Nɛɛmi 9:35 - Bibeli Gusunɔn Gari

³⁵ Bɑ ǹ nun sɑ̃wɑ. Bɑ ǹ mɑɑ ben dɑɑ kɔ̃sɑ deri, bɑɑ mɛ ɑ bu tem bɑkɑm wɛ̃ mɛ mu ɡeɑ sɑ̃ɑ, bɑ kuɑ mɛn sinɑmbu. Mɑ ɑ bu nɔɔri bɑ wɑ̃ɑ doo nɔɔru sɔɔ.

Nɛɛmi 9:35 ပူးပေါင်းရင်းမြစ်များ

Nɛɛmi 9:25

Bɑ wuu ɡbɑ̃rɑruɡisu mwɛɛrɑ kɑ mi tem ɡem wɑ̃ɑ, kɑ yɛnu si su dukiɑ mɔ, kɑ dɔkɔbɑ kɑ resɛm ɡbɑɑnu, kɑ olifibɑ kɑ dɑ̃ɑ dɑbi dɑbinu nìn mɑrum bɑ rɑ di. Yinni Gusunɔ, wunɛn kĩrun sɑɑbuwɑ bɑ kɑ di bɑ debɑ bɑ bɔriɑ. Mɑ bɑ wɑ̃ɑ doo nɔɔru sɔɔ.

Nɛɛmi 9:34

Bɛsɛn sinɑmbu kɑ ben sinɑ ɑsɑkpɔbu kɑ bɛsɛn yɑ̃ku kowobu kɑ bɛsɛn bɑɑbɑbɑ bɑ ǹ wunɛn woodɑbɑ mɛm nɔɔwɛ. Bɑ wunɛn kirɔbɑ ɑtɑfiiru kuɑwɑ.

Esɑi 63:7

Kon Yinni Gusunɔn durom mɛ u sun kuɑ kpɑrɑ, kpɑ n nùn tɔmɑ ye u sun kuɑn sɔ̃. Kon win tɔn ɡeerun ɡɑri ɡere te u bɛsɛ Isirelibɑ sɔ̃ɔsi win wɔnwɔndu kɑ win kĩi bɑkɑrun sɑɑbu.

Yeremi 5:19

Tɛ̃ Yeremi, bɑ̀ n nɛɛ, mbɑn sɔ̃nɑ nɛ, Gusunɔ ben Yinni nɑ bu yenin bweseru kuɑmmɛ, kɑɑ bu wisiwɑ ɑ nɛɛ, bɑ mɑn deri bɑ kɑ tɔn tukobun bũnu nɑ ben temɔ bɑ sɑ̃ɑmɔ. Nɡe mɛyɑ ben tii bɑ koo dɑ bu tɔn tukobu sɑ̃ tem tukumɔ.

Esekiɛli 5:6

Mɑ yen tɔmbu bɑ mɑn seesi n kere bwese tuku ni nu kɑ bu sikerenɛ. Domi bɑ nɛn woodɑbɑ yinɑ. Bɑ ǹ nɛn ɡere swĩi.

Sɔ̃ɔsiru 28:47

Gusunɔ bɛsɛn Yinni u bɛɛ domɑ bɑkɑru kuɑ. Adɑmɑ i ǹ nùn sɑ̃wɑ kɑ ɡɔ̃ru teu kɑ nuku dobu.

Sɔ̃ɔsiru 28:48

Yen sɔ̃nɑ u koo bɛɛ yibɛrɛbɑ sure kpɑ i bu yoru diiyɑ i n wɑ̃ɑ ɡɔ̃ɔru kɑ nim nɔru kɑ sɑ̃ɑru kɑ tereru sɔɔ. Bɑ koo bɛɛ yoo te diisiɑwɑ sere bu kɑ bɛɛ kɑm koosiɑ.

Sɔ̃ɔsiru 31:21

Sɑɑ ye sɔɔ, wɑhɑlɑ kɑ nɔni swɑ̃ɑru ɡɑru tɑ̀ n mɑɑ seewɑ ben suunu sɔɔ, ben bibun bweseru tɑ koo womu ɡe yɑɑyɑ kpɑ ɡɑ n sɑ̃ɑ seedɑ. Nɑ ben ɡɔ̃run ɡɑri yɛ̃ sɑɑ tɛ̃n di n sere mɑm bu duusiɑ tem mɛ sɔɔ mɛ nɑ bu nɔɔ mwɛɛru kuɑ kɑ bɔ̃ri.