Nɛɛmi 13:15 - Bibeli Gusunɔn Gari

¹⁵ Yen wɑɑti ye sɔɔ, nɑ tɔmbu wɑ Yudɑn temɔ bɑ resɛm ɡɑmɑmɔ tɔ̃ɔ wɛ̃rɑruɡiru sɔɔ, mɑ ɡɑbɑ doo bɔkunu duusiɑmɔ mɑ ɡɑbɑ kɛtɛkunu tɑm sɔbimɔ kɑ resɛm kɑ dɑ̃ɑ mɑrum mɛ bɑ mɔ̀ fiɡie kɑ mɑɑ sɔmunu ɡɑnu bɑ kɑ nɑɑmɔ Yerusɑlɛmuɔ. Mɑ nɑ bu kirɔ kuɑ bu ku ɡɑ̃ɑnu dɔrɑ tɔ̃ɔ te.

Nɛɛmi 13:15 ပူးပေါင်းရင်းမြစ်များ

Bɑndun Gɑri II 24:19

Yinni Gusunɔ u bu win sɔmɔbu ɡɔriɑ bu wɑ bu kɑ ɡɔ̃ru ɡɔsiɑ bu wurɑmɑ win mi. Mɑ sɔmɔ be, bɑ kɑ bu ɡɑri kuɑ. Adɑmɑ bɑ ǹ swɑɑ dɑki.

Nɛɛmi 10:31

Bɑ nɛɛ, bɑ ǹ mɑɑ ben bii wɔndiɑbɑ tɔn tukobu wɛ̃ɛmɔ bu suɑ kurɔbu. Mɛyɑ ben ɑluwɑɑsibɑ bɑ ǹ mɑɑ tɔn tukobun bii wɔndiɑbɑ suɑmɔ kurɔbu.

Nɛɛmi 10:32

Mɛyɑ bɑ ǹ mɑɑ ɡɑ̃ɑnu dwemɔ tɔ̃ɔ wɛ̃rɑruɡiru kɑ tɔ̃ɔ bɑkɑnun sɑɑ sɔɔ tɔn tukobu bɑ̀ n kɑ kiɑru nɑ. Bɑ koo mɑɑ tɔmbu yoru kɑrɑ wɔ̃ɔ nɔɔbɑ yiruse sɔɔ kpɑ bɑ kun ɡɑ̃ɑnu kɔsie.

Nɛɛmi 13:16

Tiriɡii be bɑ mɑɑ wɑ̃ɑ mi, bɑ rɑ kɑ swɛ̃ɛ kɑ kiɑ dɑbinu nɛ bu Yudɑbɑ kɑ Yerusɑlɛmuɡibu dɔre sɑnɑm wɛ̃rɑɡim sɔɔ.

Nɛɛmi 13:21

Mɑ nɑ bu kirɔ kuɑ nɑ nɛɛ, mbɑn sɔ̃nɑ bɑ kpunɑ wuun tɔɔwɔ ɡbɑ̃rɑrun biruɔ. Nɑ mɑɑ bu sɔ̃ɔwɑ nɑ nɛɛ, bɑ̀ n mɑɑ yen bweseru kuɑ, kon bu nɔmɑ doke. Sɑɑ yen dɔmɑ ten di, bɑ ǹ mɑɑ nɑɑre tɔ̃ɔ wɛ̃rɑruɡiru sɔɔ.

Nɛɛmi 9:29

Yen biru, ɑ bu kirɔ kuɑ bu wunɛn woodɑbɑ mɛm nɔɔwɑ. Adɑmɑ bɑ tii suɑ bɑ ǹ ye mɛm nɔɔwɛ, bɑɑ mɛ yerɑ yɑ rɑ tɔnu wɑ̃ɑru wɛ̃ wi u ye mɛm nɔɔwɑ. Bɑ swɑɑ tɑɑyɑwɑ bɑ ye yinɑ mɑm mɑm.

Yoobu 39:12

Kɑɑ nɑɑnɛ ko yu nun wunɛn dĩɑnu ɡurɑmɑ yu kɑ dɑ doo soo yerɔ?

Womusu 50:7

Yinni Gusunɔ u nɛɛ, i swɑɑ dɑkio bɛɛ nɛn tɔmbu Isirelibɑ. Nɑ kon bɛɛ sɔ̃ mɑ nɛnɑ nɑ sɑ̃ɑ bɛɛn Yinni.

Yɑribu 31:12

Yinni Gusunɔ u kpɑm Mɔwisi sɔ̃ɔwɑ u nɛɛ,

Yɑribu 31:16

A de bɛɛ Isirelibɑ i n tɔ̃ɔ wɛ̃rɑruɡii ten woodɑ mɛm nɔɔwɑmmɛ, sere kɑ bɛɛn bibun bweserɔ, domi ɑrukɑwɑni ye, yɑ ko n wɑ̃ɑwɑ sere kɑ bɑɑdommɑɔ.

Yɑribu 34:21

Alusumɑ sɔɔ, sɔ̃ɔ nɔɔbɑ tiɑ i ko sɔmburu ko, kpɑ i wɛ̃rɑ sɔ̃ɔ nɔɔbɑ yiruse, bɑɑ ǹ n duurubun sɑɑn nɑ, ǹ kun mɛ ɡɛ̃ɛbun sɑɑ.

Yɑribu 35:2

Alusumɑ tiɑ sɔɔ, sɔ̃ɔ nɔɔbɑ tiɑ sɑ ko n dɑ bɛsɛn sɔmɑ kpuro ko. Adɑmɑ sɔ̃ɔ nɔɔbɑ yiruse yɑ ko n sɑ̃ɑwɑ tɔ̃ɔ wɛ̃rɑruɡiru te sɑ ko Yinni Gusunɔ deriɑ. Yen sɔ̃, bɛsɛn wi u sɔmburu kuɑ te sɔɔ, bɑ koo yɛ̃ro ɡowɑ.

Mɔnnu 28:4

Be bɑ Gusunɔn woodɑ yinɑ, tɔn kɔ̃sobɑ bɑ dɑm kɛ̃mɔ, ɑdɑmɑ be bɑ ye mɛm nɔɔwɑmmɛ bɑ tɔn kɔ̃sobu yinɑmɔwɑ.

Esɑi 58:13

Yinni Gusunɔ u nɛɛ, ì n tii nɛnuɑ i kun sɔmburu kue, mɑ i bɛɛn tiin kĩru deri i kɑ tɔ̃ɔ wɛ̃rɑruɡirun woodɑ mɛm nɔɔwɑ, mɑ i mɑn bɛɛrɛ wɛ̃ i nɛn tɔ̃ɔ dɛɛrɑ te ɡɑrisi tɔ̃ɔ duroru, mɑ i kun ɡɑri bɛkɛ sɑɑre,

Yeremi 17:24

Adɑmɑ be, bɑ̀ n mɑn swɑɑ dɑki kɑ ɡem, mɑ bɑ ǹ sɔmunu ɡɑnu duusie Yerusɑlɛmun kɔnnɔsun di tɔ̃ɔ wɛ̃rɑruɡiru sɔɔ, mɑ bɑ tɔ̃ɔ te yi nɛ, Yinni Gusunɔn sɔ̃, mɑ bɑ ǹ sɔmburu ɡɑru kue te sɔɔ,

Yeremi 17:27

Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.

Yeremi 42:19

U mɑɑ nɛɛ, i ku Eɡibiti dɑ, bɛɛ be i tie Yudɑbɑn bweseru sɔɔ. I de i n yɛ̃ mɑ u bɛɛ ye yinɑriwɑ ɡisɔ.

Esekiɛli 20:13

Adɑmɑ be Isirelibɑ bɑ mɑn seesi ɡbɑburɔ bɑ ǹ nɛn woodɑbɑ kɑ nɛn ɡere mɛm nɔɔwɛ ye bɑ̀ n swĩi bɑ ko n wɑ̃ɑru mɔ. Mɛyɑ bɑ ǹ mɑɑ nɛn tɔ̃ɔ wɛ̃rɑruɡiru mɛm nɔɔwɛ sere nɑ bwisikɑ n kɑ bu mɔru ko n bu kpeerɑsiɑ ɡbɑburɔ.

Amɔsu 8:5

I mɔ̀, dommɑ suru kpɑon tɔ̃ɔ bɑkɑrɑ koo kpe. Kpɑ su wɑ su bɛsɛn ɑlikɑmɑ dɔrɑ. Dommɑ tɔ̃ɔ wɛ̃rɑruɡirɑ koo kpe, kpɑ su wɑ su bɛsɛn birɑnu wukiɑ. Sɑ ko sɑkɑku kɑwɑ, kpɑ su yen ɡobi sosi. Sɑ ko kilo ɡɔsiɑ su kɑ tɔmbu ɡbɛni. Kpɑ su doo sĩinu dɔrɑ.

Misee 6:3

Bɛɛ Isirelibɑ, bɛɛ nɛn tɔmbu, kɔ̃sɑ mbɑ nɑ bɛɛ kuɑ. Mɑ sɔɔrɑ nɑ derɑ i wɑsirɑ. I mɑn wisio.

Gɔrobun Kookoosu 2:40

Kɑ kpɑm ɡɑri dɑbinɑ Piɛɛ u bu seedɑ diiyɑ mɑ u bu dɑm kɑ̃ u nɛɛ, i tii wunɔ tɛ̃n tɔn kɔ̃sobun min di kpɑ i fɑɑbɑ wɑ.

Gɔrobun Kookoosu 20:21

Nɑ Yuubɑ kɑ mɑɑ Gɛrɛkibɑ sɔ̃ɔwɑ nɑ nɛɛ, bu yɑrio torɑnun di bu wurɑ Gusunɔn mi kpɑ bu bɛsɛn Yinni Yesu Kirisi nɑɑnɛ doke.

Gɑlɑti 5:3

Nɛn seedɑ wee ye nɑ dimɔ kpɑm. Bɑɑwure wi u derɑ bɑ nùn bɑnɡo kuɑ, nɑ yɛ̃ro sɔ̃ɔmɔ u koo woodɑ kpuro mɛm nɔɔwɑwɑ.

Efesu 4:17

Wee ye nɑ bɛɛ sɔ̃ɔmɔ kɑ Yinnin yĩsiru. I ku mɑɑ de i n sĩimɔ nɡe tɔn tukobu be bɑ ben bwisiku kɑmɡinu swĩi.

Sɔ̃ɔsiru 8:19

Ì kun Gusunɔ bɛsɛn Yinni mɛm nɔɔwɛ, mɑ i nùn duɑri, i dɑ i bũnu yiirɑmmɛ i sɑ̃ɑmɔ, nɑ bɛɛ sɔ̃ɔmɔ nɑ siremɔ ɡisɔ, i ko i kpeerɑwɑ nɡe mɛ u bwese ni kpeerɑsiɑ bɛsɛn wuswɑɑɔ.

Tɛsɑlonikɑ I 4:6

Gɑri yini sɔɔ, n ǹ weenɛ ɡoo u win kpɑɑsi torɑri ǹ kun mɛ u nùn tɑki di. Sɑ bɛɛ yenin kirɔ kuɑ kɔ, sɑ bɛɛ sɔ̃ɔwɑ mɑ Yinniwɑ u koo yen mɔru kɔsiɑ.