Nɛɛmi 11:3 - Bibeli Gusunɔn Gari

³ Isirelibɑn berin wiruɡibu bɑ dɑ bɑ sinɑ Yerusɑlɛmuɔ mɑ Isireli be bɑ tie kɑ yɑ̃ku kowobu kɑ Lefibɑ kɑ Nɛtinibɑ kɑ sere Sɑlomɔɔn sɔm kowobun bibu bɑ dɑ bɑ sinɑ Yudɑn temɔ ben wusɔ.

Nɛɛmi 11:3 ပူးပေါင်းရင်းမြစ်များ

Ɛsidɑrɑsi 2:1

Isireli be Nɛbukɑnɛsɑɑ Bɑbilonin sinɑ boko u yoru mwɛɛrɑ u kɑ dɑ Bɑbiloniɔ ben dɑbirɑ wurɑmɑ Yerusɑlɛmuɔ Yudɑɔ mɑ ben bɑɑwure u dɑ u sinɑ win wuuɔ.

Ɛsidɑrɑsi 2:43

Be bɑ wɑ̃ɑ Nɛtinin bweseru sɔɔ, ben sikɑdobɑrɑ Sisɑ, kɑ Hɑsufɑ kɑ Tɑbɑɔtu

Ɛsidɑrɑsi 2:70

Yɑ̃ku kowobu kɑ Lefibɑ kɑ Isireli be bɑ tie kɑ wom kowobu kɑ be bɑ rɑ kɔnnɔsu kɔ̃su kɑ Nɛtinibɑ, be kpuro bɑ sinɑwɑ ben wusɔ mi bɑ rɑɑ wɑ̃ɑ, Isirelibɑ kpuro ɡesi.

Nɛɛmi 11:20

Isireli be bɑ tie, kɑ yɑ̃ku kowobu kɑ Lefibɑ bɑ dɑ bɑ sinɑwɑ Yudɑn wusu kpuro sɔɔ, ben bɑɑwure u wɑ̃ɑ win temɔ.

Nɛɛmi 11:4

Yudɑbɑ kɑ Bɛnyɑmɛɛbɑ ɡɑbɑ bɑ sinɑ Yerusɑlɛmuɔ. Be bɑ sɑ̃ɑ Yudɑbɑ berɑ Atɑyɑ kɑ Mɑɑseyɑ, Osiɑsin bii. Atɑyɑ u sɑ̃ɑwɑ Sɑkɑrin debubu. Win sikɑdobɑrɑ Sɑkɑri kɑ Amɑriɑ kɑ Sefɑtiɑ kɑ Mɑhɑlɑlɛɛli kɑ Perɛsi. Mɑɑseyɑ u mɑɑ sɑ̃ɑwɑ Bɑrukun bii. Win sikɑdobɑrɑ Kolohose kɑ Hɑsɑyɑ kɑ Adɑyɑ kɑ Yoyɑribu kɑ Sɑkɑri kɑ Siloni.

Nɛɛmi 7:39

Wee tɔn be bɑ wɑ̃ɑ yɑ̃ku kowobun bweseru sɔɔ. Yosuen bweseru sɔɔ, Yedɑyɑn yɛnuɡibu bɑ sɑ̃ɑwɑ nɛnɛ kɑ wunɑɑ wɑtɑ kɑ wɔkurɑ itɑ (973)

Nɛɛmi 7:43

Lefibɑn wuuru sɔɔ, be bɑ sɑ̃ɑ Yosue kɑ Kɑdimiɛlin bweseru, Hodifɑn sikɑdominu, bɑ sɑ̃ɑwɑ tɔmbu wɑtɑ kɑ wɔkurɑ nnɛ (74).

Nɛɛmi 7:46

Nɛtinibɑn bweseru sɔɔ, be bɑ rɑ sɑ̃ɑ yerun sɔmburu ko ben sikɑdobɑrɑ Sihɑ kɑ Hɑsufɑ kɑ Tɑbɑɔtu

Nɛɛmi 7:6

Tɔn be Bɑbilonin sinɑ boko Nɛbukɑnɛsɑɑ u yoru mwɛɛrɑ u kɑ dɑ win mi, ben dɑbiru tɑ wurɑmɑ Yerusɑlɛmuɔ Yudɑn temɔ. Mɑ ben bɑɑwure u dɑ win wuuɔ.

Nɛɛmi 7:7

Wee be bɑ tɔn be kpɑrɑmɑ. Berɑ Sorobɑbɛli kɑ Yosue kɑ Nɛɛmi kɑ Asɑriɑ kɑ Rɑmiɑ kɑ Nɑkɑmɑni kɑ Mɑɑdose kɑ Bilisɑni kɑ Misipɑɑ kɑ Biɡifɑi kɑ Nɛhumu kɑ Bɑɑnɑ. Tɔn ben ɡeeru kɑ ben bwese kɛrin yĩsɑ wee.