Osee 7:2 - Bibeli Gusunɔn Gari

² Adɑmɑ ben ɡoo sɑri wi u rɑ tii sɔ̃ u nɛɛ, nɑ yɑɑye kɔ̃sɑ ye bɑ mɔ̀. Tɛ̃, wee bɑ mwɑɑrɑ ben kom kɔ̃sum mɛ sɔɔ. Nɑ ye kpuro wɑɑmɔ.

Osee 7:2 ပူးပေါင်းရင်းမြစ်များ

Yoobu 34:21

Domi Gusunɔ u rɑ n tɔmbun sɑnu sɑnusu mɛɛrɑ. Kpɑ u n ben swɛɛ nɔni ɡirɑri.

Womusu 10:11

Bɑ rɑ tii sɔ̃wɑ bu nɛɛ, Gusunɔ kun ben ɡɑri mɔ̀. U ku rɑ mɛɛri ye bɑ mɔ̀.

Womusu 25:7

A ku mɑɑ yɑɑyɑ durum ye nɑ kuɑ nɛn ɑluwɑɑsiru sɔɔ. A ku nɛn mɛm nɔɔbu sɑriru mɛɛri. A mɑn yɑɑyo wunɛn wɔnwɔndu kɑ wunɛn tɔn ɡeerun sɔ̃.

Womusu 50:22

I lɑɑkɑri koowo, kpɑ i swɑɑ dɑki i nɔ bɛɛ be i nɛ Gusunɔ duɑri. Mɑ n kun mɛ, kon bɛɛ sɛ̃re n yɑɑku. Goo kun mɑɑ kpɛ̃ u bɛɛ wɔrɑ.

Womusu 9:16

Wee bwese tukunu nu suurɑ ɡbɑ ɡɑbun sɔ̃, mɑ nin tii nu wɔri ye sɔɔ. Nu ɡɑbu yinɑ bɛriɑ, mɑ nin tiin nɑɑsu wɔri ye sɔɔ. Tɔn kɔ̃sobɑ sɔm kɔ̃sunu kuɑ. Mɑ ben tii bɑ nin ɑre wɑ. Yinni Gusunɔ u sɔ̃ɔsi mɑ u rɑ siri dee dee.

Womusu 90:8

A rɑ bɛsɛn torɑnu terɑsiewɑ wunɛn wuswɑɑɔ, kpɑ wunɛn yɑm bururɑm mu bɛsɛn ɑsiri kpuro sɔ̃ɔsi.

Esɑi 1:3

Nɑɑ kinɛnu nu rɑ n nin kpɑro yɛ̃. Kɛtɛkunu nu rɑ n mɑɑ yɛ̃ mi nin yinni u rɑ nu dĩɑnu yiiye. Adɑmɑ nɛn tɔmbu Isirelibɑ bɑ ǹ mɑm kĩ bu ɡɑ̃ɑnu ɡiɑ. Bɑ ku rɑ ɡɑ̃ɑnu tubu.

Esɑi 26:16

Sɑ nun sokɑ sɑnɑm mɛ sɑ wɑ̃ɑ nɔni swɑ̃ɑru sɔɔ. Sɑ kɑnɑru kuɑ sɑnɑm mɛ ɑ sun sɛɛyɑsiɑ.

Esɑi 44:19

Bwɑ̃ɑroku dɑ̃ko wi, u ǹ lɑɑkɑri mɔ u kɑ tubu u sere nɛɛ, dɑ̃ɑ ten sukumɑ u dɔ̃ɔ doke u kɑ pɛ̃ɛ wɔ̃ɔwɑ mɑ u kɑ yɑɑ sɛ̃ɛwɑ u di. Ten sukum mɛ mu tie, mɑ u kɑ bwɑ̃ɑroku kuɑ. Wi wee u dɑ̃ɑ kpiriru yiirɑmmɛ.

Esɑi 5:12

Gɔ̃ɔɡenu kɑ mɔrɔkunu, kɑ bɑrɑnu kɑ ɡuunu kɑ sere tɑm, yerɑ yɑ rɑ ben tɔ̃ɔ bɑkɑnu ɡbisisie, kpɑ bɑ n nɛ, Yinni Gusunɔn sɔmɑ ɑtɑfiiru sɑ̃ɑ.

Yeremi 14:10

Wee ye Yinni Gusunɔ u ɡeruɑ win tɔmbun sɔ̃. U nɛɛ, bɑ rɑ kɑ̃ bɑ n yɑɑyɑɑre mɔ̀. Bɑ ku rɑ kpĩ bu sinɑ bu tii nɛnɛ. Bɑ ǹ mɑɑ nùn wɛ̃remɔ. U ben durum yɑɑye. Yen sɔ̃nɑ u bu sɛɛyɑsiɑmɔ.

Yeremi 16:17

Domi nɛn nɔni yi ben sɑnu sɑnusu mɛɛrɑ, sin ɡɑsu kun beruɑ nɛn nɔni sɔɔ. Mɛyɑ nɑ mɑɑ ben torɑnu kpuro wɑɑmɔ.

Yeremi 17:1

Yudɑbɑn durum yɑ yoruɑ ben ɡɔ̃rusɔ. Yɑ mɑɑ sɔ̃ɔsire ben yɑ̃ku yenun kɑ̃ɑnu sɔɔ. Mɑ n sɑ̃ɑre bɑ ye yoruɑ mi, kɑ yorutii sisuɡiɑ kɑ kpee te tɑ bɔbunu bo.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 32:19

Wunɛn himbɑ yɑ kpɑ̃, ɑ mɑɑ dɑm mɔ ɑ kɑ ye yibiɑ. A rɑ n mɛɛrɑ ye tɔmbɑ mɔ̀ kpɑ ɑ bɑɑwure kuɑ nɡe mɛ win kookoosu nɛ.

Yeremi 4:18

Bɛɛ Yudɑbɑ, ɡeemɑ wɑhɑlɑ yɑ bɛɛ nɔni sɔ̃ɔwɑ sere bɛɛn woo sɔndɔ. Adɑmɑ yɑ sɑ̃ɑwɑ bɛɛn kom kɔ̃sum kɑ bɛɛn nuku kɔ̃surun ɑre.

Yeremi 44:21

bɛɛ kɑ bɛɛn bɑɑbɑbɑ kɑ bɛɛn sinɑmbu kɑ bɛɛn wiruɡibu, i rɑ bũu yɑ̃kunu kue Yudɑn wusu sɔɔ kɑ Yerusɑlɛmun swɛɛ sɔɔ. Nɡe weesɑ? I tɑmɑɑ Yinni Gusunɔ kun ye yɛ̃? Nɡe i tɑmɑɑ u ye duɑriwɑ.

Esekiɛli 21:29

Yen sɔ̃nɑ nɛ, Yinni Gusunɔ nɑ bu sɔ̃ɔmɔ nɑ mɔ̀, wee ben mɛm nɔɔbu sɑri te tɑ sɔ̃ɔsirɑmɔ ben dɑɑ sɔɔ, tɑ mɑn ben torɑnu yɑɑyɑsiɑmɔ mɑ nu bu tɑɑrɛ wɛ̃ɛmɔ. Bɑ ǹ mɑɑ nu deri. Yen sɔ̃, kon bu nɔmu doke n mwɑ.

Osee 12:2

Isirelibɑ bɑ Eɡibitiɡibu ɡum wɛ̃ɛmɔ. Mɑ bɑ kɑ Asiriɡibu ɑrukɑwɑni bɔkumɔ. Nɡe mɛyɑ bɑ kɑ kpɑɑsibu kɑsu be bɑ ǹ sɑ̃ɑ ɡɑ̃ɑnu. N sɑ̃ɑre bɑ woo nɑɑ ɡire. Bɑ ben weesu dɑbiɑsiɑmɔ tɔ̃ɔ bɑɑtere. Mɑ bɑ dɑɑ bɔɔbɔyɑ mɔ̀ bɑ dɔɔ.

Osee 4:9

Yen sɔ̃, sɛɛyɑsiɑ tee biyɑ kon nɛn tɔmbu kɑ ben yɑ̃ku kowobu ko. Kon bu sɛɛyɑsiɑwɑ nɡe mɛ ben dɑɑ yɑ nɛ. Kon bu kɔsiɑwɑ nɡe mɛ ben kookoosu nɛ.

Osee 6:2

N ǹ mɑɑ tɛɛmɔ u kɑ sun wɑ̃ɑru wɛ̃, kpɑ sɑ n wɑ̃ɑ win wuswɑɑɔ.

Osee 8:13

Bɑ rɑ yɛɛ ɡo bu kɑ mɑn yɑ̃kuru kuɑ, kpɑ bu yin yɑɑ tem. Adɑmɑ ben yɑ̃ku ni, nu ǹ mɑn doremɔ. Nɑ ǹ ben torɑnu duɑri. Kon bu sɛɛyɑsiɑ. Yen sɔ̃nɑ bɑ koo ɡɔsirɑ bu dɑ Eɡibitiɔ.

Osee 9:15

Yinni Gusunɔ u nɛɛ, ɡeemɑ ben nuku kɔ̃suru kpuro tɑ sɔ̃ɔsirɑ Giliɡɑliɔ. Miyɑ nɑ bu wɑ mɑ nɑ bu tusɑ. Kon bu ɡirɑ nɛn wuswɑɑn di ye bɑ kuɑn sɔ̃. Nɑ ǹ mɑɑ bu kĩ. Domi ben sinɑmbu kpurowɑ bɑ mɑn seesimɔ.

Osee 9:9

Wee i dɑ i kɔ̃sɑ kuɑ nɡe mɛ i rɑɑ kuɑ Gibeɑɔ. Yinni Gusunɔ kun bɛɛn torɑnu duɑri. U koo bɛɛ sɛɛyɑsiɑ nin sɔ̃.

Amɔsu 8:7

Nɛ, Yinni Gusunɔ, nɑ bɔ̃ruɑ kɑ nɛn tiin yĩsiru nɑ nɛɛ, nɑ ǹ bɛɛ Isirelibɑ kɔ̃sɑ ye i kuɑ duɑrimɔ.

Yonɑsi 1:2

Yonɑsi, ɑ seewo ɑ dɑ Ninifu wuu mɑro bɔkɔ ɡen mi. Kpɑ ɑ nɔɔɡiru suɑ ɑ bu ɡerusi. Domi ben nuku kɔ̃suru tɑ bɑndɑ sere tɑ mɑn ɡirɑri.

Gbɑburu 32:23

Adɑmɑ ì kun kue mɛ, i Yinni Gusunɔ torɑriwɑ mi. Kpɑ i n yɛ̃ mɑ bɛɛyɑ i ko i torɑ ten ɑre sɔbe.

Luku 12:2

Gɑ̃ɑnu sɑri ni nu wukiri mɑ nu ǹ koo terɑ. Asirin ɡɑ̃ɑnu mɑɑ sɑri ni bɑ ǹ koo ɡiɑ.

Korinti I 4:5

Yen sɔ̃, i ku rɑ mɑɑ ɡɑ̃ɑnun siribu ko tɔ̃ɔ te, tu sere nɑ sere Yinni ù n tunumɑ. Wiyɑ u koo kpuro yɑrɑmɑ bɑtumɑɔ ye yɑ beruɑ wɔ̃kuru sɔɔ, kpɑ u tɔmbun ɡɔ̃rusun bwisikunu sɔ̃ɔsi. Sɑnɑm mɛ sɔɔrɑ bɑɑwure u koo win siɑrɑbu nɔ Gusunɔn mi.

Sɔ̃ɔsiru 32:29

Bɑ̀ n dɑɑ bwisi mɔn nɑ, bɑ koo rɑɑ ɡiɑ ye yɑ koo bu deemɑ.

Heberu 4:13

Gɑ̃ɑnu sɑri ni nu Gusunɔ berue win tɑkɑ koorɑ sɔɔ. Kpuro yɑ wukiɑrewɑ yɑ yii win wuswɑɑɔ. Wiyɑ bɛsɛ kpuro sɑ ko mɑɑ bɛsɛn wɑ̃ɑru tusiɑ.