Nɛɛmi 5:4 - Bibeli Gusunɔn Gari

⁴ Gɑbɑ mɑɑ ɡerumɔ bɑ mɔ̀ sɑ ɡobi bɔkurɑwɑ bɛsɛn ɡbeɑn dĩɑnu sɔɔ su kɑ wɑ su Bɑbilonin sinɑ bokon wɔ̃ɔ ɡobi kɔsiɑ.

Nɛɛmi 5:4 ပူးပေါင်းရင်းမြစ်များ

Ɛsidɑrɑsi 4:13

Yen sɔ̃, ɑ n yɛ̃ mɑ bɑ̀ n wuu ɡen ɡbɑ̃rɑru seeyɑ, bɑ ǹ mɑɑ wɔ̃ɔ ɡobi kɔsiɑmɔ ǹ kun mɛ ɡbererun ɡobi. Yen biru wunɛn ɑrumɑni ye ɑ rɑ rɑɑ wɑ yɑ koo kɑɑrɑwɑ.

Ɛsidɑrɑsi 4:20

Yerusɑlɛmu mi, sinɑm dɑmɡibɑ bɑ bɑndu di mɑ bɑ beri min tem kpuro mɔ. Mɑ sinɑmbu ɡɑbu bɑ rɑ bu wɔ̃ɔ ɡobi kɑ ɡbere ɡobi kɔsie.

Ɛsidɑrɑsi 7:24

Yen biru, sɑ ɡbere mwɑɔbu nɔɔsiɑmɔ bu ku rɑɑ yɑ̃ku kowo be ɡbere ɡobi mwɑɑri kɑ wom kowo be, kɑ Lefi be, kɑ sɑ̃ɑ yerun kɔnnɔn kɔ̃so be, kɑ sere mɑɑ yoo be, tɔn be bɑ ɡesi sɑrɔ mi kpuro, bɑ sɑ̃ɑ yee ten sɔmburu dɔɔ.

Nɛɛmi 5:3

Gɑbɑ mɑɑ ɡerumɔ bɑ mɔ̀, sɑ bɛsɛn ɡbeɑ kɑ bɛsɛn resɛm ɡbɑɑnu kɑ mɑm bɛsɛn diɑ tɔrubɑ yiimɔ su kɑ ɑlikɑmɑ wɑ ɡɔ̃ɔrun sɑɑ.

Nɛɛmi 9:37

Dĩɑ ɡee ni, nu kuɑ sinɑm be bɑ sun yoru diisiɑmɔɡinu. Bɑ sun mɔ bɛsɛ kɑ bɛsɛn yɑɑ sɑbenu. Bɑ kɑ sun mɔ̀ nɡe mɛ bɑ kĩ bɛsɛn durum sɔ̃. Mɑ sɑ wɑ̃ɑ nuku sɑnkirɑ bɑkɑnu sɔɔ.

Mɔnnu 22:7

Gobiɡiiwɑ u rɑ n sɑ̃ɑro nɔmɑ sikerenɛ. Wi u mɑɑ bɔkurɑmɔ u sɑ̃ɑwɑ wi u nùn bɔkurɑmɔn yoo.

Yosue 16:10

Efɑrɑimubɑ bɑ ǹ Kɑnɑnibɑ ɡire be bɑ wɑ̃ɑ Gesɛɛɔ. Bɑ bu deriwɑ ben suunu sɔɔ bɑ yoo sɔmɑ koosiɑmɔ sere kɑ ɡisɔn ɡisɔ.