Nɛɛmi 5:5 - Bibeli Gusunɔn Gari

⁵ Adɑmɑ bɛsɛ kpuro sɑ sɑ̃ɑwɑ bwese teeru. Bɛsɛn bibu kɑ ben bibu tiɑ yerɑ. Adɑmɑ bɑ sun tilɑsi mɔ̀ su kɑ bɛsɛn bibu yoru kpɛ̃ɛ. Bɛsɛn bii wɔndiɑ dɑbiru tɑ mɑm wɑ̃ɑ yoo te sɔɔ kɔ. Sɑ ǹ mɑɑ kpɛ̃ su ɡɑ̃ɑnu ko domi wee bɑ bɛsɛn ɡbeɑ kɑ bɛsɛn resɛm ɡbɑɑnu tɔrubɑ mwɑ.

Nɛɛmi 5:5 ပူးပေါင်းရင်းမြစ်များ

Torubu 29:14

Yerɑ Lɑbɑni u nɛɛ, kɑ ɡem nɛ kɑ wunɛ yɛm temɑ. Mɑ Yɑkɔbu u sinɑ Lɑbɑnin mi suru tiɑ.

Torubu 37:27

I nɑ su dɑ su nùn Isimɛɛlibɑ dɔre, su ku nùn nɔmɑ doke. U sɑ̃ɑwɑ bɛsɛn yɛm domi bɛsɛn wɔnɔwɑ. Mɑ bɑ win ɡɑri wurɑ.

Sinɑmbu II 4:1

Sɔ̃ɔ teeru kurɔ ɡoo u nɑ Eliseen mi. N deemɑ win durɔ u rɑɑ wɑ̃ɑwɑ Gusunɔn sɔmɔn bwɑ̃ɑbu wuuru sɔɔ. Yerɑ kurɔ wi, u Elisee nɔɔɡiru sue u nɛɛ, wee nɛn durɔ wi u sɑ̃ɑ wunɛn sɔm kowo u ɡu. A mɑɑ yɛ̃ mɑ u Yinni Gusunɔ nɑsie. Yerɑ u durɔ ɡoon dibu nɛni. Durɔ wiyɑ u nɑ u nɛn bibu yiru mwɑ. U bu kuɑ yobu.

Mɔnnu 22:7

Gobiɡiiwɑ u rɑ n sɑ̃ɑro nɔmɑ sikerenɛ. Wi u mɑɑ bɔkurɑmɔ u sɑ̃ɑwɑ wi u nùn bɔkurɑmɔn yoo.

Esɑi 50:1

Yinni Gusunɔ u mɑɑ nɛɛ, bɛɛ Yudɑbɑ, mɑnɑ tirerɑ wɑ̃ɑ te tɑ sɔ̃ɔsimɔ mɑ nɑ bɛɛn mɛro Yerusɑlɛmu yinɑ. Bèn dibu nɑ nɛni, ben wɑrɑ nɑ bɛɛ wɛ̃. Sɑri. Bɛɛn durum sɔ̃nɑ nɑ bɛɛ dɔrɑ. Bɛɛn torɑnun sɔ̃nɑ nɑ mɑɑ bɛɛn mɛro yinɑ.

Esɑi 58:7

I bɛɛn dĩɑnu bɔnu koowo kɑ wi u kun mɔ u di, kpɑ i be bɑ kun wɑ̃ɑ yeru mɔ nɛnɛ bɛɛn yɛnuɔ. Ì n ɡoo wɑ u sĩimɔ tereru, i nùn yɑ̃nu wɛ̃ɛyɔ u sebe, kpɑ i ku mɑɑ bɛɛn winsim biru kisi.

Mɑteu 18:25

Wee, durɔ wi kun ɡɑ̃ɑnu mɔ u kɑ dii bi kɔsiɑ. Mɑ win yinni nɛɛ bu nùn dɔro kɑ win kurɔ kɑ win bibu kɑ ye u mɔ kpuro bu kɑ dii bi kɔsiɑ.