Nɛɛmi 4:14 - Bibeli Gusunɔn Gari

¹⁴ Yen sɔ̃, ì n kɔbɑn swĩi nuɑ, i mɛnnɑmɑ nɛn mi berɑ ɡee i yen swĩi yi nuɑ. Gusunɔ bɛsɛn Yinni u koo sun sɑnnɑ.

Nɛɛmi 4:14 ပူးပေါင်းရင်းမြစ်များ

Sɑmuɛli II 10:12

A de ɑ n wɔruɡɔru mɔ, kpɑ su sɑnnɑ kɑ hɑniɑ bɛsɛn tɔmbu kɑ wuu si Yinni Gusunɔ u sun wɛ̃n sɔ̃, kpɑ win tii u sun kuɑ nɡe mɛ u kĩ.

Bɑndun Gɑri II 32:7

bu tii dɑm kɛ̃ɛyɔ kpɑ bu wɔruɡɔru sɔ̃ɔsi. Bu ku bɛrum ko bu diiri Asirin sinɑ boko kɑ win tɔn dɑbi ten wuswɑɑɔ. Domi be bɑ kɑ bu wɑ̃ɑ bɑ dɑbi n kere be bɑ kɑ nùn wɑ̃ɑ.

Nɛɛmi 1:5

Yinni, wunɛ wi ɑ wɑ̃ɑ wɔllɔ, ɑ kpɑ̃. A dɑm kpuro mɔ. A rɑ wunɛn ɑrukɑwɑni yibie be bɑ nun mɛm nɔɔwɑmmɛn mi, kpɑ ɑ be bɑ nun kĩ wɔnwɔndu kuɑ.

Yoobu 37:22

Sɑɑ ye sɔɔrɑ yɑm bururɑm mu koo nɑ sɑɑ sɔ̃ɔ yɛ̃sɑn nɔm ɡeu ɡiɑn di, kpɑ mu n nùn sikerenɛ kɑ nɑnum bɑkɑm.

Womusu 143:5

Nɑ ɡɑsɔn wɑ̃ɑru yɑɑye. Nɑ wunɛn sɔmɑ kpuro lɑsɑbu mɔ̀, mɑ nɑ wunɛn nɔmɑn sɔmburu bwisikumɔ.

Womusu 20:7

Tɛ̃, nɑ yɛ̃ mɑ wunɑ ɑ sinɑ boko ɡɔsɑ, ɑ rɑ mɑɑ nùn somi. Wunɑ ɑ rɑ win kɑnɑru nɔ sɑɑ wɔllun di, kpɑ ɑ nùn nɑsɑrɑ wɛ̃ kɑ wunɛn dɑm bɑkɑm.

Womusu 27:1

Dɑfidin womu. Yinni Gusunɔwɑ u rɑ nɛn swɑɑ yɑm bururɑsie, u mɑn fɑɑbɑ mɔ̀. Nɑ ǹ ɡoon bɛrum mɔ. Yinni Gusunɔ u sɑ̃ɑwɑ nɛn kuku yeru. Nɑ ǹ ɡɑ̃ɑnun bɛrum mɔ.

Womusu 46:11

U nɛɛ, i yɔ̃ro, kpɑ i ɡiɑ mɑ wiyɑ Gusunɔ. U bɑndu dii bwesenu kpuro sɔɔ, kɑ tem kpuro sɔɔ.

Womusu 65:5

Doo nɔɔruɡiiwɑ wi ɑ ɡɔsɑ u nun susi u wɑ̃ɑ wunɛn sɑ̃ɑ yerɔ. Wunɛn wɑ̃ɑ yerun nuku dobu koo de su debu wunɛn sɑ̃ɑ yee dɛɛrɑrɔ.

Womusu 66:3

kpɑ i nùn sɔ̃ mɑ win sɔmɑ yɑ nɑnum mɔ, domi win dɑm mu kpɑ̃. Yen sɔ̃nɑ win yibɛrɛbɑ bɑ nùn wiru kpĩiyɑmmɛ.

Womusu 66:5

I nɑ i Gusunɔn sɔmɑ mɛɛri ye u kuɑ. U nɑnum mɔ ù n sɔmburu mɔ̀ tɔmbun suunu sɔɔ.

Yɑribu 14:14

I yɔ̃ro sɛ̃ɛ, Yinni Gusunɔwɑ u koo bɛɛ sɑnnɑ.

Yɑribu 14:25

U derɑ ben kɛkɛbɑn nɑɑsu wɔɔrɑmɔ, bɑ kpɑnɑ bu sĩ fuuku. Mɑ bɑ nɛɛ, su duki ɡɔsirɑ Isirelibɑn min di, domi Yinni Gusunɔ u kɑ sun sɑnnɑmɔwɑ ben sɔ̃.

Wɑɑsu kowo 12:1

Ǹ n mɛn nɑ, ɑ wunɛn tɑkɑ kowo yɑɑyo wunɛn ɑluwɑɑsirun sɑɑ sɔɔ, nuku sɑnkirɑnun tɔ̃ru tu sere nɑ tè sɔɔ kɑɑ nɛɛ, ɑ ǹ mɑɑ wɑ̃ɑru kĩ.

Dɑniɛli 11:32

U koo tɔmbu nɔni wɔ̃ke be bɑ Yinni Gusunɔn ɑrukɑwɑni ye deri. Adɑmɑ tɔn be bɑ Yinni Gusunɔ yɛ̃, bɑ ko n yɔ̃wɑ dim dim ben dɑɑ ɡeɑ sɔɔ.

Sɑkɑri 14:3

Sɑɑ ye sɔɔrɑ Yinni Gusunɔ u koo tii sɔ̃ɔsi kpɑ u kɑ bwese ni tɑbu ko nɡe mɛ u rɑ ko tɑbu sɔɔ.

Gbɑburu 14:9

Yen sɔ̃, i ku nùn seesi, kpɑ i ku tɔn ben bɛrum ko. Domi bɑ koo kowɑ nɡe bɛsɛn dĩɑnu. Ben bũnu kun bu kɔ̃sumɔ. Adɑmɑ Yinni Gusunɔ u ko n kɑ sun wɑ̃ɑ. I ku ben bɛrum ko.

Mɑteu 10:28

I ku bu nɑsiɑ be bɑ koo wɑsi tɔnɑ ɡo, be bɑ ǹ kpɛ̃ bu hunde ɡo. Adɑmɑ i yɛ̃ro nɑsio wi u koo kpĩ u wɑsi kɑ hunde ɡo sɑnnu dɔ̃ɔ wi u ku rɑ ɡbi sɔɔ.

Sɔ̃ɔsiru 1:21

I mɛɛrio wee, Gusunɔ bɛsɛn Yinni u bɛɛ tem mɛ nɔmu bɛriɑ. I seewo kpɑ i mu mwɑ nɡe mɛ wi, bɛsɛn bɑɑbɑbɑn Yinni u bɛɛ sɔ̃ɔwɑ. I ku bɛrum ko. I de i n wɔruɡɔru mɔ.

Sɔ̃ɔsiru 10:17

Domi u sɑ̃ɑwɑ wɔllun Yinni kɑ yinnibun Yinni. U kpɑ̃, u dɑm mɔ, mɑ u nɑnum mɔ. U ku rɑ ɡoon nɔnu mɛɛri, u ku rɑ mɑɑ nɔm birɑn kɛ̃ru mwɛ.

Heberu 13:6

Yen sɔ̃nɑ sɑ ko kpĩ su tororu so su nɛɛ, “Yinni Gusunɔwɑ sɑ̃ɑ wi u koo mɑn somi. Nɑ ǹ ɡɑ̃ɑnu ɡɑnun bɛrum mɔ. Mbɑ tɔnu koo kpĩ u mɑn kuɑ.”

Yosue 1:9

A yɑɑyo mɑ nɑ nun yiire nɑ nɛɛ, ɑ n wɔruɡɔru mɔ. A ku de wunɛn tororu tu kɑrɑ, domi nɛ Gusunɔ wunɛn Yinni ko nɑ n wɑ̃ɑ kɑ wunɛ bɑɑmɑ mi ɑ dɔɔ.

Kpɑrobu 3:27

Ye u turɑ mi, u tɑbu kɔbɑ so Efɑrɑimun ɡuunɔ. Mɑ Isirelibɑ kpuro bɑ sɑrɑmɑ bɑ kɑ nùn tɑɑ bi dɑ, u bu swɑɑ ɡbiiye.