Nɛɛmi 5:13 - Bibeli Gusunɔn Gari

¹³ Yen biru nɑ nɛn yɑberu nɛnuɑ nɑ kpɑrɑ mɑ nɑ nɛɛ, wi u kun win nɔɔ mwɛɛru yibie, Gusunɔ u yɛ̃ro kpɑro nɡe mɛsum kpɑ u yɛ̃ro yɑrɑ win yɛnun di. U de yɛ̃ron dukiɑ yu doonɑ kpɑ u yɔ̃rɑ nɔm dirɑ. Mɑ be kpuro bɑ wurɑ bɑ nɛɛ, ɑmi, n yɛ̃ro koowo mɛsum. Mɑ be kpuro bɑ Yinni Gusunɔ siɑrɑ. Yen biru bɑ ben nɔɔ mwɛɛ ni yibiɑ.

Nɛɛmi 5:13 ပူးပေါင်းရင်းမြစ်များ

Sinɑmbu II 23:3

Yerɑ sinɑ boko u dɑ u yɔ̃rɑ mi u rɑ yɔ̃re, u nɔɔ mwɛɛ teni kuɑ Yinni Gusunɔn wuswɑɑɔ. U nɛɛ, kon Yinni Gusunɔ swĩiwɑ kpɑ n win woodɑbɑ kɑ win yiirebu kɑ ye u ɡeruɑ kpuro mɛm nɔɔwɑ kɑ nɛn ɡɔ̃ru kpuro. Kpɑ n wɑ n tire tenin ɡɑri nɛnɛ. Mɑ tɔn ben tii bɑ wurɑ mɛ.

Bɑndun Gɑri I 16:36

Gusunɔ, Isirelibɑn Yinni, wunɑ bɑ ko n siɑrɑmɔ sere kɑ bɑɑdommɑɔ. Mɑ tɔmbu kpuro bɑ nɛɛ, ɑmi! I Yinni Gusunɔ siɑro.

Nɛɛmi 8:6

Yerɑ u Gusunɔ Yinni boko siɑrɑ. Mɑ be kpuro bɑ nɔmɑ yiiyɑ bɑ nɛɛ, ɑmi, ɑmi! Mɑ bɑ kpunɑ temɔ bɑ Gusunɔ sɑ̃wɑ.

Womusu 119:106

Nɑ bɔ̃ruɑ nɑ sire nɑ nɛɛ, kon wunɛn sɔ̃ɔsiru mɛm nɔɔwɑ, domi tɑ sɑ̃ɑwɑ dee dee.

Womusu 50:14

Ye n burɑm bo, yerɑ i nɛ Gusunɔ bɛɛn Yinni siɑrɑ. Kpɑ i bɛɛn nɔɔ mwɛɛnu yibiɑ ni i mɑn kuɑ.

Womusu 76:11

Bɑɑ tɔnun mɔru yɑ̀ n seewɑ, wunɛn yiikowɑ yɑ koo sɔ̃ɔsirɑ. Be bɑ mɑɑ yɑrɑ wunɛn mɔrun di, bɑ koo yen tɔ̃ɔ bɑkɑru diwɑ.

Mɔnnu 28:4

Be bɑ Gusunɔn woodɑ yinɑ, tɔn kɔ̃sobɑ bɑ dɑm kɛ̃mɔ, ɑdɑmɑ be bɑ ye mɛm nɔɔwɑmmɛ bɑ tɔn kɔ̃sobu yinɑmɔwɑ.

Wɑɑsu kowo 5:5

A ku de wunɛn nɔɔ mwɛɛ te, tu nun torɑsiɑ, kpɑ ɑ yɑ̃ku kowo sɔ̃ ɑ nɛɛ, ɑ ǹ dɑɑ kɑ bɑɑruwɑ. Mbɑn sɔ̃nɑ kɑɑ de wunɛn ɡɑrin sɔ̃ Gusunɔn mɔru yu se kpɑ u wunɛn sɔmburu kɑm koosiɑ.

Gbɑburu 5:22

Gusunɔ u de nim mɛ mu kɑ bɔ̃ri nɑɑmɔ mi, mu du wunɛn nukurɔ kpɑ wunɛn nuku te, tu mɔsi, kpɑ wunɛn mɑrutuu ɡu ɡberɑ. Sɑɑ ye sɔɔrɑ, kurɔ wi, u koo ɡere u nɛɛ, ɑmi!

Mɑteu 10:14

Wuu ɡɑɡu ǹ kun mɛ yɛnu ɡɑɡun tɔmbu bɑ̀ n mɑɑ yinɑ bu bɛɛ dɑm koosiɑ, bu sere bɛɛn ɡɑri swɑɑ dɑki, i doonɔ min di kpɑ i bɛɛn nɑɑsun tuɑ bu kpɑre.

Gɔrobun Kookoosu 13:51

Gɔro be, bɑ bu ben nɑɑsun tuɑ kpɑre, mɑ bɑ doonɑ Ikonimuɔ.

Gɔrobun Kookoosu 18:6

Adɑmɑ ye bɑ nùn siki bɑ nùn ɡɑri kɔ̃si ɡerusi, Pɔlu u bu win yɑberun tuɑ kpɑre u nɛɛ, bɑ̀ n kɑm kuɑ ben tiin tɑɑrɛwɑ, n ǹ wi Pɔlu wɑ. U mɑɑ nɛɛ, sɑɑ ɡisɔn di wi, u koo dɑ u tɔn tukobu wɑɑsu kuɑ.

Korinti I 14:16

À n Gusunɔ siɑrɑ kɑ hunde tɔnɑ, ɑmɔnɑ nɑɑnɛ dokeo diro u koo kɑ kpĩ u nɛɛ, ɑmi, wunɛn siɑrɑbun sɔ̃. U ǹ yɛ̃ ye ɑ ɡerumɔ.

Sɑmuɛli I 15:28

Sɑmuɛli u nùn sɔ̃ɔwɑ u nɛɛ, Yinni Gusunɔ u nun Isirelibɑn bɑndu wɔrɑri ɡisɔ u tu ɡoo wɛ̃ wi u nun sɑnɔ kere.