Nɛɛmi 13:7 - Bibeli Gusunɔn Gari

⁷ Wɔ̃ɔ ɡen kpeeru sɔɔ, sinɑ boko u wurɑ n ɡɔsirɑmɑ Yerusɑlɛmuɔ. Ye nɑ tunumɑ, yerɑ nɑ wɑ kɔ̃sɑ ye Eliɑsibu u kuɑ ye u kɑ Tobiyɑ diru wɛ̃ Yinni Gusunɔn sɑ̃ɑ yerun yɑɑrɑɔ.

Nɛɛmi 13:7 ပူးပေါင်းရင်းမြစ်များ

Bɑndun Gɑri I 3:24

Be bɑ mɑɑ sɑ̃ɑ Elionɑin bibu, berɑ Hodɑfiɑ, kɑ Eliɑsibu, kɑ Pelɑyɑ, kɑ Akubu, kɑ Yokɑnɑni, kɑ Delɑyɑ, kɑ Anɑni. Bɑ mɑɑ sɑ̃ɑwɑ mi be nɔɔbɑ yiru.

Ɛsidɑrɑsi 9:1

Ye bɑ dii te bɑnɑ bɑ kpɑ, Isirelibɑn wiruɡibu bɑ mɑn susi bɑ nɛɛ, wee Isirelibɑ kɑ yɑ̃ku kowobu kɑ sere Lefibɑ bɑ ǹ kɑ tem min tɔn be kɑrɑnɛ, domi bɑ Kɑnɑnibɑn komɑ kɑmɡinu sɑɑrimɔ kɑ Mɛdibɑɡinu kɑ Feresibɑɡinu kɑ Yebusibɑɡinu kɑ Amɔnibɑɡinu kɑ Mɔɑbubɑɡinu kɑ Eɡibitiɡibun bũnu kɑ Amɔrebɑɡinu.

Nɛɛmi 13:1

Sɑɑ ye sɔɔ, bɑ ɡɑrɑ woodɑn tire te Mɔwisi u yoruɑ sɔɔ Isirelibɑ kpuron wuswɑɑɔ mɑ bɑ deemɑ bɑ yoruɑ bɑ nɛɛ, n ǹ koorɔ Amɔnibɑ kɑ Mɔɑbubɑ bɑ n wɑ̃ɑ Gusunɔn tɔmbu Isirelibɑn suunu sɔɔ.

Nɛɛmi 13:5

Yerɑ u nùn dii bɑkɑru ɡɔsiɑ mi bɑ rɑ rɑɑ kɛ̃nu yi kɑ turɑre kɑ sɑ̃ɑ yerun dendi yɑ̃nu kɑ yɑ̃ku kowobun dĩɑ ni bɑ rɑ bu wɛ̃ kɑ ɑlikɑmɑn bɔnu tiɑ ye bɑ mwɑ wɔkuru bɑɑteren wɔllɔ kɑ tɑm kpɑmɡiɑ kɑ ɡumɡiɑ kɑ dĩɑ ni bɑ rɑ Lefibɑ kɑ wom kowobu kɑ kɔnnɔn kɔ̃sobu wɛ̃.

Swĩi 1:10

Wee, bɑ nɛn ɡɑ̃ɑ ɡee ni nɑ mɔ ɡurɑ. Wee, bwese tuku ni ɑ yinɑ nu n wɑ̃ɑ kɑ wunɛn tɔmbu sɑnnu, nu duɑ wunɛn sɑ̃ɑ yerɔ.

Korinti I 1:11

Domi Kolowen tɔmbu bɑ mɑn sɔ̃ɔwɑ mɑ sikirinɔsu wɑ̃ɑ bɛɛn suunu sɔɔ nɛɡibu.