Nɛɛmi 1:7 - Bibeli Gusunɔn Gari

⁷ ye sɑ ǹ kɑ wunɛn woodɑbɑ kɑ wunɛn ɡere kɑ wunɛn yiirebu mɛm nɔɔwɛ ye ɑ Mɔwisi wunɛn sɔm kowo wɛ̃.

Nɛɛmi 1:7 ပူးပေါင်းရင်းမြစ်များ

Sinɑmbu I 2:3

A Yinni Gusunɔn ɡere mɛm nɔɔwɔ, kpɑ ɑ n sĩimɔ win swɛɛ sɔɔ, kpɑ ɑ n win woodɑbɑ swĩi nɡe mɛ bɑ yoruɑ Mɔwisin tireru sɔɔ. À n kuɑ mɛ, ye ɑ mɔ̀ kpuro, yɑ koo koorɑwɑ.

Bɑndun Gɑri II 25:4

Adɑmɑ u ǹ ben bibu ɡo. U Yinni Gusunɔn woodɑ swĩiwɑ ye u Mɔwisi sɔ̃ɔwɑ u yoruɑ woodɑn tireru sɔɔ u nɛɛ, bɑɑbɑbɑ bɑ ǹ ɡbimɔ ben bibun torɑnun sɔ̃. Mɛyɑ mɑɑ bibu bɑ ǹ ɡbimɔ ben bɑɑbɑbɑn torɑnun sɔ̃. Bɑɑwure u koo ɡbiwɑ win tiin torɑrun sɔ̃.

Bɑndun Gɑri II 27:2

U sĩɑwɑ dee dee Yinni Gusunɔn wuswɑɑɔ. Win tundo Osiɑsin yirɑ u swĩi mɑm mɑm. Adɑmɑ u ǹ due Yinni Gusunɔn sɑ̃ɑ yerɔ. Yen biru, u derɑ tɔmbɑ sɑnkirɑmɔ win tem mɛ sɔɔ.

Womusu 106:6

Wee sɑ torɑ nɡe bɛsɛn bɑɑbɑbɑ, sɑ kɔ̃sɑ kuɑ.

Womusu 89:31

Adɑmɑ win bibun bwese te, tɑ̀ n yinɑ tu wunɛn woodɑbɑ mɛm nɔɔwɑ, mɑ tɑ wunɛn yiirebu ɑtɑfiiru kuɑ,

Womusu 89:32

mɑ tɑ ǹ wunɛn sɔ̃ɔsiru swĩi, mɑ tɑ ǹ wunɛn ɡere mɛm nɔɔwɛ,

Esɑi 1:4

Mɑ Esɑi u nɛɛ, bɛɛ Isirelibɑ, bɔ̃rurobɑ i sɑ̃ɑ, domi i durum mɔ̀wɑ. Torɑnu nu yibɑ bɛɛn suunu sɔɔ. Nuku kɔ̃surun wɑ̃ɑrɑ i wɑ̃ɑ. Bɛɛ kpuro i sɑnkirewɑ, domi i Yinni Gusunɔ deri. I nùn ɡɛmɑ, wi, wi u sɑ̃ɑ bɛɛn Yinni Dɛɛro, mɑ i nùn biru kisi.

Dɑniɛli 9:11

Mɛyɑ bɛsɛ Isirelibɑ kpuro sɑ wunɛn woodɑbɑ sɑrɑ, sɑ ǹ wunɛn ɡere swɑɑ dɑki. Sɑ torɑ. Yen sɔ̃nɑ bɔ̃ri yi ɑ derɑ wunɛn sɔm kowo Mɔwisi u yoruɑ woodɑn tireru sɔɔ yi sun di.

Dɑniɛli 9:13

Wɑhɑlɑ ye kpuro, yɑ sun deemɑ nɡe mɛ Mɔwisi u yoruɑ woodɑn tireru sɔɔ. Kɑ mɛ, sɑ ǹ bɛsɛn dɑɑ kɔ̃sɑ deri su wunɛn ɡem swĩi kpɑ su wunɛn kĩi ɡeeru kɑsu.

Osee 9:9

Wee i dɑ i kɔ̃sɑ kuɑ nɡe mɛ i rɑɑ kuɑ Gibeɑɔ. Yinni Gusunɔ kun bɛɛn torɑnu duɑri. U koo bɛɛ sɛɛyɑsiɑ nin sɔ̃.

Sɑ̃ɑrun Woodɑ 27:34

Woodɑ yenibɑrɑ Yinni Gusunɔ u Mɔwisi wɛ̃ Isirelibɑn sɔ̃ Sinɑin ɡuurɔ.

Sofoni 3:7

Yerɑ u nɛɛ, bɛɛ Yerusɑlɛmuɡibu, ì n dɑɑ nùn nɑsie, mɑ i win sɛɛyɑsiɑbu wurɑmɔ, u ǹ dɑɑ bɛɛn wɑ̃ɑ yenu kɔsukumɔ. U ǹ dɑɑ mɑɑ bɛɛ sɛɛyɑsiɑmɔ nɡe mɛ u kuɑ, ɑdɑmɑ i rɑ n sɛndewɑ kɔ̃sɑn kobu sɔɔ.

Sɔ̃ɔsiru 4:1

Tɛ̃, bɛɛ Isirelibɑ, i yiirebu kɑ woodɑbɑ swɑɑ dɑkio be nɑ bɛɛ wɛ̃ɛmɔ. I ye mɛm nɔɔwɔ kpɑ i wɑ i n wɑ̃ɑ, kpɑ i du tem mɛ sɔɔ, mɛ Gusunɔ bɛsɛn bɑɑbɑbɑn Yinni u bɛɛ wɛ̃.

Sɔ̃ɔsiru 4:5

Wee nɑ bɛɛ yiirebu kɑ woodɑbɑ wɛ̃ nɡe mɛ Gusunɔ bɛsɛn Yinni u mɑn sɔ̃ɔwɑ n ko. I ko i ye mɛm nɔɔwɑwɑ tem mɛ u koo bɛɛ wɛ̃ sɔɔ.

Sɔ̃ɔsiru 5:1

Mɔwisi u Isirelibɑ kpuro sokusiɑ bɑ mɛnnɑ mɑ u bu sɔ̃ɔwɑ u nɛɛ, bɛɛ Isirelibɑ i woodɑ kɑ yiirebu swɑɑ dɑkio i nɔ bi nɑ bɛɛ wɛ̃ɛmɔ ɡisɔ. I bu nɛnuɔ kpɑ i bu mɛm nɔɔwɑ mɑm mɑm.

Sɔ̃ɔsiru 6:1

Mɔwisi u mɑɑ nɛɛ, wee woodɑ kɑ sɔ̃ɔsi ni Gusunɔ bɛsɛn Yinni u mɑn yiire n bɛɛ wɛ̃ i mɛm nɔɔwɑ tem mɛ i ko i mwɑ sɔɔ.

Kɑ̃siru 19:2

Win siribu sɑ̃ɑ ɡem bu mɑɑ dɛnde. Domi u kurɔ tɑnɔ kpoko wi siri wi u hɑnduniɑ kpuro sɑnkɑ kɑ win dɑɑ bɛrɛtɛkɛ mɑ u nùn sɛɛyɑsiɑ yèn sɔ̃ u win sɔm kowobu ɡo.