Nɛɛmi 9:34 - Bibeli Gusunɔn Gari

³⁴ Bɛsɛn sinɑmbu kɑ ben sinɑ ɑsɑkpɔbu kɑ bɛsɛn yɑ̃ku kowobu kɑ bɛsɛn bɑɑbɑbɑ bɑ ǹ wunɛn woodɑbɑ mɛm nɔɔwɛ. Bɑ wunɛn kirɔbɑ ɑtɑfiiru kuɑwɑ.

Nɛɛmi 9:34 ပူးပေါင်းရင်းမြစ်များ

Sinɑmbu II 17:13

Mɛyɑ u Isirelibɑ kɑ Yudɑbɑ kirɔ kuɑ sɑɑ win sɔmɔbun nɔɔn di u nɛɛ, bu dɑɑ kɔ̃sɑ derio kpɑ bu win woodɑbɑ mɛm nɔɔwɑ kɑ win ɡere, kpɑ bɑ n sĩimɔ dee dee win woodɑbɑ sɔɔ ye u ben bɑɑbɑbɑ wɛ̃. Yerɑ u mɑɑ ben tii wɛ̃ sɑɑ win sɔmɔ sɔm kowobun nɔɔn di.

Sinɑmbu II 17:15

Bɑ win woodɑbɑ deri kɑ ɑrukɑwɑni ye u kɑ ben bɑɑbɑbɑ bɔkuɑ kɑ sere mɑɑ kirɔ ye u bu kuɑ. Mɑ bɑ kɑm dirum swĩi, mɑ ben tii bɑ kɑm kuɑ. Bɑ bwese tukunu ni nu kɑ bu sikerenɛn dɑɑ sɑɑrɑ ye Gusunɔ ben Yinni u bu yinɑri.

Bɑndun Gɑri II 29:6

Bɛsɛn bɑɑbɑbɑ bɑ kuɑ mɛm nɔɔ sɑribɑ. Bɑ kɔ̃sɑ kuɑ Gusunɔ bɛsɛn Yinnin nɔni sɔɔ. Bɑ wi kɑ win sɑ̃ɑ yeru biru kisi.

Ɛsidɑrɑsi 9:10

Tɛ̃, Gusunɔ, mbɑ sɑ yɛ̃ sɑ ko ɡere domi sɑ wunɛn woodɑbɑ deri

Nɛɛmi 9:30

A kɑ bu tɛmɑnɑ wɔ̃ɔ dɑbinu. A wunɛn sɔmɔbu wunɛn Hunde wɛ̃ bɑ n kɑ bu kirɔ mɔ̀. Adɑmɑ bɑ ǹ swɑɑ dɑki. Mɑ ɑ bu bwese tukunu nɔmu bɛriɑ.

Nɛɛmi 9:33

A sɑ̃ɑwɑ nɑɑnɛɡii. A mɑɑ kuɑwɑ dee dee ɡɑ̃ɑ ni nu sun deemɑ sɔɔ. Adɑmɑ bɛsɛ, sɑ kuɑwɑ nɑɑnɛ sɑriruɡibu.

Nɛɛmi 9:35

Bɑ ǹ nun sɑ̃wɑ. Bɑ ǹ mɑɑ ben dɑɑ kɔ̃sɑ deri, bɑɑ mɛ ɑ bu tem bɑkɑm wɛ̃ mɛ mu ɡeɑ sɑ̃ɑ, bɑ kuɑ mɛn sinɑmbu. Mɑ ɑ bu nɔɔri bɑ wɑ̃ɑ doo nɔɔru sɔɔ.

Yeremi 29:19

Domi bɑ ǹ wi, Yinni Gusunɔn ɡɑri swɑɑ sue bɑɑ mɛ u rɑ n bu yi sɔ̃ɔmɔ sɑɑ win sɔmɔbun nɔɔn di. Wi, Yinni Gusunɔwɑ u yeni ɡeruɑ.

Yeremi 44:17

Sɑ ko kowɑ nɡe mɛ sɑ ɡeruɑ, su bũu wi bɑ mɔ̀ Asitɑɑte turɑre dɔ̃ɔ dokeɑ, kpɑ su mɑɑ nùn tɑm tɑ̃rɑ nɡe mɛ sɑ rɑ rɑɑ ko, bɛsɛ kɑ bɛsɛn bɑɑbɑbɑ, kɑ bɛsɛn sinɑmbu kɑ bɛsɛn wiruɡibu Yudɑn wusu sɔɔ kɑ Yerusɑlɛmun swɛɛ sɔɔ. Domi sɑɑ ye sɔɔrɑ sɑ rɑ wɑ su di su debu, sɑ n nuku dobu mɔ kpɑ sɑ kun wɑhɑlɑ ɡɑɑ wɑ.

Yeremi 44:4

Nɑ bɛɛ nɛn sɔmɔbu ɡɔriɑ sɑɑ yellun di bu kɑ bɛɛ sɔ̃, i ku sɑ̃ɑ kɔ̃su nini ko, ni nɛn tii nɑ tusɑ.

Esekiɛli 5:6

Mɑ yen tɔmbu bɑ mɑn seesi n kere bwese tuku ni nu kɑ bu sikerenɛ. Domi bɑ nɛn woodɑbɑ yinɑ. Bɑ ǹ nɛn ɡere swĩi.

Dɑniɛli 9:6

Sɑ ǹ wunɛn sɔmɔbu swɑɑ dɑki sɑnɑm mɛ bɑ bɛsɛn sinɑmbu kɑ bɛsɛn wiruɡibu kɑ bɛsɛn bɑɑbɑbɑ kɑ bɛsɛn tɔmbu kpuro wunɛn ɡɑri sɔ̃ɔwɑ.

Sɔ̃ɔsiru 31:21

Sɑɑ ye sɔɔ, wɑhɑlɑ kɑ nɔni swɑ̃ɑru ɡɑru tɑ̀ n mɑɑ seewɑ ben suunu sɔɔ, ben bibun bweseru tɑ koo womu ɡe yɑɑyɑ kpɑ ɡɑ n sɑ̃ɑ seedɑ. Nɑ ben ɡɔ̃run ɡɑri yɛ̃ sɑɑ tɛ̃n di n sere mɑm bu duusiɑ tem mɛ sɔɔ mɛ nɑ bu nɔɔ mwɛɛru kuɑ kɑ bɔ̃ri.