Nɛɛmi 9:13 - Bibeli Gusunɔn Gari

¹³ A sɑrɑmɑ sɑɑ wɔllun di, mɑ ɑ kɑ bu ɡɑri kuɑ Sinɑin ɡuurɔ. A bu woodɑ ɡeɑ kɑ sɔ̃ɔsi ɡeenu wɛ̃.

Nɛɛmi 9:13 ပူးပေါင်းရင်းမြစ်များ

Sinɑmbu II 17:37

I nɛn yiirebu kɑ nɛn woodɑbɑ kpuro ye nɑ bɛɛ wɛ̃ mɛm nɔɔwɔ bɑɑdommɑ. I ku rɑ bũnu ɡɑnu sɑ̃.

Womusu 119:137

Yinni Gusunɔ, ɑ sɑ̃ɑwɑ ɡemɡii. Wunɛn siribu bu rɑ n sɑ̃ɑwɑ dee dee.

Womusu 119:160

Gemɑ mu sɑ̃ɑ wunɛn ɡɑrin nuuru. Wunɛn woodɑbɑ kpuro bɑ kon sɑ̃ɑwɑ ɡem sere kɑ bɑɑdommɑɔ.

Womusu 119:4

A wunɛn woodɑbɑ kuɑwɑ bu kɑ ye swĩi dee dee.

Yɑribu 16:23

Mɑ u bu sɔ̃ɔwɑ u nɛɛ, Yinni Gusunɔ u ɡeruɑ u nɛɛ, siɑ tɔ̃ɔ wɛ̃rɑruɡirɑ te sɑ rɑ nùn derie, i sɔnwɔ ye i kĩ i sɔmɛ, kpɑ i yike ye i kĩ i yike. Kpɑ i sukum yi sere siɑ bururu.

Yɑribu 19:11

kpɑ bɑ n sɔɔru sɑ̃ɑ bɑ n kɑ sɔ̃ɔ itɑse mɑrɑ. Domi sɔ̃ɔ itɑse te sɔɔrɑ nɛ, Yinni Gusunɔ kon sɑrɑmɑ Sinɑin ɡuurɔ be kpuro bu kɑ mɑn wɑ.

Yɑribu 20:1

Yen biru Gusunɔ u ɡɑri yini kpuro ɡeruɑ u nɛɛ.

Yɑribu 20:22

Yinni Gusunɔ u Mɔwisi sɔ̃ɔwɑ u nɛɛ, ɑ Isirelibɑ sɔ̃ɔwɔ ɑ nɛɛ, bɛɛn tii i wɑ mɑ wɔllun diyɑ nɑ kɑ bu ɡɑri kuɑ.

Esɑi 64:1

Kɑɑ n sɑ̃ɑ nɡe dɔ̃ɔ wi u dɑ̃ɑ ɡbebɑ mwɑɑmɔ, ǹ kun mɛ wi u nim ɡbisisiɑmɔ, kpɑ wunɛn yibɛrɛbɑ bu ɡiɑ nɡe mɛ ɑ sɑ̃ɑ, kpɑ bu diiri wunɛn wuswɑɑɔ.

Esɑi 64:3

Sɑ ǹ ɡɑsɔ ɡoon ɡɑri nɔɔre. Wunɛ bɑɑsi, sɑ ǹ mɑɑ ɡoo wɑɑre wi u yen bweseru kuɑ win tɔn be bɑ nùn nɑɑnɛ sɑ̃ɑn sɔ̃.

Hɑbɑkuku 3:3

Gusunɔ, ɑ nɑ sɑɑ Edɔmun di. Wunɛ, Dɛɛro, ɑ nɑ Pɑrɑnin ɡuurun di. Wunɛn yiiko yɑ wɔllu yɑm bururɑsie. Mɑ tem kpuro mu nun siɑrɑmɔ.

Romu 7:16

Nɑ̀ n dɑ ko ye nɑ kun kĩ nɑ wurɑ mɑ woodɑ yɑ wɑ̃.

Sɔ̃ɔsiru 33:2

Yinni Gusunɔ u nɑ Sinɑin ɡuurun di nɡe dɔ̃ɔ wi u Seirin ɡuuru wukiri, mɑ u win tɔmbu yɑm bururɑsiɑ sɑɑ Pɑrɑnin ɡuurun di. Gusunɔn ɡɔrɑdobɑ dɑbi dɑbirɑ tɑ nùn yɔ̃sirimɑ. Mɑ u woodɑ nɛni win nɔm ɡeuɔ nɡe dɔ̃ɔ.

Sɔ̃ɔsiru 4:33

Bweseru ɡɑrɑ wɑ̃ɑ te Yinni Gusunɔ u kɑ ɡɑri koore dɔ̃ɔ yɑrɑ sɔɔn di nɡe bɛɛ mɑ tɑ wɑ̃ɑ tɑ wɑsi?

Sɔ̃ɔsiru 4:36

U derɑ i win nɔɔ nuɑ wɔllun di u kɑ bɛɛ sɔ̃ɔsinu wɛ̃ kpɑ i kɑ nùn mɛm nɔɔwɑ. U mɑɑ derɑ i dɔ̃ɔ wɑ temɔ mɑ u kɑ bɛɛ ɡɑri kuɑ wi sɔɔn di.

Sɔ̃ɔsiru 4:8

Bweseru ɡɑrɑ wɑ̃ɑ bɑɑ ni nu kpɑ̃ɑru bo sɔɔ tèn yiirebu kɑ ten woodɑbɑ bɑ sɑ̃ɑ dee dee nɡe woodɑ be nɑ bɛɛ wɛ̃ ɡisɔ?

Sɔ̃ɔsiru 5:4

Yinni Gusunɔ u kɑ bɛɛ ɡɑri kuɑ nɔni kɑ nɔni ɡuuru wɔllɔ sɑɑ dɔ̃ɔ yɑrɑ sɔɔn di.