Osee 13:14 - Bibeli Gusunɔn Gari

¹⁴ Kon bu wunɑ sɑɑ ɡɔribun wɑ̃ɑ yerun dɑm di. Kpɑ n bu yɑkiɑ ɡɔɔn nɔmɑn di. Gɔɔ, ɑ nɑ kɑ wunɛn bɑrɑ te ɑ rɑ kɑ tɔnu ɡo. Gɔribun wɑ̃ɑ yeru, ɑ nɑ kɑ wunɛn kɑm kootiɑ. Domi nɑ ǹ mɑɑ ben wɔnwɔndu mɔ̀.

Osee 13:14 ပူးပေါင်းရင်းမြစ်များ

Yoobu 33:24

Sɑɑ ye sɔɔ, u koo tɔnu win wɔnwɔndu wɑ kpɑ u nɛɛ, u nùn fɑɑbɑ koowo, kpɑ u ku rɑɑ ɡbi. Domi u swɑɑ wɑ ye u koo kɑ nùn yɑkiɑ.

Yoobu 41:22

Gen nukurun temɔ, ɡen ɡɔnɑn kokosu sɑ̃ɑwɑ nɡe sɛ̃ɛnu. Su sɑ̃ɑwɑ nɡe nɑɑ tebo ɡe bɑ rɑ kɑ tem kusɑnu kɔsuku.

Womusu 16:10

Domi ko nɑ n kɑ nun wɑ̃ɑ. A ǹ nɛn hunde derimɔ ɡɔribun wɑ̃ɑ yerɔ. A ǹ wurɑmɔ wunɛn kĩnɑsin wɑsi yi kɔ̃si.

Womusu 30:3

Gusunɔ nɛn Yinni, nɑ nun nɔɔɡiru sue nɑ fɑɑbɑ kɑnɑ, mɑ ɑ mɑn bɛkiɑ.

Womusu 49:15

Bɑ rɑ bu surewɑ ɡɔriɔ nɡe yɑ̃ɑ ɡɔ̃ɔ ɡe bɑ sure wɔru sɔɔ, kpɑ ɡɔɔ u bu di. N sosi, tɔn dɛɛrobɑ koo bu tɑɑku, kpɑ ben bɛɛrɛ yu kpe, kpɑ ɡɔribun wɑ̃ɑ yeru tu ko ben yɛnu.

Womusu 49:16

Adɑmɑ Gusunɔ u koo nɛn hunde wɔrɑ sɑɑ ɡɔribun wɑ̃ɑ yerun di. Domi u koo mɑn kɔ̃su.

Womusu 71:20

Wunɑ ɑ derɑ sɑ wɑhɑlɑ kɑ nuku sɑnkirɑnu wɑ. Adɑmɑ kɑɑ nɑ ɑ sun wɑ̃ɑru wɛ̃, kpɑ ɑ sun yɑrɑ sɑɑ siki wɔrun di.

Womusu 86:13

Domi ɑ mɑn durom bɑkɑm kuɑ, ɑ mɑn yɑrɑ ɡɔribun wɑ̃ɑ yerun sɔɔ sɔɔn di.

Esɑi 25:8

U koo de ɡɔɔ u kpe sere kɑ bɑɑdommɑɔ, kpɑ u ben nɔni yĩresu wokɑ kpɑ u ben sekuru wunɑ tem mɛ kpuro sɔɔ. Wi, Yinni Gusunɔwɑ, u yeni ɡeruɑ.

Esɑi 26:19

Nɛɡibu, bɛɛn tɔn be bɑ rɑɑ ɡu bɑ koo se ɡɔrin di bu wɑ̃ɑru di. Bɛɛ be i kpĩ tem sɔɔwɔ, i dom yɑndo, kpɑ i nuku dobun kuuki ko. Domi tem mu koo bɛɛ seeyɑ ɡɔrin di nɡe mɛ bururun kɑkoru tɑ rɑ yɑkɑsu seeye.

Yeremi 15:6

Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 20:16

Durɔ wi, u kɑm koowo nɡe wuu si Yinni Gusunɔ u kɑm koosiɑ u ǹ sin wɔnwɔndu kue. Kpɑ u wuri nɔ bururu, kpɑ u tɑbun wurenu nɔ sɔ̃ɔ sɔɔ ɡbɑ̃ɑrɑ.

Yeremi 31:35

Yinni Gusunɔwɑ u sɔ̃ɔ kuɑ u kɑ yɑm dɛɛrɑsiɑ sɔ̃ɔ sɔɔ. Mɑ u suru kɑ kperi yi yi, yi kɑ yɑm dɛɛrɑsiɑ wɔ̃kuru. U rɑ mɑɑ de nim kurenu nu se nim wɔ̃kun di, kpɑ nu wɔki. Win yĩsirɑ Yinni Gusunɔ wi u wɔllu kɑ tem mɔ. Wiyɑ u ɡeruɑ u nɛɛ,

Esekiɛli 37:9

Yinni Gusunɔ u mɑɑ nɛɛ, tɔnun bii, ɑ ɡɑri ɡeruo ɑ hunde sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, hunde yu nɑ sɑɑ hɑnduniɑn ɡoonu nnɛn di kpɑ yu ɡoo ni wom wure kpɑ nu se nu n wɑ̃ɑ.

Osee 6:2

N ǹ mɑɑ tɛɛmɔ u kɑ sun wɑ̃ɑru wɛ̃, kpɑ sɑ n wɑ̃ɑ win wuswɑɑɔ.

Osee 7:10

Ben tii suɑbu sɔ̃ɔsirɑmɔ. Domi bɑ ǹ ɡɔsirɑmɛ nɛ Gusunɔ ben Yinnin mi. Kɑ yen de kpuro, bɑ ǹ mɑn kɑsu.

Mɑlɑsi 3:6

Nɛnɑ nɑ Yinni Gusunɔ wi u rɑ n wɑ̃ɑ. Nɑ ku rɑ kɔsi. Yen sɔ̃nɑ bɛɛ, Yɑkɔbun bweseru, bɑ ǹ bɛɛ kpeerɑsie.

Gbɑburu 23:19

Gusunɔ kun sɑ̃ɑ nɡe tɔnu u sere weesu ko. Uǹ sɑ̃ɑ nɡe tɔnu u sere kɔbiɑ ye u rɑɑ ɡeruɑ. Ye u ɡeruɑ, yerɑ u rɑ ko. Yèn himbɑ u mɑɑ yi, yɑ rɑ koorewɑ.

Romu 11:15

Geemɑ sɑnɑm mɛ Gusunɔ u bu deri yɑ derɑ u kɑ hɑnduniɑɡibu nɔɔ tiɑ kuɑ. Tɛ̃, mbɑ n ko n sɑ̃ɑ ù n wure u kpɑm bu mwɑ. N ǹ wɑ̃ɑru ɡɔribun sɔ̃?

Romu 11:29

Domi Gusunɔ ù n tɔnu sokɑ, u nùn sokɑwɑ. Ù n nùn kɛ̃ru wɛ̃, u nùn wɛ̃wɑ. U ku rɑ ɡɔ̃ru ɡɔsie.

Korinti II 5:4

Domi sɑɑ yè kpuro sɑ wɑ̃ɑ kuu temkii teni sɔɔ sɑ kpɑsɑ wɔri mɔ̀ nɡe wi u sɔmunu sɔɔwɑ. N ǹ mɔ sɑ kĩ bu sun bɛsɛn wɑsi temkii wunɑri, ɑdɑmɑ sɑ kĩwɑ bu sun wɔllun wɑsi sebusiɑ, kpɑ yi yi sɑ̃ɑ ɡɔɔɡii, wɑ̃ɑru tu yi mwɛ.

Filipi 3:21

Wiyɑ koo bɛsɛn wɑsi yiiko sɑriruɡii kɔsi kɑ win dɑm mɛ mu koo de kpuro nùn wiru kpĩiyɑ, kpɑ yi kɑ win wɑsi yiikoɡii weenɑ.

Tɛsɑlonikɑ I 4:14

Sɑ nɑɑnɛ doke mɑ Yesu u ɡu, mɑ u kpɑm seewɑ ɡɔrin di. Yen sɔ̃, sɑ nɑɑnɛ sɑ̃ɑ mɑ, be bɑ Yesu nɑɑnɛ doke bɑ kɑ ɡu, Gusunɔ u koo kɑ bu wurɑmɑ kɑ wi sɑnnu.

Yɑkɔbu 1:17

Kɛ̃ɛ ɡeeru bɑɑtere kɑ kɛ̃ɛ burɑnu kpuro sɑɑ wɔllun diyɑ nu rɑ nɛ. Nu mɑɑ weewɑ Gusunɔn min di wi u sɔ̃ɔ kɑ suru tɑkɑ kuɑ. Wiyɑ wi u ku rɑ kɔsi, u ǹ mɑɑ tiro mɔ.

Kɑ̃siru 20:13

Sɑnɑm mɛyɑ nim wɔ̃ku ɡɑ kɑ ɡen ɡɔribu nɑ, mɑ ɡɔɔ kɑ ɡɔribun wɑ̃ɑ yerɑ mɑɑ kɑ beɡibu nɑ be bɑ rɑɑ nɛni. Mɑ bɑ be kpuro siri nɡe mɛ ben bɑɑwuren kookoosu nɛ.

Kɑ̃siru 21:4

U koo bu ben nɔni yĩresu kpuro wokɑ. Gɔɔ kun ko n mɑɑ wɑ̃ɑ kɑ win nuku sɑnkirɑnu kɑ swĩi kɑ wuriribu domi ɡɑsɔn ɡɑ̃ɑnu nu doonɑ kpuro.

Kɑ̃siru 6:8

Nɑ mɛɛrɑ mɑ nɑ wɑ dum bɛrɔ wuruwɑ. Wi u ye sɔni, win yĩsirɑ Gɔɔ, mɑ ɡɔribun wɑ̃ɑ yerɑ nùn swĩi. Beyɑ bɑ yiiko wɛ̃ bu kɑ hɑnduniɑn bɔnu nnɛse ɡo kɑ tɑkobi, kɑ ɡɔ̃ɔru, kɑ bɑrɑnu, kɑ mɑɑ ɡbeeku yɛɛ yi yi wɑ̃ɑ tem mɛ sɔɔ.

Sɑmuɛli I 15:29

Gusunɔ, Isirelibɑn Yinni yiikoɡii u ku rɑ weesu ko, u ku rɑ mɑɑ win himbɑ ɡɔsie, domi u ǹ sɑ̃ɑ nɡe tɔnu.