Nɛɛmi 3:21 - Bibeli Gusunɔn Gari

²¹ Sɑɑ min di, Mɛremɔtu, Urin bii, Hɑkɔtun debubuwɑ u mɑɑ bɑnɑ sɑɑ Eliɑsibun dirun kɔnnɔn di sere kɑ dii ten berɑ ɡiɔ.

Nɛɛmi 3:21 ပူးပေါင်းရင်းမြစ်များ

Bɑndun Gɑri I 4:8

Kɔsiwɑ u Anubu kɑ Sobebɑ mɑrɑ. Hosi win min diyɑ Akɑɑkɛli, Hɑrumun biin bwese tɔ̃kɑ yɑ yɑrɑ.

Ɛsidɑrɑsi 2:61

Yɑ̃ku kowobu sɔɔ, ɡɑbɑ ben bweserun tɔ̃kɑ kɑsu bɑ biɑ, mɑ bɑ bu yɑrɑ yɑ̃ku sɔmburun di. Berɑ, Hɑbɑyɑn bweseru kɑ Hɑkɔtuɡiru kɑ Bɑɑsilɑiɡiru. Bɑ bwese te sokɑ Bɑɑsilɑi yèn sɔ̃ ben sikɑdo u Bɑɑsilɑi Gɑlɑdiɡiin bii wɔndiɑ suɑ kurɔ.

Ɛsidɑrɑsi 8:33

Sɔ̃ɔ nnɛse sɑ sii ɡee si, kɑ wurɑ ye, kɑ sere mɑɑ dendi yɑ̃ɑ ni yĩirɑ Gusunɔ bɛsɛn Yinnin sɑ̃ɑ yerɔ. Mɑ bɑ ye Mɛremɔtu, Uri yɑ̃ku kowon bii nɔmu sɔndiɑ kɑ Eleɑsɑɑ Finɛɛsin bii kɑ sere mɑɑ Lefi beni, Yosɑbɑdi, Yosuen bii kɑ Nɔɑdiɑ, Binuin bii.

Nɛɛmi 3:1

Yerɑ yɑ̃ku kowo tɔnwero Eliɑsibu u seewɑ kɑ yɑ̃ku kowo be bɑ tie, bɑ kɔnnɔ ɡe bɑ mɔ̀ Yɑ̃ɑnun ɡɑni seeyɑ. Mɑ bɑ yi sɑ̃rɑsiɑ bɑ yi nɛnɛm kɑ yɑ̃ku yɑ̃ki. Yen biruwɑ bɑ yen ɡɑmbobɑ doke. Sɑɑ min di, bɑ mɑɑ ɡbɑ̃rɑru sɔnwɑ Mɛɑn kɔ̃su yerun di sere n kɑ ɡirɑri kɔ̃su yee te bɑ mɔ̀ Hɑnɑnɛɛliɔ. Mɑ bɑ mɑɑ ten tii sɑ̃rɑsiɑ.

Nɛɛmi 3:20

Win bɔkuɔ Bɑruku, Sɑbɑin bii u mɑɑ suɑ min di u bɑnɑ sɑɑ ɡoo ɡɔmkii ten min di n kɑ ɡirɑri yɑ̃ku kowo tɔnwero Eliɑsibun dii kɔnnɔwɔ. U sɔmbu te kuɑ kɑ kĩru.

Nɛɛmi 3:22

Win bɔkuɔ yɑ̃ku kowo be bɑ wɑ̃ɑ Yerusɑlɛmun bɑru kpɑɑnɔ bɑ mɑɑ beɡiɑ bɑnɑ.

Nɛɛmi 3:4

Ben bɔkuɔ Mɛremɔtu, Urin bii, Hɑkɔtun debubu, u mɑɑ somi sɔmbu te sɔɔ. Ben bɔkuɔ mɑɑ Mɛsulɑmu, Berekiɑn bii, Mɛsesɑbɛlin debubu u mɑɑ somi sɔmbu te sɔɔ. Ben bɔkuɔ, Sɑdɔku, Bɑɑnɑn bii u mɑɑ somi sɔmbu te sɔɔ.

Nɛɛmi 7:63

Yɑ̃ku kowobu sɔɔ, ɡɑbɑ mɑɑ wɑ̃ɑ be bɑ ǹ kpĩɑ bɑ ben bweserun tɔ̃kɑ wunɑnɛ. Berɑ Hobɑyɑn bibun bweseru kɑ Hɑkɔtuɡiru kɑ Bɑɑsilɑiɡiru. Bɑ bwese te sokɑ Bɑɑsilɑi yèn sɔ̃ ben sikɑdo u Bɑɑsilɑi Gɑlɑdiɡiin bii wɔndiɑ suɑ kurɔ.