Osee 11:4 - Bibeli Gusunɔn Gari

⁴ Nɑ bu ɡɑwɑmɑ nɛn mi kɑ kĩru mɑ nɑ bu dĩɑnu wɛ̃ nɡe wi u yɑɑ sɑbenun suɡu yiiyɑmɔ u kɑ nu nɔɔri.

Osee 11:4 ပူးပေါင်းရင်းမြစ်များ

Sɑmuɛli II 7:14

Nɑ kon sɑ̃ɑ win tundo, kpɑ u n mɑɑ sɑ̃ɑ nɛn bii. Ù n torɑru ɡɑru kuɑ, tɔmbɑ kon de bu nùn so bu sɛɛyɑsiɑ.

Womusu 105:40

Ye bɑ turɑ ɡbɑburɔ, yerɑ bɑ Yinni Gusunɔ nɔɔɡiru sue bɑ dĩɑnu kɑnɑ, mɑ u bu kusunu wɛ̃. Mɛyɑ u derɑ pɛ̃ɛ yɑ nɑ wɔllun di bɑ di bɑ debɑ.

Yɑribu 16:32

Sɔ̃ɔ teeru Mɔwisi u nɛɛ, woodɑ wee ye Yinni Gusunɔ u bɛɛ wɛ̃ɛmɔ. I mɑnnɑ beruo, sɔ̃ɔ teerun dim sɑkɑ bɛɛn bibun bweserun sɔ̃ bu kɑ wɑ dĩɑ ni u bɛɛ wɛ̃ i di ɡbɑburɔ sɑnɑm mɛ u bɛɛ yɑrɑmɑ Eɡibitin di.

Womu Duro 1:4

A mɑn tii ɡɑwemɑ kpɑ su nun nɑɑ swĩi kɑ dukɑ. A sɑ̃ɑwɑ nɛn sunɔ, ɑ kɑ mɑn doo wunɛn wɑ̃ɑ yerɔ. Wunɛn sɑɑbuwɑ sɑ nuku dobu mɔ. Wunɛn kĩru tɑ tɑm dobu kere. Bɑ ɡem mɔ be bɑ nun kĩ.

Esɑi 63:9

Bɛsɛn wɑhɑlɑ kpuro sɔɔ, u sun somi. N ǹ mɔ win ɡɔrɑdo u sun fɑɑbɑ kuɑ, win tiiwɑ u sun yɑkiɑ win kĩru kɑ win wɔnwɔndun sɔ̃. Mɑ u sun nɔɔri sɑɑ yellun di.

Osee 2:8

Yen sɔ̃, kon win swɑɑ kɛnɛ kɑ sɑ̃ki, kpɑ n ye dɑ̃ɑ sɛ̃suku kpɑ u kun mɑɑ win swɑɑ ye swĩi.

Sɑ̃ɑrun Woodɑ 26:13

Nɛnɑ Gusunɔ bɛɛn Yinni, nɛ wi nɑ bɛɛ yɑrɑ sɑɑ yorun di Eɡibitiɔ. Nɛnɑ nɑ Eɡibitiɡibun dɑm dɔrebu kpeerɑsiɑ. Tɛ̃ i ko i kpĩ i sĩ n kun kɑ sekuru.

Yohɑnu 12:32

Sɑnɑm mɛ bɑ koo mɑn suɑ tem di bu bwɛ̃, sɑnɑm mɛyɑ kon tɔmbu kpuro tii ɡɑwe.

Korinti II 5:14

Domi Kirisin kĩrɑ sun nɛni, bɛsɛ be sɑ tubɑ mɑ tɔn turo ù n ɡu tɔmbu kpuron ɑyerɔ, tɔmbu kpurowɑ bɑ ɡu.

Sɔ̃ɔsiru 32:12

Yinni Gusunɔ turowɑ u bu kpɑrɑ. Bũu ɡoo kun nùn somi.

Sɔ̃ɔsiru 32:14

Bɑ kɛtɛbɑ kɑ yɑ̃ɑnun bom nɔrumɔ. Bɑ yɑ̃ɑ kpɛmminu kɑ yɑ̃ɑ kinɛnu kɑ boo kinɛnun yɑɑ ɡumɡiɑ temmɔ. Som ɡem dĩɑnɑ bɑ rɑ n dimɔ. Mɛyɑ bɑ rɑ mɑɑ resɛm tɑm ɡem nɔ.