doonɑ.

Hɑbɑkuku 1:8

Ben dumi yi sɑnnɛkunu ǹ kun mɛ ɡbeeku bɔ̃nu dukɑ kere. Sɑɑ tontonden diyɑ yi rɑ yɔ̃, kpɑ yi yibɛrɛ wɔri nɡe kɑsɑ ye yɑ ɡoo buu wɑ.

Sofoni 1:16

Yen tɔ̃ɔ te, tɑbu kowobu bɑ koo kɔbi so kpɑ bu kuuki ko bu kɑ wuu si su ɡbɑ̃rɑnu mɔ wɔri.

Sɑkɑri 11:1

Bɛɛ Libɑniɡibu, i bɛɛn kɔnnɔsu kɛniɔ kpɑ dɔ̃ɔ u bɛɛn dɑ̃ɑ ye bɑ mɔ̀ sɛduru di.

Sɑkɑri 9:14

Nɛ, Yinni Gusunɔ, kon tii sɔ̃ɔsi wɔllɔ. Nɛn sɛ̃u ɡɑ koo doonɑ nɡe ɡuru mɑɑkinu. Kon kɔbɑ so, kpɑ n sɑrɑmɑ ɡuru woo bɔkɔ sɔɔ, ɡe ɡɑ wee sɑɑ sɔ̃ɔ yɛ̃sɑn nɔm dwɑru ɡiɑn di.

Mɑteu 24:28

Yɑm mi ɡorɑ wɑ̃ɑ, miyɑ yɑberekunu koo mɛnnɑ.

Korinti I 15:52

yɑnde, nɔni kpɑki teeru sɔɔ sɑnɑm mɛ kɔbi dɑ̃ɑkɑ yɑ koo swĩ. Domi yɑ koo swĩ kpɑ bu ɡɔribu seeyɑ bu ku mɑɑ kɑ ɡbi, kpɑ bɛsɛ su mɑɑ kɔsi.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.