Osee 2:15 - Bibeli Gusunɔn Gari

¹⁵ Kon nùn sɛɛyɑsiɑ yèn sɔ̃ u mɑn deri u bũu wi bɑ mɔ̀ Bɑɑli turɑre dɔ̃ɔ dokeɑmmɛ. Mɑ u win sɑbɑ kɑ win tɑɑminu doke u dɑ u win durɔ tɑnɔbu swĩi. Nɛ, Yinni Gusunɔwɑ nɑ yeni ɡeruɑ.

Osee 2:15 ပူးပေါင်းရင်းမြစ်များ

Sinɑmbu I 16:31

U ǹ dɑɑ mɑm yɛ̃ Yeroboɑmu Nɛbɑtin bii u durum kuɑ, wiɡiɑn kpɑ̃ɑrun sɑɑbu. Domi u Yesɑbɛli Etibɑɑlin bii suɑ kurɔ. Etibɑɑli wiyɑ u sɑ̃ɑ Sidoniɡibun sunɔ. Yen biru u mɑɑ dɑ u bũu wi bɑ mɔ̀ Bɑɑli sɑ̃ɑmɔ.

Womusu 106:12

Mɑ bɑ wunɛ Yinni Gusunɔn ɡɑri nɑɑnɛ kuɑ. Mɑ bɑ nun siɑrɑmɔ kɑ womusu.

Womusu 129:1

Sɑ̃ɑ dɑɑrun womu. Ge wee. Isirelibɑ bu ɡeruo sɑnnu sɑnnu bu nɛɛ, ɡeemɑ, tɔn kɔ̃sobu bɑ rɑ n sun dɑm dɔremɔwɑ sɑɑ bɛsɛn bweserun toren di.

Esɑi 65:21

Bɑ koo diɑ bɑni bɑ n wɑ̃ɑ ye sɔɔ. Goo kun diru bɑnimɔ u kun wure te sɔɔ u sere ɡbi. Bɑ koo resɛm dɑ̃ɑ duure kpɑ bu yen mɑrum di. Goo kun dɑ̃ɑ duurumɔ u kun yen mɑrum di u sere ɡbi. Domi nɛn tɔn be nɑ ɡɔsɑn wɑ̃ɑru tɑ koo dɛnyɑ nɡe dɑ̃ruɡiru, kpɑ bu ben nɔmɑn sɔmburun ɑre di.

Yeremi 2:1

Yinni Gusunɔ u mɑn sɔ̃ɔwɑ u nɛɛ,

Yeremi 2:2

n doo n bɛɛ Yerusɑlɛmuɡibu sɔ̃ n nɛɛ, u yɑɑye nɡe mɛ i nùn kĩɑ yellu nɡe kurɔ kpɑo, i kɑ nùn swĩi ɡbɑbu tèn mi ɡɑ̃ɑnu ku rɑ kpi.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.

Yeremi 3:4

Wee tɛ̃, i mɑn nɔɔɡiru suemɔ i mɔ̀, i mɑn nɔɔɡiru mɔ̀ i ɡerumɔ nɛnɑ nɑ sɑ̃ɑ bɛɛn bɑɑbɑ, i mɑɑ mɑn kĩwɑ sɑɑ bɛɛn piiburun di.

Yeremi 32:15

Domi sɔ̃ɔ teeru tɔmbu bɑ koo mɑɑ diɑ kɑ ɡbeɑ dwe tem mɛ sɔɔ.

Swĩi 3:21

Adɑmɑ wee ye yɑ mɑn yĩiyɔbu wɛ̃ɛmɔ. Nɑ kĩ n tii ye yɑɑyɑsiɑ n ɡere.

Esekiɛli 16:22

Yen kom kɔ̃sum mɛ sɔɔ, ɑ ǹ mɑɑ wunɛn wɔndiɑru yɑɑye kɑ sɑnɑm mɛ ɑ wɑ̃ɑ tereru wunɛn mɑru yɛm sɔɔ.

Esekiɛli 16:60

Adɑmɑ kɑ mɛ, nɑ ǹ nɛn ɑrukɑwɑni ye duɑrimɔ ye nɑ kɑ nun bɔkuɑ wunɛn wɔndiɑrun di. Kon mɑɑ kɑ nun ɑrukɑwɑni bɔke yɑ n wɑ̃ɑ sere kɑ bɑɑdommɑɔ.

Esekiɛli 16:8

Mɑ nɑ sɑrɑ wunɛn bɔkuɔ nɑ nun mɛɛrɑ mɑ nɑ wɑ sɑɑ yɑ turɑ su kɑ kĩru ko. Mɑ nɑ nɛn yɑberun soo suɑ nɑ kɑ wunɛn tereru wukiri. Mɑ nɑ kɑ nun ɑrukɑwɑni bɔkuɑ kɑ bɔ̃ri nɑ nɛɛ, ɑ kuɑ nɛɡii. Nɛ, Yinni Gusunɔwɑ nɑ yeni ɡeruɑ.

Esekiɛli 28:25

Amɛniwɑ nɛ, Yinni Gusunɔ nɑ mɑɑ ɡeruɑ. Nɑ nɛɛ, sɑnɑm mɛ kon Isirelibɑ mɛnnɑmɑ bwese tukunun suunu sɔɔn di mi bɑ yɑrinɛ, kon sɔ̃ɔsi bwese tuku nin nɔni biru mɑ nɑ sɑ̃ɑwɑ Dɛɛro. Sɑɑ ye sɔɔrɑ Isirelibɑ bɑ koo dɑ bu sinɑ ben temɔ mɛ nɑ ben bɑɑbɑ Yɑkɔbu wɛ̃.

Esekiɛli 28:26

Bɑ koo sinɑ bɔri yɛndu sɔɔ. Bɑ koo diɑ bɑni kpɑ bu resɛmbɑ duure. Bɑ ko n wɑ̃ɑ bɔri yɛndu sɔɔ domi kon be bɑ kɑ bu sikerenɛ bɑ bu ɡɛmɑ siri n sɛɛyɑsiɑ. Sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Gusunɔ ben Yinni.

Osee 11:1

Yinni Gusunɔ u nɛɛ, sɑɑ Isirelin bweserun torubun diyɑ nɑ tu kĩɑ. Mɑ nɑ tu yɑrɑmɑ Eɡibitin di nɑ tu sokɑ nɛn bii.

Osee 12:13

Yɑkɔbu u kpikiru dɑ Arɑmuɔ. Miyɑ u sɔmburu kuɑ u yɑ̃ɑnu kpɑrɑ u kɑ kurɔ wɑ.

Osee 12:9

Kpɑ i nɛɛ, kɑ ɡem i ɡobi wɑ, i dukiɑ bɑkɑ ɡurɑ. Kɔ̃sɑ ɡɑɑ sɑri ye sɔɔ. Bɛɛn sɔmburun ɑreyɑ.

Osee 13:4

Adɑmɑ nɛ, nɑ sɑ̃ɑwɑ Gusunɔ ben Yinni sɑɑ mìn di nɑ bu yɑrɑmɑ Eɡibitin di. Bɑ ǹ mɑɑ Yinni ɡoo mɔ mɑ n kun mɔ nɛ. Fɑɑbɑ kowo mɑɑ sɑri nɛ bɑɑsi.

Osee 2:12

kpɑ n nùn sekuru doke win durɔ tɑnɔbun wuswɑɑɔ. Goo sɑri wi u koo nùn wɔrɑ nɛn nɔmɑn di.

Amɔsu 9:14

Kon nɛn tɔmbu Isirelibɑ yɑkiɑ yorun di. Kpɑ bu wure bu wuu si su rɑɑ bɑnsu kuɑ seeyɑ bu sinɑ mi. Bɑ koo resɛmbɑ duure, kpɑ bu yen tɑm nɔ. Bɑ koo dɑ̃ɑ ɡbɑɑnu ko, kpɑ bu yen mɑrum di.

Sɑkɑri 9:12

Bɛɛ yobu, bɛɛ be i yĩiyɔ bɑkɑbu mɔ, i wuro bɛɛn wusɔ si su ɡbɑ̃rɑnu mɔ. Nɑ mɑɑ bɛɛ nɔɔsiɑmɔ mɑ kon bɛɛ domɑru kuɑ nɡe yelluɡirun nɔn yiru.

Gbɑburu 21:17

Yerɑ Isirelibɑ bɑ womu ɡeni kuɑ bɑ nɛɛ, nim, ɑ yɑrimɑ dɔkɔn di kpɑ su tɑki ko.

Yohɑnu 10:9

Nɛn tiiwɑ kɔnnɔ ɡe. Bɑɑwure wi u dumɔ sɑɑ nɛn min di wiyɑ bɑ koo fɑɑbɑ ko. U koo du, u koo mɑɑ yɑri, u koo mɑɑ dii yeru wɑ.

Gɔrobun Kookoosu 14:27

Sɑnɑm mɛ bɑ turɑ Antiɔsiɔ, bɑ Yesun yiɡbɛru mɛnnɑ, mɑ bɑ sɑɑrɑ ye Gusunɔ kɑ bu kuɑ kpuro, nɡe mɛ u swɑɑ kuɑ tɔn tukobu bu kɑ nɑɑnɛ doke.

Yosue 7:26

Mɑ bɑ kpenu ɡurɑ bɑ nin tɑkɑnu kuɑ ben wɔllɔ te tɑ wɑ̃ɑ mi sere kɑ ɡisɔ. Ye kpuron sɔ̃nɑ bɑ yɑm mi sokumɔ Akɔɔn wɔwɑ sere kɑ ɡisɔn ɡisɔ. Yĩsi ten tubusiɑnɑ, nɔni swɑ̃ɑrun wɔwɑ. Sɑɑ yerɑ Yinni Gusunɔn mɔru yɑ sure.

Kpɑrobu 8:34

Bɑǹ mɑɑ Gusunɔ ben Yinni yɑɑye wi u rɑɑ bu wɔrɑ ben yibɛrɛbɑn nɔmɑn di be bɑ bu sikerenɛ kpuro.