Nɛɛmi 13:10 - Bibeli Gusunɔn Gari

¹⁰ Nɑ mɑɑ nuɑ mɑ bɑ ku rɑ Lefibɑ ben bɔnu wɛ̃. Mɑ Lefi be, kɑ wom kowo be bɑ koo sɑ̃ɑru ko mi, bɑ sɔmburu deri, ben bɑɑwure u dɑ u wɑ̃ɑ win temɔ.

Nɛɛmi 13:10 ပူးပေါင်းရင်းမြစ်များ

Bɑndun Gɑri II 31:4

Yerɑ u Yerusɑlɛmuɡibu sɔ̃ɔwɑ u nɛɛ, bu yɑ̃ku kowobu kɑ Lefibɑ ben bɑɑ wɛ̃ɛyɔ, kpɑ bu kpĩ bu Yinni Gusunɔn woodɑbɑ mɛm nɔɔwɑ sɑ̃ɑ sɑ̃ɑ.

Nɛɛmi 10:37

kɑ bɛsɛn bii ɡbiikobu kɑ sere mɑɑ bɛsɛn yɑɑ sɑbenun bii ɡbiikinu nɡe mɛ bɑ yoruɑ woodɑn tireru sɔɔ.

Nɛɛmi 10:39

Yɑ̃ku kowo wi u sɑ̃ɑ Aronin bweseru wiyɑ u koo Lefibɑ yɔ̃siri sɑnɑm mɛ bɑ koo wɔkuru bɑɑteren wɔllɔn tiɑ tiɑ ye mwɑ. Kpɑ Lefi ben tii bu mɑɑ kɑ ye bɑ mwɑ min wɔkuru bɑɑteren wɔllɔn tiɑ tiɑ nɑ Gusunɔ ben Yinnin sɑ̃ɑ yerɔ diru mi bɑ rɑ ɑrumɑni bere.

Nɛɛmi 12:47

Sorobɑbɛli kɑ Nɛɛmin wɑɑti sɔɔ, Isirelibɑ kpuro bɑ rɑ wom kowobu kɑ sɑ̃ɑ yerun kɔnnɔn kɔ̃sobu kɑ Lefibɑ ben dĩɑnu wɛ̃wɑ tɔ̃ɔ bɑɑtere. Kpɑ Lefi be, bu mɑɑ Aronin bibun bweseru wɛ̃ ye yɑ sɑ̃ɑ beɡiɑ.

Esɑi 43:23

N ǹ nɛ i yɑ̃ku dɔ̃ɔ mwɑɑrɑruɡinu kuɑmmɛ kɑ bɛɛn yɑ̃ɑnu. Yɑ̃ku ni i rɑ mɑɑ ko mi, nu ǹ mɑn bɛɛrɛ wɛ̃ɛmɔ. N ǹ nɛn sɔ̃ i ɡobi bɛkɛ di i kɑ turɑre dɔ̃ɔ doke. N ǹ mɑɑ nɛ i kɑ yɑɑ ɡum nɑɑwɑmmɛ ì n yɑ̃kuru mɔ̀ mu sere mɑn tusi. N ǹ nɛ nɑ bɛɛ tilɑsi kuɑ i n dɑ kɑ mɑn kɛ̃nu nɑɑwɛ. Mɛyɑ nɑ ǹ mɑɑ bɛɛ tɔ̃yɑ kue i kɑ mɑn turɑre dɔ̃ɔ dokeɑ. Adɑmɑ i mɑn wɑhɑlɑ kpɛ̃ɛwɑ bɛɛn durum sɔ̃, mɑ nɑ wɑsirɑ bɛɛn torɑnun sɔ̃.

Mɑlɑsi 3:8

Mɑ nɑ bikiɑ nɑ nɛɛ, tɔnu u rɑ nɛ Gusunɔ nɔni wɔ̃ke? Domi wee, i mɑn nɔni wɔ̃kumɔ. Mɑ i ɡerumɔ i mɔ̀, yen yere sɔɔrɑ sɑ nun nɔni wɔ̃kumɔ. Mɑ nɑ wisɑ nɑ nɛɛ, kɛ̃nu wɛ̃ɛbu sɔɔ kɑ tiɑ tiɑ ye i rɑ mɑn wɛ̃ wɔkuru bɑɑteren wɔllɔ.

Gbɑburu 35:2

ɑ Isirelibɑ sɔ̃ɔwɔ bu wusu ɡɔsi ben tem sɔɔ bu Lefibɑ wɛ̃ mi bɑ ko n wɑ̃ɑ kɑ sere mɑɑ kpɑrɑ yenu.

Sɔ̃ɔsiru 12:19

I n tii sɛ sɑɑ kpuro ye i ko i n wɑ̃ɑ bɛɛn tem mɛ sɔɔ kpɑ i ku rɑ Lefibɑ biru kisi.