Nɛɛmi 3:1 - Bibeli Gusunɔn Gari

¹ Yerɑ yɑ̃ku kowo tɔnwero Eliɑsibu u seewɑ kɑ yɑ̃ku kowo be bɑ tie, bɑ kɔnnɔ ɡe bɑ mɔ̀ Yɑ̃ɑnun ɡɑni seeyɑ. Mɑ bɑ yi sɑ̃rɑsiɑ bɑ yi nɛnɛm kɑ yɑ̃ku yɑ̃ki. Yen biruwɑ bɑ yen ɡɑmbobɑ doke. Sɑɑ min di, bɑ mɑɑ ɡbɑ̃rɑru sɔnwɑ Mɛɑn kɔ̃su yerun di sere n kɑ ɡirɑri kɔ̃su yee te bɑ mɔ̀ Hɑnɑnɛɛliɔ. Mɑ bɑ mɑɑ ten tii sɑ̃rɑsiɑ.

Nɛɛmi 3:1 ပူးပေါင်းရင်းမြစ်များ

Nɛɛmi 12:10

Yosuewɑ u Yoyɑkimu mɑrɑ. Mɑ Yoyɑkimu u seewɑ u Eliɑsibu mɑrɑ. Mɑ Eliɑsibu u seewɑ u Yoyɑdɑ mɑrɑ.

Nɛɛmi 12:30

Yɑ̃ku kowobu kɑ Lefibɑ bɑ tii dɛɛrɑsiɑ. Mɑ bɑ mɑɑ tɔmbu kɑ kɔnnɔsu kɑ ɡbɑ̃rɑru dɛɛrɑsiɑ.

Nɛɛmi 12:39

kɑ kɔnnɔ ɡe bɑ mɔ̀ Efɑrɑimuɔ kɑ kɔnnɔwɔ ɡe bɑ sokumɔ Tɔkɔ sere kɑ kɔnnɔwɔ ɡe bɑ mɔ̀ Swɛ̃ɛ kɑ wuu kɔ̃su yee te bɑ mɔ̀ Hɑnɑnɛɛlin bɔkuɔ kɑ te bɑ mɔ̀ Mɛɑn bɔkuɔ sere kɑ kɔnnɔwɔ ɡe bɑ mɔ̀ Yɑ̃ɑnu.

Nɛɛmi 13:28

Yoyɑdɑn bii turo, Eliɑsibu wi u sɑ̃ɑ yɑ̃ku kowo tɔnweron debubu, wiyɑ u sɑ̃ɑ Sɑmbɑlɑ Horoniɡiin biin durɔ. Yen sɔ̃nɑ nɑ nùn ɡirɑ nɛn min di.

Nɛɛmi 13:4

N deemɑ bɑ rɑɑ yɑ̃ku kowo Eliɑsibu ɡɔsɑ u kɑ Gusunɔ bɛsɛn Yinnin sɑ̃ɑ yerun diɑ ye bɑ ɡɔri ɡɔrin sɔmburu ko. Eliɑsibu wi, u sɑ̃ɑwɑ Tobiyɑn dusi.

Nɛɛmi 3:20

Win bɔkuɔ Bɑruku, Sɑbɑin bii u mɑɑ suɑ min di u bɑnɑ sɑɑ ɡoo ɡɔmkii ten min di n kɑ ɡirɑri yɑ̃ku kowo tɔnwero Eliɑsibun dii kɔnnɔwɔ. U sɔmbu te kuɑ kɑ kĩru.

Nɛɛmi 3:21

Sɑɑ min di, Mɛremɔtu, Urin bii, Hɑkɔtun debubuwɑ u mɑɑ bɑnɑ sɑɑ Eliɑsibun dirun kɔnnɔn di sere kɑ dii ten berɑ ɡiɔ.

Nɛɛmi 3:32

Wurɑn sɔm kowo be, kɑ tenku be, bɑ mɑɑ sɔnwɑ dii tɛɛrɑ yen min di sere n kɑ dɑ kɔnnɔwɔ ɡe bɑ mɔ̀ Yɑ̃ɑnu.

Nɛɛmi 6:1

Sɑmbɑlɑ kɑ Tobiyɑ kɑ Gesɛmu wi u sɑ̃ɑ Dɑɑrubu kɑ sere bɛsɛn yibɛrɛ be bɑ tie bɑ nuɑ mɑ sɑ ɡbɑ̃rɑ te kpuro sɔnwɑ, ten ɡɑmbobɑrɑ bɑ tie.

Nɛɛmi 7:1

Sɑnɑm mɛ sɑ ɡbɑ̃rɑ te bɑnɑ sɑ kpɑ sɑ ten ɡɑmbobɑ doke, yerɑ sɑ be bɑ rɑ kɔnnɔsu kɔ̃su doke ben sɔmɑ sɔɔ kɑ sere mɑɑ wom kowobu kɑ Lefi be bɑ tie.

Womusu 30:1

Womu ɡe Dɑfidi u kuɑ bu kɑ Yinni Gusunɔn sɑ̃ɑ yeru wukiɑ. U nɛɛ,

Womusu 48:12

Be bɑ wɑ̃ɑ Siɔnin ɡuurɔ, bɑ nuku dobu mɔ̀. Yudɑn tɔmbu bɑ yɛ̃ɛrimɔ wunɛn siri bi ɑ kuɑn sɔ̃.

Mɔnnu 3:6

A de ɑ n win bwisikunu mɔ wunɛn kookoosu kpuro sɔɔ, kpɑ u wunɛn swɑɑ sɔmɛ.

Mɔnnu 3:9

Ye ɑ mɔ kpuro sɔɔ, ɑ ɡbiiyo ɑ Yinni Gusunɔ win bɔnu wɛ̃. Nɡe mɛyɑ kɑɑ kɑ nùn bɛɛrɛ wɛ̃.

Yeremi 31:38

Wee sɑɑ yɑ sisi yè sɔɔ bɑ koo mɑn bɛɛrɛ wɛ̃ bu Yerusɑlɛmu bɑni sɑɑ Hɑnɑnɛɛlin di sere n kɑ dɑ wuun ɡbɑ̃rɑrun kɔnnɔwɔ ɡe bɑ mɔ̀ ɡɑni ɡɔmburun kɔnnɔ.

Dɑniɛli 9:25

Ǹ n mɛn nɑ, ɑ bwisikuo kpɑ ɑ tubu. Sɑɑ mìn di bɑ woodɑ wɛ̃ bu Yerusɑlɛmu sɔmɛ bu bɑni, sere wiruɡii wi Gusunɔ u ɡɔsɑ u kɑ nɑ, yɑ koo kowɑ sɑɑ nɔɔbɑ yirun nɔn nɔɔbɑ yiru. Yen biru, bɑ koo yen swɛɛ sɔmɛ kɑ yen ɡbɑ̃rɑru sɑɑ nɔɔbɑ yirun non wɑtɑ kɑ yiru sɔɔ. Sɑɑ ye, yɑ ko n sɑ̃ɑwɑ wɑhɑlɑn sɑɑ.

Sɑkɑri 14:10

Isirelibɑn tem kpuro mu koo ɡɔsiɑ wɔwɑ sɑɑ Gebɑn di sɔ̃ɔ yɛ̃sɑn nɔm ɡeu ɡiɑ n kɑ dɑ Rimɔɔwɔ Yerusɑlɛmun sɔ̃ɔ yɛ̃sɑn nɔm dwɑru ɡiɑ. Sɑɑ ye sɔɔ, Yerusɑlɛmu yɑ koo yĩsiru yɑri kpɑ yɑ n wɑ̃ɑ yen ɑyerɔ. Yɑ ko n wɑ̃ɑwɑ sɑɑ kɔnnɔ ɡe bɑ mɔ̀ Bɛnyɑmɛɛn di, n kɑ dɑ kɔnnɔ ɡbiikuuɔ, sere kɑ kɔnnɔwɔ ɡe bɑ mɔ̀ ɡɑni ɡɔmbunu. Sɑɑ mɑɑ kɔ̃su yee te bɑ mɔ̀ Hɑnɑnɛɛlin di, n kɑ ɡirɑri sinɑ bokon resɛm ɡɑmɑ yerɔ.

Yohɑnu 5:2

Yɛru ɡɑɡɑ wɑ̃ɑ wuu ɡe sɔɔ, yɑ̃ɑnun duu yerun bɔkuɔ, ɡɑ kɔnnɔsu nɔɔbu mɔ. Gen yĩsirɑ Bɛtisɑtɑ kɑ Heberum.

Sɔ̃ɔsiru 20:5

Yen biru be bɑ rɑ tɑbu kowobu mwɛɛri, bɑ koo bikiɑ bu nɛɛ, bɛɛ sɔɔ, wɑrɑ u yɛnu kpɔɔ bɑnɑ mɑ u ǹ ɡinɑ wure ɡe sɔɔ. Yɛ̃ro u de u wurɑ yɛnuɔ, kpɑ u ku ɡbi tɑɑ bi sɔɔ ɡoo u du win yɛnu ɡe sɔɔ.