Osee 11:2 - Bibeli Gusunɔn Gari

² Adɑmɑ nɡe mɛ nɑ bu sokumɔ nɡe mɛyɑ bɑ kɑ mɑn tondɑmɔ. Bɑ dɑ bɑ bũu ni bɑ mɔ̀ Bɑɑli sɑ̃ɑmɔ. Mɑ bɑ nu turɑre dɔ̃ɔ dokeɑmmɛ.

Osee 11:2 ပူးပေါင်းရင်းမြစ်များ

Sinɑmbu I 12:33

Ye tɔ̃ɔ te, tɑ turɑ te Yeroboɑmu u burɑ mi, yerɑ Isirelibɑ kpuro bɑ tɔ̃ɔ bɑkɑru di Betɛliɔ. Mɑ win tii u yɔɔwɑ yɑ̃ku yerɔ, u turɑre dɔ̃ɔ doke.

Sinɑmbu I 18:19

Yen sɔ̃ tɛ̃, ɑ de Isirelibɑ bu mɛnnɑmɑ ɡuu te bɑ mɔ̀ Kɑɑmɛliɔ kɑ sere bũu wi bɑ sokumɔ Bɑɑlin yɑ̃ku kowobu tɔnu nɛɛru kɑ weerɑɑkuru (450) kɑ mɑɑ bũu wi bɑ sokumɔ Asitɑɑten yɑ̃ku kowobu tɔnu nɛɛru (400) be bɑ rɑ mɛnnɛ bu di sɑnnu kɑ Yesɑbɛli.

Nɛɛmi 9:30

A kɑ bu tɛmɑnɑ wɔ̃ɔ dɑbinu. A wunɛn sɔmɔbu wunɛn Hunde wɛ̃ bɑ n kɑ bu kirɔ mɔ̀. Adɑmɑ bɑ ǹ swɑɑ dɑki. Mɑ ɑ bu bwese tukunu nɔmu bɛriɑ.

Esɑi 65:7

Kon de i bɛɛn durum sɔbe kɑ mɑɑ bɛɛn sikɑdobɑɡiɑ, be, be bɑ mɑn torɑri bɑ bũnu turɑre dɔ̃ɔ dokeɑ ɡuunu wɔllɔ. Kon bɛɛ bɛɛn kookoo si i kuɑn ɑre kɔsiɑ.

Yeremi 18:15

Adɑmɑ nɛn tɔmbu bɑ mɑn duɑri bɑ dɑ bɑ bũnu turɑre dɔ̃ɔ dokeɑmmɛ. Yɑ derɑ bɑ ǹ yɛ̃ ye bɑ mɔ̀ ben swɛɛ sɔɔ. Bɑ ben yellun swɑɑ dosu derimɔ, mɑ bɑ swɑɑ kisi swĩi.

Yeremi 35:13

nɛ Gusunɔ, wɔllu kɑ tem Yinni, nɛ wi nɑ mɑɑ sɑ̃ɑ Isirelibɑn Yinni, nɑ nɛɛ, ɑ doo ɑ Yudɑbɑ kɑ Yerusɑlɛmuɡibu sɔ̃ ɑ nɛɛ, bɑ ǹ nɛn kirɔbɑ swɑɑ dɑkimɔ kpɑ bu mɑn mɛm nɔɔwɑ?

Yeremi 44:5

Adɑmɑ i ǹ mɑn swɑɑ dɑki. I ǹ bɛɛn kom kɔ̃sum deri. I ǹ mɑɑ bũu yɑ̃ku kobu deri.

Osee 11:7

Wee nɛn tɔmbu bɑ yɔ̃rɑri bu kɑ mɑn tondɑ. Bɑ bu sokɑ bu ɡɔ̃ru ɡɔsiɑ bu wurɑmɑ nɛ, Wɔrukoon mi. Adɑmɑ ben ɡoo kun wure.

Osee 2:13

Kon win nuku dobu kpuro kpeerɑsiɑ kɑ tɔ̃ɔ bɑkɑ ni u rɑ ko suru kɑ suru kɑ tɔ̃ɔ wɛ̃rɑruɡiru kɑ sere mɛnnɔ si u rɑ ko sɑ̃ɑrun swɑɑ sɔɔ.

Osee 4:13

Bɑ rɑ de bɑ n yɑ̃kunu mɔ̀ ɡuunu wɔllɔ, kpɑ bɑ n turɑre dɔ̃ɔ dokemɔ ɡunɡunu wɔllɔ kɑ dɑ̃ɑ bɑkɑ bwese bwesekɑn nuurɔ nìn sɑɑrɑ bu wɛ̃re. Yen sɔ̃nɑ ben bii wɔndiɑbɑ bɑ sekuru sɑriru mɔ̀. Mɑ ben biiɡii kurɔbu bɑ sɑkɑrɑru mɔ̀.

Osee 4:17

Isirelibɑ bɑ bũnu sɑ̃ɑmɔ. A bu derio mi.

Sɑkɑri 1:4

I ku kɑ bɛɛn bɑɑbɑbɑ weenɑ be nɛn sɔmɔ ɡbiikobu bɑ nɛn ɡɑri sɔ̃ɔwɑ bɑ nɛɛ, bu ben dɑɑ kɔ̃sɑ derio. Adɑmɑ bɑ ǹ sɔmɔ be swɑɑ dɑki bu sere mɑn mɛm nɔɔwɑ.

Sɑkɑri 7:11

Adɑmɑ bɑ ǹ ɡɑri yi swɑɑ sue. Bɑ swɑɑ tɑɑyɑwɑ.

Luku 13:34

Yen biru u nɛɛ, Yerusɑlɛmu Yerusɑlɛmu, wunɛ wi ɑ rɑ Gusunɔn sɔmɔbu ɡo, kpɑ ɑ bu kpenu kɑsuku be bɑ nun ɡɔriɑmɑ, nɔn nyewɑ nɑ kĩɑ n wunɛn bibu mɛnnɑ nɡe mɛ ɡoo mɛro yɑ rɑ yen binu mɛnnɛ yen kɑsɑ sɔɔ, mɑ ɑ ǹ wure.

Yohɑnu 3:19

N wee mìn di tɑɑrɛ wɛ̃ɛbu nɑ. Yɑm bururɑm mu nɑ hɑnduniɑɔ, ɑdɑmɑ tɔmbɑ yɑm wɔ̃kuru kĩɑ n yɑm bururɑm kere yèn sɔ̃ ben kookoosu kun wɑ̃ si bɑ mɔ̀.

Gɔrobun Kookoosu 7:51

Etiɛni u mɑɑ bu sɔ̃ɔwɑ u nɛɛ, bɛɛ deɡɑnɡɑmɡibu! Bɛɛn ɡɔ̃rusu kɑ bɛɛn swɑsu su sɑ̃ɑ nɡe be bɑ ǹ Gusunɔ nɑsieɡisu, i rɑ n Hunde Dɛɛro yinɑmɔ, i mɔ̀wɑ nɡe bɛɛn bɑɑbɑbɑ.

Kpɑrobu 10:6

Yenibɑn biru Isirelibɑ bɑ kpɑm kuɑ ye yɑǹ Yinni Gusunɔ dore. Bɑ dɑ bɑ bũu tɔn durɔ be bɑ mɔ̀ Bɑɑlibɑ kɑ bũu tɔn kurɔ be bɑ mɔ̀ Asitɑɑtebɑ sɑ̃ɑmɔ. Bũu ni, nu sɑ̃ɑwɑ Siriɡibu kɑ Sidoniɡibu kɑ Amɔnibɑ kɑ Mɔɑbubɑ kɑ Filisitibɑn bũnu. Nɡe mɛyɑ Isirelibɑ bɑ kuɑ bɑ kɑ Yinni Gusunɔ deri, bɑǹ mɑɑ nùn sɑ̃ɑmɔ.

Kpɑrobu 3:7

Yenibɑn biru, Isirelibɑ bɑ Yinni Gusunɔ duɑri mɑ bɑ kɔ̃sɑ kuɑ bɑ bũu ni bɑ mɔ̀ Bɑɑlibɑ kɑ Asitɑɑtebɑ sɑ̃ɑmɔ.