Osee 13:15 - Bibeli Gusunɔn Gari

¹⁵ Bɑɑ Isirelibɑ bɑ̀ n kuurɑ ɑmɔ, beɡibun suunu sɔɔ, yibɛrɛbɑ bɑ koo nɑ nɡe woo sum sɑɑ sɔ̃ɔ yɑri yerun di. Nɛ, Yinni Gusunɔ nɑ kon bu seeyɑmɑwɑ ɡbɑburun di, kpɑ bu dɔkɔbɑ ɡberɑsiɑ. Kpɑ bwii yi nim kpe. Gɑ̃ɑ ni nu ɡeɑ sɑ̃ɑ kpurowɑ bɑ koo ɡurɑ bu kɑ doonɑ.

Osee 13:15 ပူးပေါင်းရင်းမြစ်များ

Torubu 41:23

Mɑ doo winu nɔɔbɑ yiru ɡɑnu nu mɑɑ yɑrɑ niɔnɔn temɔ ni nu sɑkosu sɑ̃ɑ nu ɡbere sɔ̃ɔ kɑ woon sɔ̃.

Torubu 41:52

Mɑ u yiruse yĩsiru kɑ̃ Efɑrɑimu, u nɛɛ, domi Gusunɔ u derɑ nɑ mɑrɑ tem mi nɑ nɔni swɑ̃ɑru wɑ.

Torubu 41:6

Mɑ doo winu nɔɔbɑ yiru ɡɑnu nu mɑɑ yɑrɑ niɔnɔn temɔ, ni nu sɑkosu sɑ̃ɑ nu ɡbere sɔ̃ɔ kɑ woon sɔ̃.

Torubu 48:19

Adɑmɑ u yinɑ u nɛɛ, nɑ yɛ̃ mɛ, nɛn bii, nɑ yɛ̃. Win tii u koo mɑɑ ko bwese bɑkɑrun nuuru. Adɑmɑ win wɔnɔ koo nùn kerɑ. Wiyɑ u koo ko bwese dɑbinun nuuru.

Torubu 49:22

Wunɛ Yosɛfu, ɑ sɑ̃ɑwɑ nɡe kɛtɛku ɡbeeku ɡe ɡɑ wɑ̃ɑ bwiɑn bɔkuɔ. A sɑ̃ɑwɑ nɡe kɛtɛku buu ɡe ɡɑ wɑ̃ɑ ɡuurun ɡɑ̃ɑrɔ.

Yoobu 18:16

Tɔn kɔ̃so wi, u ko n sɑ̃ɑwɑ nɡe dɑ̃ɑ. Win ɡbini yi koo ɡberɑ temɔ. Kpɑ bu win kɑ̃ɑsi bɔɔri wɔllɔ.

Womusu 1:4

Adɑmɑ tɔn kɔ̃so kun doo nɔɔru wɑsi. U ǹ sɑ̃ɑ nɡe dɑ̃ɑ te. Yɑkɑ ɡbebusɑ u kɑ weenɛ si woo ɡɑ rɑ yɑrinɑsie.

Womusu 109:13

Bu win bibun bweseru ɡoowo, kpɑ win yĩsiru tu ɡbi.

Esɑi 14:21

I sɔɔru koowo i win bibu ɡo kɔ̃sɑ ye ben sikɑdobɑ bɑ kuɑn sɔ̃, kpɑ bu ku rɑɑ se bu mɑɑ hɑnduniɑ tɑbu di, kpɑ bu mɑɑ wusu seeyɑ bu yibu si sɔɔ.

Esɑi 17:13

Bɑ kukirimɔ nɡe dɑɑ bɑkɑrun nim. Adɑmɑ Yinni Gusunɔ u bu ɡerusi, mɑ bɑ duki yɑrinɑ n tomɑ, nɡe yɑkɑ si woo ɡɑ suɑ ɡɑ kɑ doonɑ, ǹ kun mɛ, nɡe tuɑ ye woo ɡunɑ yɑ seeyɑ.

Esɑi 27:8

U bu sɛɛyɑsiɑwɑ sɑkɑ sɔɔ. U derɑ yibɛrɛbɑ bɑ nɑ nɡe sɔ̃ɔ yɑri yerun woo dɑmɡuu, bɑ bu ɡurɑ bɑ kɑ doonɑ.

Esɑi 41:16

I ko nu sɑrɑwɑ nɡe dobi, woo ɡu kɑ nu doonɑ, kpɑ woo ɡunɑ yu nu yɑrinɑsiɑ, kpɑ i nuku dobu wɑ nɛn min di, nɛ, wi nɑ sɑ̃ɑ bɛɛn Yinni Dɛɛro, kpɑ i mɑn bɛɛrɛ wɛ̃.

Yeremi 20:5

U koo de yibɛrɛbɑ bu Yerusɑlɛmun ɑrumɑni ɡurɑ, kɑ sɔmɑ ye tɔmbɑ kuɑn ɑre kpuro, kɑ sere ɡɑ̃ɑ ɡee ni nu wɑ̃ɑ ye sɔɔ. U koo de bu Yudɑbɑn sinɑmbun ɑrumɑni ɡurɑ, kpɑ bu kɑ ye kpuro dɑ Bɑbiloni mi.

Yeremi 4:11

Sɑɑ ye sɔɔ, kon bu sɔ̃ n nɛɛ, wee, woo ɡɑ wee sɑɑ ɡbɑburun ɡuunun di, ɡu kɑ nɛn tɔmbu Yudɑbɑ swee. Woo ɡe, ɡɑ ǹ sɑ̃ɑ fɛrɛ fɛrɛ nɡe ɡe bɑ koo kɑ dobi sɑrɑ.

Yeremi 4:12

Gɑ ko n dɑm mɔwɑ. Nɛ, Yinni Gusunɔwɑ nɑ ɡu sokusiɑmɔ. Tɛ̃wɑ kon bu siri.

Yeremi 51:1

Wee ye Yinni Gusunɔ u ɡeruɑ Bɑbilonin sɔ̃. U nɛɛ, kon de woo ɡu Bɑbiloni swee, ye kɑ yen tɔmbu, kpɑ ɡu bu kɑm koosiɑ.

Yeremi 51:36

Wee ye Yinni Gusunɔ u ɡeruɑ Yerusɑlɛmuɡibun sɔ̃. U nɛɛ, wee, kon bɛɛ sɑnnɑ. Kon Bɑbilonin dɑɑnu kɑ yen bwii kpuro ɡberɑsiɑ.

Esekiɛli 17:10

Wee tɑ duurɑ, ɑdɑmɑ tɑ koo kuurɑ? Sɔ̃ɔ yɑri yerun woo ɡɑ̀ n tu bɑbɑ, tɑ ǹ koo ɡberɑ? Geemɑ tɑ koo ɡberɑ mi tɑ duurɑ.

Esekiɛli 19:12

Adɑmɑ bɑ ye wukɑ kɑ mɔru bɑ surɑ temɔ. Woo ɡe ɡɑ wee sɔ̃ɔ yɑri yerun di, ɡɑ yen mɑrum ɡberɑsiɑ. Yen kɑ̃ɑsi dɑmɡii yi, yi ɡberɑ yi dɔ̃ɔ mwɑɑrɑ.

Dɑniɛli 11:8

U koo ben bũnun bwɑ̃ɑrokunu ɡurɑ ni bɑ kuɑ kɑ sii ɡɑndu kɑ ben ɡɑ̃ɑ ɡee ni bɑ kɑ wurɑ kɑ sii ɡeesu kuɑ u kɑ dɑ Eɡibitiɔ. Kpɑ u kɑ sinɑ boko wi u wɑ̃ɑ sɔ̃ɔ yɛ̃sɑn nɔm ɡeu ɡiɑ mi tondɑ sɑɑ fiiko.

Osee 10:1

Isirelin bweseru tɑ rɑɑ sɑ̃ɑwɑ nɡe resɛm ɡeɑ ye yɑ rɑ mɑ too. Adɑmɑ nɡe mɛ bɑ dɑbiɑmɔ, nɡe mɛyɑ bɑ bũu yenu dɑbiɑsiɑmɔ. Nɡe mɛ ben tem mu kuurɑmɔ, nɡe mɛyɑ bɑ bũu yenu sɔmmɔ kɑ kpee ɡeenu.

Osee 2:3

Bɛɛ Yudɑbɑ kɑ Isirelibɑ, i sɔ̃ɔnɔ mɑ i sɑ̃ɑwɑ nɛn tɔn be nɑ kĩ.

Osee 4:19

Sɔ̃ɔ teeru woo ɡɑ koo nɑ ɡu bu suɑ ɡu kɑ doonɑ kpɑ bu sekuru wɑ ben yɑ̃ku nin sɔ̃.

Osee 9:11

Tɛ̃ Isirelibɑn bɛɛrɛ yɑ koo doonɑ nɡe ɡunɔ mɔrin wuuru. Ben kurɔbu bɑ ǹ mɑɑ ɡuri suɑmɔ bu sere mɑ.

Yonɑsi 4:8

Sɑnɑm mɛ sɔ̃ɔ yɑrɑ, u derɑ woo sum ɡɑ nɑ sɑɑ sɔ̃ɔ yɑri yerun di. Mɑ sɔ̃ɔ wi, u Yonɑsi so wirɔ sere u wɑsikirɑ. Mɑ u nɛɛ, n burɑm bo u ɡbi ye u ko n kɑ mɑɑ wɑ̃ɑ.

Nɑhumu 2:9

Ninifu ye, yɑ sɑ̃ɑwɑ nɡe nim bwee bɑkɑru tèn nim mu ɡɛ̃ɛrɑ mu doonɑ. Mɑ nɔɔɡirɑ nɔɔrɑmɔ tɑ mɔ̀, i yɔ̃ro, i yɔ̃ro. Adɑmɑ ɡoo kun yɔ̃re.

Sɔ̃ɔsiru 33:17

Yosɛfun bwese kɛrɑ ye, yɑ bɛɛrɛ mɔ. Yɑ dɑm mɔ nɡe kɛtɛ kinɛru. Yen dɑm mu sɑ̃ɑwɑ nɡe ɡbeeku kɛtɛn kɔbin dɑm. Dɑm mɛyɑ yɑ rɑ kɑ bwese tukunu so, kpɑ yu nu ɡirɑ. Efɑrɑimun tɔn dɑbirɑ tɑ sɑ̃ɑ nɡe kɔbi yin tiɑ, mɑ Mɑnɑsen tɔn dɑbirɑ mɑɑ sɑ̃ɑ nɡe kɔbi yin yiruse.