Nɛɛmi 9:5 - Bibeli Gusunɔn Gari

⁵ Yerɑ Lefi beni, Yosue kɑ Kɑdimiɛli kɑ Bɑni kɑ Asɑbiniɑ kɑ Serebiɑ kɑ Hodiyɑ kɑ Sebɑniɑ kɑ Petɑyɑ bɑ nɛɛ, i seewo i Gusunɔ bɛsɛn Yinni siɑrɑ sere kɑ bɑɑdommɑɔ. Bɑɑwure u nùn siɑro win yĩsi bɛɛrɛɡirun sɔ̃, bɑɑ mɛ i ǹ ɡɑri yɛ̃ yi i ko i kɑ nùn siɑrɑ.

Nɛɛmi 9:5 ပူးပေါင်းရင်းမြစ်များ

Sinɑmbu I 8:14

Yerɑ sinɑ boko Sɑlomɔɔ u sĩirɑ Isirelibɑ kpuron mi ɡiɑ mi bɑ yɔ̃. Mɑ u bu domɑru kuɑ.

Sinɑmbu I 8:15

U ɡeruɑ u nɛɛ, nɑ Gusunɔ Isirelibɑn Yinni siɑrɑ, domi u win nɔɔ mwɛɛru yibiɑ te u Dɑfidi nɛn tundo kuɑ u nɛɛ,

Sinɑmbu I 8:22

Yerɑ Sɑlomɔɔ u yɔ̃rɑ turɑ tèn mi bɑ rɑ yɑ̃kunu kon wuswɑɑɔ Isirelibɑn nɔni biru, mɑ u nɔmɑ suɑ wɔllɔ u kɑnɑru kuɑ.

Sinɑmbu I 8:27

Adɑmɑ kɑɑ sere kpĩ ɑ sinɑ tem mɛ sɔɔ kɑ ɡem? Domi wɔllɑ kun nun turɑ. Kɑɑ sere ɡere dii te nɑ nun bɑniɑ mini?

Bɑndun Gɑri I 16:36

Gusunɔ, Isirelibɑn Yinni, wunɑ bɑ ko n siɑrɑmɔ sere kɑ bɑɑdommɑɔ. Mɑ tɔmbu kpuro bɑ nɛɛ, ɑmi! I Yinni Gusunɔ siɑro.

Bɑndun Gɑri I 29:11

Yinni Gusunɔ, wunɑ ɑ kpɑ̃, ɑ dɑm mɔ, ɑ mɑɑ yiiko mɔ. A ǹ nɔru mɔ. Domi wunɑ ɑ mɔ kpuro ye yɑ wɑ̃ɑ wɔllɔ kɑ ye yɑ wɑ̃ɑ temɔ. Wunɑ ɑ bɑndu dii, wunɑ ɑ kpuro kere.

Bɑndun Gɑri I 29:13

Tɛ̃, Gusunɔ bɛsɛn Yinni, sɑ nun siɑrɑmɔ, sɑ mɑɑ wunɛn yĩsirun kpɑ̃ɑru bɛɛrɛ wɛ̃ɛmɔ.

Bɑndun Gɑri I 29:20

Dɑfidi u mɑɑ tɔn be bɑ mɛnnɛ mi kpuro sɔ̃ɔwɑ u nɛɛ, i Gusunɔ bɛɛn Yinni siɑro. Mɑ be kpuro bɑ Gusunɔ ben sikɑdobɑn Yinni siɑrɑ, bɑ yiirɑ win wuswɑɑɔ kɑ mɑɑ sinɑ bokon wuswɑɑɔ.

Bɑndun Gɑri II 20:13

Mɑ Yudɑbɑ kpuro bɑ yɔ̃ Yinni Gusunɔn wuswɑɑɔ kɑ ben kurɔbu kɑ bibu kpuro.

Bɑndun Gɑri II 20:19

Yerɑ Lefibɑ sɔɔ, Kehɑtibɑ kɑ Korebɑ bɑ seewɑ bɑ Gusunɔ Isirelibɑn Yinni siɑrɑmɔ kɑ nɔɔɡiru.

Ɛsidɑrɑsi 3:11

Bɑ womu ɡeni kɔ̃ɔnɑmɔ bɑ kɑ Yinni Gusunɔ bɛɛrɛ wɛ̃ɛmɔ bɑ mɔ̀, Yinni Gusunɔ u sɑ̃ɑwɑ tɔn ɡeo. Win kĩru Isirelibɑn sɔ̃ tɑ ǹ kpeemɔ. Mɑ tɔn be kpuro bɑ Gusunɔ bɛɛrɛ wɛ̃ɛmɔ bɑ kuuki mɔ̀ yèn sɔ̃ bɑ win sɑ̃ɑ yerun kpɛɛkpɛɛku swĩimɔ.

Nɛɛmi 9:4

Yerɑ Yosue kɑ Bɑni kɑ Kɑdimiɛli kɑ Sebɑniɑ kɑ Buni kɑ Serebiɑ kɑ Bɑni ɡoo kɑ Kenɑni bɑ yɔɔwɑ turɑ ten mi. Mɑ bɑ nɔɔɡiru suɑ Gusunɔ ben Yinnin mi ɡiɑ bɑ somiru kɑnɑ.

Nɛɛmi 9:6

Mɑ Isirelibɑ bɑ kɑnɑ teni kuɑ bɑ nɛɛ, Yinni, wunɛ turowɑ ɑ sɑ̃ɑ Gusunɔ. Wunɑ ɑ wɔllu kuɑ tɑ kpɑ̃. Wunɑ ɑ mɑɑ kperi kuɑ too. Wunɑ ɑ tem tɑkɑ kuɑ kɑ ye yɑ wɑ̃ɑ mɛ sɔɔ. Wunɑ ɑ nim wɔ̃ku kuɑ kɑ ye yɑ wɑ̃ɑ ɡe sɔɔ. Wunɑ ɑ hunde koni kpuro wɑ̃ɑru wɛ̃. Mɑ kperi kɑ suru kɑ sɔ̃ɔ, ye kpuro yɑ nun bɛɛrɛ wɛ̃ɛmɔ.

Yoobu 1:21

wee nɑ yɑrɑwɑ tereru nɛn mɛron nukurun di. Tererɑ bɑ koo mɑɑ mɑn sike. Yinni Gusunɔwɑ u rɑɑ mɑn ye kpuro wɛ̃, wiyɑ u mɑɑ ye kpuro suɑ. Yen sɔ̃, kon nùn siɑrɑ.

Womusu 106:2

Wɑrɑ u koo Yinni Gusunɔn sɔm mɑɑmɑɑkiɡinu ɡere. Wɑrɑ u koo kpĩ u nùn tɔmɑ u nɑɑmwɛ.

Womusu 134:1

Sɑ̃ɑ dɑɑrun womu. Ge wee. I Yinni Gusunɔ siɑro bɛɛ win sɔm kowobu kpuro. Bɛɛ be i rɑ n wɑ̃ɑ win sɑ̃ɑ yerɔ sere kɑ wɔ̃kurɔ,

Womusu 145:2

Tɔ̃ɔ bɑɑtere kon nun siɑrɑ. Mɛyɑ kon wunɛn yĩsiru tɔmɑ sere kɑ bɑɑdommɑɔ.

Womusu 145:5

Kon wunɛn yiikon ɡirimɑn kpɑ̃ɑru ɡere. Kpɑ n wunɛn sɔm mɑɑmɑɑkiɡinun ɡɑri kpɑrɑ kɑ womu.

Womusu 146:2

Kon wunɛ Yinni Gusunɔ siɑrɑ nɛn wɑ̃ɑrun tɔ̃nu kpuro sɔɔ. Kon wunɛ Gusunɔ nɛn Yinni womu kuɑ nɛn wɑ̃ɑrun tɔ̃nu kpuro sɔɔ.

Womusu 16:2

Wunɑ nɑ sɔ̃ɔmɔ mɑ ɑ sɑ̃ɑ nɛn Yinni. Wunɛ turowɑ ɑ rɑ mɑn ɡɑ̃ɑ ɡeenu wɛ̃.

Womusu 66:2

I womu koowo win yĩsirun yiikon sɔ̃. I win yĩsiru wɔlle suo kɑ womusu,

Womusu 99:3

I Yinni Gusunɔn yĩsiru wɔlle suo. Tɑ kpɑ̃, tɑ nɑnum mɔ. U dɛɛrewɑ.

Yɑribu 15:11

Yinni Gusunɔ, mbɑ n kɑ nun weenɛ ye tɔmbɑ sɑ̃ɑmɔ kpuro sɔɔ. Mbɑ n kɑ nun dɛɛrɑru nɛ, wunɛ wi ɑ nɑnum mɔ. Mbɑ n kɑ nun weenɛ, wunɛ wi bɑ koo siɑrɑ. Mbɑ n kɑ nun weenɛ, wunɛ wi ɑ rɑ sɔm mɑɑmɑɑkiɡinu ko.

Yɑribu 15:6

Yinni Gusunɔ, wunɛn nɔm ɡeu ɡɑ dɑm yiikoɡim mɔ. Geyɑ ɡɑ wunɛn wɛrɔbu munkɑ muku muku.

Dɑniɛli 2:20

Yinni Gusunɔ, wunɑ ko nɑ n siɑrɑmɔ kɑ bɑɑdommɑɔ. Wunɑ ɑ bwisi kɑ dɑm mɔ.

Mɑteu 11:25

Sɑɑ ye sɔɔ, Yesu u nɛɛ, Bɑɑbɑ, wɔllu kɑ tem Yinni, nɑ nun siɑrɑ yèn sɔ̃ ɑ yɑbu ye bibu sɔ̃ɔsi bɑɑ mɛ ɑ ye bwisiɡibu kɑ yɛ̃ruɡibu beruɑ.

Korinti II 4:6

Gusunɔ wi u nɛɛ, yɑm bururɑm mu bɑllio yɑm wɔ̃kurɔ, wiyɑ mɑɑ win yɑm bururɑm bɑllisiɑ bɛsɛn ɡɔ̃ruɔ, su kɑ win yiiko ɡiɑ ye yɑ bɑllimɔ Kirisin wuswɑɑn di.

Sɔ̃ɔsiru 28:58

Ì kun Yinni Gusunɔn woodɑ mɛm nɔɔwɛ ye yɑ yoruɑ tire teni sɔɔ, mɑ i ǹ win yĩsi bɑkɑ te nɑsie,

Piɛɛ I 1:3

Su Gusunɔ siɑrɑ, bɛsɛn Yinni Yesu Kirisin Bɑɑbɑ. Win wɔnwɔn bɑkɑru sɔɔrɑ u sun mɑrɑ nɔn mɛɛruse Yesu Kirisin seebu ɡɔrin din sɔ̃ kpɑ sɑ n kɑ yĩiyɔ wɑ̃ɑruɡibu mɔ

Kpɑrobu 13:18

Yerɑ ɡɔrɑdo wi, u nɛɛ, mbɑn sɔ̃nɑ ɑ nɛn yĩsiru bikiɑmɔ. Nɛn yĩsirɑ, wi u rɑ mɑɑmɑɑki ko.