Nɛɛmi 6:14 - Bibeli Gusunɔn Gari

¹⁴ Yinni Gusunɔ, ɑ de ɑ n yɑɑye ye Tobiyɑ kɑ Sɑmbɑlɑ kɑ Gusunɔn sɔmɔ Nɔɑdiɑ tɔn kurɔ wi, bɑ kuɑ kɑ sere Gusunɔn sɔmɔ be bɑ tie bɑ kɑsu bu mɑn bɛrum tiɑ.

Nɛɛmi 6:14 ပူးပေါင်းရင်းမြစ်များ

Nɛɛmi 13:29

Yinni Gusunɔ, ɑ ku bu duɑri. Domi bɑ wunɛn sɑ̃ɑ yeru disi doke. Mɑ bɑ ǹ ɑrukɑwɑni yibie ye yɑ̃ku kowobu kɑ Lefibɑ bɑ kɑ nun bɔkuɑ.

Nɛɛmi 5:19

Yinni Gusunɔ, ɑ mɑn yɑɑyo ye nɑ tɔn be kuɑn sɔ̃, kpɑ ɑ kɑ mɑn nɔnu ɡeu mɛɛri.

Womusu 137:7

Yinni Gusunɔ, ɑ de ɑ Edɔmubɑn ɡɑri yɑɑyɑ yi bɑ ɡeruɑ sɑnɑm mɛ bɑ Yerusɑlɛmu kɑm koosiɑmɔ bɑ nɛɛ, bu ye kɛro mɑm mɑm sere kɑ yen kpɛɛkpɛɛkuɔ.

Womusu 22:1

Dɑfidin womu ɡe u wom kowobun wiruɡii kuɑ. U nɛɛ,

Womusu 63:1

Dɑfidin womu. U ɡu kuɑwɑ sɑnɑm mɛ u wɑ̃ɑ Yudɑn ɡbɑburɔ. Ge wee.

Yɑribu 15:20

Yen biruwɑ Aronin sesu Mɑriɑmu wi u sɑ̃ɑ Gusunɔn sɔmɔ, u bɑrɑ kpɑ̃ru suɑ mɑ tɔn kurɔbu kpuro bɑ nùn swĩi bɑ bɑrɑ kpɑ̃nu soomɔ bɑ yɑɑmɔ.

Yeremi 14:15

Yen sɔ̃, sɔmɔ be nɑ ǹ ɡɔre mi, bɑ kɑ tɔmbu sɔ̃ɔmɔ bɑ mɔ̀, bɑ ǹ tɑbu wɑsi ben temɔ, ɡɔ̃ɔrɑ kun duɔ mi, kon de bu ɡbi tɑbu sɔɔ, kɑ ɡɔ̃ɔrun sɔ̃.

Yeremi 14:18

Nɑ̀ n yɑrɑ nɑ dɑ yɑkɑsɔ, nɑ rɑ tɔn be bɑ ɡo tɑbu sɔɔn ɡonu wɑwɑ nu kpĩ. Nɑ̀ n mɑɑ wurɑmɑ wuuɔ, kpɑ n deemɑ tɔmbɑ bɑrɔ ɡɔ̃ɔrun sɑɑbu. Gusunɔn sɔmɔbu kɑ yɑ̃ku kowobu bɑ rɑ n den sirenɛwɑ tem mɛ sɔɔ. Bɑ ǹ yɛ̃ ye bɑ mɔ̀.

Yeremi 28:1

Sedesiɑsin bɑndun wɔ̃ɔ nnɛse te sɔɔ, yen suru nɔɔbuse sɔɔ, Hɑnɑniɑ, Asurin bii, wi u sɑ̃ɑ Gusunɔn sɔmɔ Gɑbɑoniɔ, u kɑ Yeremi ɡɑri kuɑ yɑ̃ku kowobu kɑ tɔmbu kpuron wuswɑɑɔ, Yinni Gusunɔn sɑ̃ɑ yerɔ.

Yeremi 28:10

Yerɑ Gusunɔn sɔmɔ Hɑnɑniɑ u Yeremi suɡu ye wunɑ mɑ u ye bɔɔkɑ.

Yeremi 28:15

Yerɑ Yeremi u Hɑnɑniɑ sɔ̃ɔwɑ u nɛɛ, ɑ swɑɑ dɑkio ɑ nɔ, Yinni Gusunɔ kun nun ɡɔre. Kɑ mɛ, ɑ dɑ ɑ tɔmbu ɡɑri weesuɡii sɔ̃ɔwɑ, mɑ bɑ yi nɑɑnɛ kuɑ.

Mɑteu 24:11

Sɔmɔ weesuɡii dɑbirɑ koo yɑrimɑ bu tɔn dɑbinu nɔni wɔ̃ke.

Mɑteu 24:24

Domi Kirisi weesuɡibu kɑ Gusunɔn sɔmɔ weesuɡibɑ koo yɑri. Bɑ koo yĩre bɑkɑnu kɑ sɔm mɑɑmɑɑkiɡiɑ ko bu kɑ tɔmbu nɔni wɔ̃ke, kɑ mɑm be Gusunɔ u ɡɔsɑ, ǹ n ko n koorɑ.

Mɑteu 7:15

Yesu u mɑɑ nɛɛ, i lɑɑkɑri koowo kɑ sɔmɔ weesuɡibu. Yɑ̃ɑ ɡɔnɑ bɑ rɑ n tii pote, bu kɑ nɑ bɛɛn mi, ɑdɑmɑ sɔɔwɔ bɑ sɑ̃ɑwɑ nɡe dɛmɑkunu ni nu kɑsu nu ɡo nu tem.

Timɔte II 3:8

Nɡe mɛ Yɑnɛsi kɑ Yɑmbɛsi bɑ kɑ Mɔwisi kinɛnu kuɑ, nɡe mɛyɑ tɔn be, bɑ mɑɑ kɑ ɡem kinɛnu mɔ̀, bɑ ǹ mɑɑ biti mɔ kɔ̃sɑn bwisikunun sɔ̃. Bɑ ǹ ɡɑru koorɔ nɑɑnɛ dokebu sɔɔ.

Yohɑnu I 5:16

Goo ù n wɑ win beruse u torɑmɔ te tɑ kun sɑ̃ɑ ɡɔɔɡiru, u kɑnɑru koowo. Gusunɔ u koo bu wɑ̃ɑru wɛ̃ be bɑ torɑmɔ te tɑ kun sɑ̃ɑ ɡɔɔɡiru. Adɑmɑ torɑru ɡɑrɑ wɑ̃ɑ te tɑ rɑ ɡɔɔ mɑ. Nɑ ǹ ɡerumɔ ɡoo u kɑnɑru ko ten sɔ̃.

Kɑ̃siru 19:20

Bɑ ɡbeeku yɑɑ ye mwɑ kɑ sɔmɔ weesuɡii wi sɑnnu, wi u rɑɑ sɔm mɑɑmɑɑkiɡinu kuɑ ɡbeeku yɑɑ yen nɔni biru. Win sɔm mɑɑmɑɑkiɡinun sɔ̃nɑ u bu nɔni wɔ̃kuɑ be bɑ rɑɑ ɡbeeku yɑɑ yen yĩreru mɔ, mɑ bɑ yen weenɑsiɑ sɑ̃wɑ. Bɑ ɡbeeku yɑɑ ye kɑ sɔmɔ weesuɡii wi kpɛ̃ɛ wɑsi wɑsiru dɔ̃ɔ bweru sɔɔ, wi u mwɑɑrɑmɔ kɑ sɔ̃ɔ bisu.