Nɛɛmi 8:6 - Bibeli Gusunɔn Gari

⁶ Yerɑ u Gusunɔ Yinni boko siɑrɑ. Mɑ be kpuro bɑ nɔmɑ yiiyɑ bɑ nɛɛ, ɑmi, ɑmi! Mɑ bɑ kpunɑ temɔ bɑ Gusunɔ sɑ̃wɑ.

Nɛɛmi 8:6 ပူးပေါင်းရင်းမြစ်များ

Torubu 14:22

Aburɑmu u Sodomun sunɔ wisɑ u nɛɛ, nɑ nɔmu suɑ wɔllɔ nɑ bɔ̃ruɑ kɑ Gusunɔn yĩsiru, wi, wi u kpuro kere u mɑɑ wɔllu kɑ tem tɑkɑ kuɑ,

Torubu 24:26

Mɑ durɔ wi, u yiirɑ u Yinni Gusunɔ siɑrɑ u nɛɛ,

Bɑndun Gɑri I 16:36

Gusunɔ, Isirelibɑn Yinni, wunɑ bɑ ko n siɑrɑmɔ sere kɑ bɑɑdommɑɔ. Mɑ tɔmbu kpuro bɑ nɛɛ, ɑmi! I Yinni Gusunɔ siɑro.

Bɑndun Gɑri I 29:10

Dɑfidi u Yinni Gusunɔ siɑrɑ tɔn be bɑ mɛnnɛ mi kpuron wuswɑɑɔ. U nɛɛ, i Gusunɔ bɛsɛn sikɑdo Yɑkɔbun Yinni siɑro sere kɑ bɑɑdommɑɔ.

Bɑndun Gɑri I 29:20

Dɑfidi u mɑɑ tɔn be bɑ mɛnnɛ mi kpuro sɔ̃ɔwɑ u nɛɛ, i Gusunɔ bɛɛn Yinni siɑro. Mɑ be kpuro bɑ Gusunɔ ben sikɑdobɑn Yinni siɑrɑ, bɑ yiirɑ win wuswɑɑɔ kɑ mɑɑ sinɑ bokon wuswɑɑɔ.

Bɑndun Gɑri II 20:18

Yerɑ Yosɑfɑti kɑ Yudɑbɑ kpuro kɑ Yerusɑlɛmuɡibu bɑ yiirɑ bɑ wuswɑɑ tem ɡirɑri Yinni Gusunɔn wuswɑɑɔ bu kɑ nùn bɛɛrɛ wɛ̃.

Bɑndun Gɑri II 29:10

Tɛ̃, nɑ kĩ n kɑ Gusunɔ bɛsɛ Isirelibɑn Yinni ɑrukɑwɑni bɔke, kpɑ win mɔru ye, yu wɑ yu sure u sun deri.

Bɑndun Gɑri II 29:30

Yerɑ Esekiɑsi kɑ Yudɑbɑn wiruɡibu bɑ Lefibɑ sɔ̃ɔwɑ bɑ nɛɛ, bu Yinni Gusunɔ siɑro kɑ Dɑfidin womusu kɑ mɑɑ Asɑfun womusu. Mɑ bɑ Yinni Gusunɔ kpunɑ bɑ nùn sɑ̃wɑ kɑ nuku doo bɑkɑbu.

Bɑndun Gɑri II 6:4

U ɡeruɑ u nɛɛ, nɑ Gusunɔ Isirelibɑn Yinni siɑrɑ. Domi u win nɔɔ mwɛɛru yibiɑ te u Dɑfidi nɛn tundo kuɑ u nɛɛ,

Nɛɛmi 5:13

Yen biru nɑ nɛn yɑberu nɛnuɑ nɑ kpɑrɑ mɑ nɑ nɛɛ, wi u kun win nɔɔ mwɛɛru yibie, Gusunɔ u yɛ̃ro kpɑro nɡe mɛsum kpɑ u yɛ̃ro yɑrɑ win yɛnun di. U de yɛ̃ron dukiɑ yu doonɑ kpɑ u yɔ̃rɑ nɔm dirɑ. Mɑ be kpuro bɑ wurɑ bɑ nɛɛ, ɑmi, n yɛ̃ro koowo mɛsum. Mɑ be kpuro bɑ Yinni Gusunɔ siɑrɑ. Yen biru bɑ ben nɔɔ mwɛɛ ni yibiɑ.

Nɛɛmi 8:7

Ye bɑ seewɑ tem di, sɑɑ yerɑ Lefi beni, Yosue kɑ Bɑni kɑ Serebiɑ kɑ Yɑmini kɑ Akubu kɑ Sɑbetɑi kɑ Hodiyɑ kɑ Mɑseyɑ kɑ Kelitɑ kɑ Asɑriɑ kɑ Yosɑbɑdi kɑ Hɑnɑnu kɑ Pelɑyɑ, bɑ bu woodɑ ye tubusiɑmɔ.

Womusu 134:2

i bɛɛn nɔmɑ yiiyo win sɑ̃ɑ yerun berɑ ɡiɑ kpɑ i nùn siɑrɑ.

Womusu 141:2

A de nɛn kɑnɑru tu nun ɡirɑri nɡe turɑre nubu duroruɡiɑn wiisu. Kpɑ nɔmɑ ye nɑ yiiye yɑ n sɑ̃ɑ nɡe kɛ̃ru te bɑ rɑ kɑ nun nɑɑwɛ wunɛn sɑ̃ɑ yerɔ yokɑ.

Womusu 28:2

Nɑ̀ n nɔmɑ yiiyɑ nɑ kɑnɑru mɔ̀ sɑ̃ɑ yee dɛɛrɑ ten mi, ɑ nɛn kɑnɑru swɑɑ dɑkio.

Womusu 41:13

A mɑn kɔ̃su nɛn mɛm nɔɔbun sɔ̃. Mɑ ɑ derɑ nɑ wɑ̃ɑ wunɛn mi sere kɑ bɑɑdommɑɔ.

Womusu 63:4

Domi wunɛn tɔn ɡeeru tɑ ɡisɔn wɑ̃ɑru kere. Yen sɔ̃nɑ kon nun tɔmɑ kɑ womusu.

Womusu 95:3

Domi u kpɑ̃. U sɑ̃ɑ sinɑ boko wi u ye bɑ sɑ̃ɑmɔ kpuro kere.

Yɑribu 12:27

i ko bu wisi i nɛɛ, Gɔɔ sɑrɑribun yɑ̃kurɑ te sɑ kɑ Yinni Gusunɔ sɑ̃ɑmɔ, domi u bɛsɛ Isirelibɑn diɑ sɑrɑri, u ǹ sun ɡo sɑnɑm mɛ u Eɡibitiɡibu ɡoomɔ. Yen biru Isirelibɑ bɑ yiirɑ bɑ Gusunɔ sɑ̃wɑ.

Yɑribu 4:31

Yerɑ, bɑ nɑɑnɛ doke. Bɑ ɡiɑ mɑ Yinni Gusunɔ u wɑ nɡe mɛ bɑ bu nɔni sɔ̃ɔmɔ. Tɛ̃ u kĩ u bu fɑɑbɑ ko. Mɑ bɑ yiirɑ bɑ nùn sɑ̃wɑ.

Yeremi 28:6

u nɛɛ, ɑmi. Gusunɔ u de yu koorɑ nɡe mɛ ɑ ɡeruɑ. Kpɑ u de tɔn be kpuro bu wurɑmɑ Bɑbilonin di kɑ Yinni Gusunɔn sɑ̃ɑ yerun dendi yɑ̃ɑ ni.

Swĩi 3:41

Gusunɔ u wɑ̃ɑ wɔllɔ. I de su nɔmɑ yiiyɑ su nùn kɑnɑ.

Sɑ̃ɑrun Woodɑ 9:24

Mɑ dɔ̃ɔ yɑri yɑrɑ win wuswɑɑn di yi dɑ yi yɑ̃ku dɔ̃ɔ mwɑɑrɑruɡii te mwɑ kɑ yɑ̃ku ni nu tien yɑɑ ɡum mɛ. Mɑ Isirelibɑ kpuro bɑ ye wɑ. Mɑ bɑ nuku dobun kuuki wɔri bɑ yiirɑ sere temɔ.

Mɑteu 26:39

U kɑ bu tondinɑ mɑ u kpunɑ u kibɑri u kɑnɑru kuɑ u nɛɛ, nɛn Bɑɑbɑ, ǹ n ko n koorɑ, ɑ de wɑhɑlɑ ye, yu mɑn doonɑri. Adɑmɑ n ǹ mɔ nɡe mɛ nɑ kĩ mɑ n kun mɔ nɡe mɛ ɑ kĩ.

Mɑteu 6:13

A ku kɑ sun dɑ kɔkiribun berɑ ɡiɑ. Adɑmɑ ɑ sun wunɑ sɑɑ tɔn kɔ̃son nɔmun di. [Domi wunɑ ɑ bɑndu kɑ dɑm kɑ yiiko mɔ sere kɑ bɑɑdommɑɔ. Ami.]

Korinti I 14:16

À n Gusunɔ siɑrɑ kɑ hunde tɔnɑ, ɑmɔnɑ nɑɑnɛ dokeo diro u koo kɑ kpĩ u nɛɛ, ɑmi, wunɛn siɑrɑbun sɔ̃. U ǹ yɛ̃ ye ɑ ɡerumɔ.

Efesu 1:3

I de su Gusunɔ siɑrɑ bɛsɛn Yinni Yesu Kirisin Bɑɑbɑ. Bɛsɛ kɑ Kirisin ɡbinnɑɑn sɑɑbu u sun wɔllun domɑ bwese bwesekɑ kuɑ sɑɑ win Hunden min di.

Timɔte I 2:8

Yen sɔ̃nɑ nɑ kĩ bɑɑmɑ mi bɑ kɑnɑru mɔ̀ tɔn durɔbu bu tu ko bɑ n nɔmɑ ye yɑ dɛɛre sue wɔllɔ n kun kɑ mɔru n kun kɑ sikirinɔ.

Piɛɛ I 1:3

Su Gusunɔ siɑrɑ, bɛsɛn Yinni Yesu Kirisin Bɑɑbɑ. Win wɔnwɔn bɑkɑru sɔɔrɑ u sun mɑrɑ nɔn mɛɛruse Yesu Kirisin seebu ɡɔrin din sɔ̃ kpɑ sɑ n kɑ yĩiyɔ wɑ̃ɑruɡibu mɔ

Kɑ̃siru 7:11

Mɑ wɔllun ɡɔrɑdobɑ kpuro bɑ yɔ̃rɑ bɑ sinɑ kitɑ te kɑ ɡuro ɡuro be kɑ hunde koni nnɛ ye sikerenɛ. Yerɑ bɑ kpunɑ sinɑ kitɑ ten wuswɑɑɔ bɑ Gusunɔ sɑ̃ɑmɔ