Nɛɛmi 10:34 - Bibeli Gusunɔn Gari

³⁴ Kɛ̃ɛ ni, nu ko n sɑ̃ɑwɑ ni bɑ koo kɑ pɛ̃ɛ dwe Yinni Gusunɔn yɑ̃ku ninin sɔ̃. Niyɑ, yɑ̃ku dɔ̃ɔ mwɑɑrɑruɡinu kɑ yɑ̃ku ni bɑ rɑ ko tɔ̃ɔ wɛ̃rɑruɡiru sɔɔ kɑ yɑ̃ku ni bɑ rɑ ko tɔ̃ɔ bɑɑtere kɑ ni bɑ rɑ ko suru kpɑo ù n yɑrɑ kɑ yɑ̃kunu ɡɑnu kɑ sere torɑrun yɑ̃kunu. Kɛ̃ɛ niyɑ nu koo mɑɑ somi bu kɑ sɑ̃ɑ yerun sɔmɑ bɑɑyere ko.

Nɛɛmi 10:34 ပူးပေါင်းရင်းမြစ်များ

Bɑndun Gɑri I 24:5

Bɑ bu bɔnu kuɑwɑ kɑ tɛtɛ. Domi be bɑ sɑ̃ɑ sɑ̃ɑ yerun wiruɡibu kɑ Yinni Gusunɔn sɑ̃ɑrun wiruɡibu, be kpuro bɑ sɑ̃ɑwɑ Eleɑsɑɑ kɑ Itɑmɑɑn bibun bweseru.

Bɑndun Gɑri I 24:7

Wuuru kɑ wuurun wiruɡii be bɑ ɡɔsɑ kɑ tɛtɛ, ben yĩsɑ wee. Yehoyɑribuwɑ u sɑ̃ɑ ɡbiikoo. Mɑ Yedɑyɑ u sɑ̃ɑ yiruse. Mɑ Hɑrimu u sɑ̃ɑ itɑse. Mɑ Seorimu u sɑ̃ɑ nnɛse. Mɑ Mɑɑkiyɑ u sɑ̃ɑ nɔɔbuse. Mɑ Miyɑmini u sɑ̃ɑ nɔɔbɑ tiɑse. Mɑ Hɑkɔtu u sɑ̃ɑ nɔɔbɑ yiruse. Mɑ Abiyɑ u sɑ̃ɑ nɔɔbɑ itɑse. Mɑ Yosue u sɑ̃ɑ nɔɔbɑ nnɛse. Mɑ Sekɑniɑ u sɑ̃ɑ wɔkuruse. Mɑ Eliɑsibu u sɑ̃ɑ wɔkurɑ tiɑse. Mɑ Yɑkimu u sɑ̃ɑ wɔkurɑ yiruse. Mɑ Hupɑ u sɑ̃ɑ wɔkurɑ itɑse. Mɑ Yesebɑbu u sɑ̃ɑ wɔkurɑ nnɛse. Mɑ Biliɡɑ u sɑ̃ɑ wɔkurɑ nɔɔbuse. Mɑ Imɛri u sɑ̃ɑ wɔkurɑ nɔɔbu kɑ tiɑse. Mɑ Hesiri u sɑ̃ɑ wɔkurɑ nɔɔbu kɑ yiruse. Mɑ Hɑpisɛsi u sɑ̃ɑ wɔkurɑ nɔɔbu kɑ itɑse. Mɑ Petɑhiɑ u sɑ̃ɑ wɔkurɑ nɔɔbu kɑ nnɛse. Mɑ Esekiɛli u sɑ̃ɑ yɛnduse. Mɑ Yɑkini u sɑ̃ɑ yɛndɑ tiɑse. Mɑ Gɑmulu u sɑ̃ɑ yɛndɑ yiruse. Mɑ Delɑyɑ u sɑ̃ɑ yɛndɑ itɑse. Mɑ Mɑɑsiɑ u sɑ̃ɑ yɛndɑ nnɛse.

Bɑndun Gɑri II 2:3

Wee nɑ Gusunɔ nɛn Yinni diru bɑniɑmmɛ tɑ n sɑ̃ɑ wiɡiru. Miyɑ bɑ ko n dɑ nùn turɑre nubu duroruɡiɑ dɔ̃ɔ dokeye, kpɑ bu win pɛ̃ɛ yi mi bɑɑdommɑ. Miyɑ bɑ ko n dɑ mɑɑ yɑ̃ku dɔ̃ɔ mwɑɑrɑruɡinu ko bururu kɑ yokɑ, tɔ̃ɔ bɑɑtere, kɑ tɔ̃ɔ wɛ̃rɑruɡiru sɔɔ, kɑ suru kpɑo bɑɑwure sɔɔ, kɑ Yinni Gusunɔn tɔ̃ɔ bɑkɑru bɑɑtere sɔɔ nɡe mɛ bɑ Isirelibɑ yen woodɑ wɛ̃ sere kɑ bɑɑdommɑɔ.

Ɛsidɑrɑsi 3:5

Sɑɑ yen dɔmɑ ten diyɑ bɑ rɑ tɔ̃ɔ bɑɑteren yɑ̃kunu ko kɑ surun tɔ̃ɔ ɡbiikiruɡinu kɑ tɔ̃ɔ bɑkɑ ni nu tieɡinu kɑ sere kɛ̃ɛ ni bɑ rɑ kɑ Yinni Gusunɔ nɑɑwɛ.

Nɛɛmi 11:1

Isirelibɑn wiruɡibɑ dɑ bɑ sinɑ Yerusɑlɛmuɔ. Mɑ bɑ tɛtɛ tobɑ bu kɑ tɔn tiɑ tiɑ wunɑ Isireli be bɑ tien wɔkuru bɑɑteren wɔllɔ. Berɑ bɑ koo sinɑ Yerusɑlɛmu wuu dɛɛrɔ ɡe sɔɔ, kpɑ nɔɔbɑ nnɛ be bɑ tie bu dɑ wuu si su tien mi.

Nɛɛmi 13:31

bɑ mɑɑ yɑ̃ku dɑ̃ɑ kɑsu yen sɑɑ sɔɔ mɑ bɑ ben dĩɑ ɡbiikinu wɛ̃. Gusunɔ nɛn Yinni, ɑ de ɑ n mɑn yɑɑye yenibɑn sɔ̃.

Mɔnnu 18:18

Tɛtɛ dumɑ yɑ rɑ sɔ̃ɔsi wi u ɡem mɔ, kpɑ sɑnnɔsu su kpe, kpɑ yu dɑmɡibu yɑkiɑnɑ.

Esɑi 40:16

Yɛɛ yi yi wɑ̃ɑ Libɑnin dɑ̃ɑ sɔ̃ɔwɔ yi ǹ dɑbiru turi bu kɑ nùn yɑ̃kuru kuɑ. Mɛyɑ dɑ̃ɑ nin tii nu ǹ turi bu kɑ yɑ̃ku dɔ̃ɔ sɔ̃re.

Sɑ̃ɑrun Woodɑ 24:5

Yinni Gusunɔ u Mɔwisi sɔ̃ɔwɑ u nɛɛ, ɑ pɛ̃ɛ wɔkurɑ yiru wɔ̃ɔwɔ yen bɑɑyere yɑ n sɑ̃ɑ kilo nɔɔbɑ tiɑ.

Sɑ̃ɑrun Woodɑ 24:6

Kɑɑ ye yorewɑ nɛn wuswɑɑɔ tɑbulu wurɑɡiɑ yen wɔllɔ sĩɑ yiru, yen bɑɑyere sɔɔ pɛ̃ɛ nɔɔbɑ tiɑ.

Gbɑburu 28:2

ɑ Isirelibɑ woodɑ yeni wɛ̃ɛyɔ. A nɛɛ, bu ku duɑri sɑɑ ye nɑ yi bɑ n dɑ kɑ mɑn kɛ̃nu nɑɑwɛ kpɑ bu mɑn yɑ̃ku dɔ̃ɔ mwɑɑrɑruɡinu kuɑ ni nu koo mɑn nuburu dore.

Gɔrobun Kookoosu 1:26

Mɑ bɑ tɛtɛ tobɑ mɑ Mɑtiɑsi u tɛtɛ di mɑ bɑ nùn doke ɡɔrobu wɔkurɑ tiɑ yen wuuru sɔɔ.

Yosue 9:27

Adɑmɑ u bu sure bɑ n dɑ dɑ̃ɑ kɑsu kpɑ bu nim tɑkiri Isirelibɑn sɔ̃ kɑ ben yɑ̃kunun sɔ̃ yɑm mi Yinni Gusunɔ u koo rɑ ɡɔsi bu nùn sɑ̃. Sere kɑ ɡisɔn ɡisɔ Gɑbɑoniɡibun bibun bwese terɑ, tɑ sɔmbu te mɔ̀.