Nɛɛmi 1:6 - Bibeli Gusunɔn Gari

⁶ A mɑn mɛɛrimɑ. A swɑɑ dɑkio ye nɑ nun kɑnɑmɔ nɛ wunɛn sɔm kowo. Sɔ̃ɔ sɔɔ kɑ wɔ̃kuru nɑ nun kɑnɑmɔ bɛsɛ Isirelibɑn sɔ̃, bɛsɛ wunɛn sɔm kowobu. Nɑ nun kɑnɑmɔ ɑ sun bɛsɛn durum wɔko. Geemɑ, nɛ kɑ nɛn yɛnuɡibu sɑ torɑwɑ,

Nɛɛmi 1:6 ပူးပေါင်းရင်းမြစ်များ

Sinɑmbu I 8:30

Nɛ kɑ wunɛn tɔmbu sɑ̀ n mɛnnɑmɑ yɑm mini, sɑ kɑnɑru mɔ̀, ɑ sun swɑɑ dɑkio, sɑɑ wɔllu di mi ɑ wɑ̃ɑ kpɑ ɑ sun suuru kuɑ.

Sinɑmbu I 8:47

bɑ̀ n bwisikɑ tem mi bɑ yoru dimɔ mi, mɑ bɑ ɡɔ̃ru ɡɔsiɑ mɑm mɑm, bɑ nun tii wɛ̃ mɑ bɑ tem mɛni mɛɛrimɑ mɛ ɑ ben bɑɑbɑbɑ wɛ̃, kɑ wuu ɡeni, ɡe ɑ ɡɔsɑ kɑ sɑ̃ɑ yee te nɑ nun bɑniɑ mini, bɑ̀ n kɑnɑru mɔ̀, bɑ mɔ̀, bɑ nun torɑri bɑ durum kuɑ,

Bɑndun Gɑri II 28:10

Yerɑ i kĩ tɛ̃, Yudɑ be, kɑ Yerusɑlɛmuɡii be, bu ko bɛɛn yobu? I ǹ tɑmɑɑ i Gusunɔ bɛɛn Yinni torɑri?

Bɑndun Gɑri II 29:6

Bɛsɛn bɑɑbɑbɑ bɑ kuɑ mɛm nɔɔ sɑribɑ. Bɑ kɔ̃sɑ kuɑ Gusunɔ bɛsɛn Yinnin nɔni sɔɔ. Bɑ wi kɑ win sɑ̃ɑ yeru biru kisi.

Bɑndun Gɑri II 6:40

Tɛ̃, Gusunɔ nɛn Yinni, ɑ de ɑ nɔni wukiɑ kpɑ ɑ swɑɑ dɑki kɑnɑ te nɑ mɔ̀.

Ɛsidɑrɑsi 10:1

Sɑnɑm mɛ Ɛsidɑrɑsi u yiire u kɑnɑru mɔ̀ Yinni Gusunɔn sɑ̃ɑ yerɔ u win tɔmbu suuru kɑnɑmmɛ, yerɑ bɑ mɛnnɑ tɔn durɔbu kɑ tɔn kurɔbu kɑ bibu be kpuro bɑ mɑɑ sumɔ.

Ɛsidɑrɑsi 10:11

I tii nɛnuɔ tem minin tɔmbun sɔ̃ kɑ sere mɑɑ ben kurɔbun sɔ̃.

Nɛɛmi 1:11

Yinni Gusunɔ, ɑ suuru koowo. A nɛn kɑnɑru nɔɔwɔ kɑ mɑɑ be bɑ nun nɑɑnɛ sɑ̃ɑ bɑ kĩ bu nun bɛɛrɛ wɛ̃. A de nɛn sɑnum mu dorɑ sinɑ bokon mi, kpɑ u kɑ mɑn nɔnu ɡeu mɛɛri. N deemɑ sɑɑ ye sɔɔ, nɑ sɑ̃ɑwɑ sinɑ bokon sɔm kowo wi u rɑ nùn tɑm dokeye nɔrɑɔ.

Womusu 102:17

Sɑnɑm mɛ Yinni Gusunɔ u koo wure u Siɔni bɑni, u koo tii sɔ̃ɔsi win yiiko sɔɔ.

Womusu 106:6

Wee sɑ torɑ nɡe bɛsɛn bɑɑbɑbɑ, sɑ kɔ̃sɑ kuɑ.

Womusu 130:2

Yinni, ɑ nɛn nɔɔ nɔɔwɔ. A swɑɑ tem kpĩiyɔ ɑ nɛn kɑnɑru nɔ.

Womusu 32:5

Nɑ nɛɛ, kon nɛn torɑnu wurɑ wunɛ Yinni Gusunɔn mi. Nɑ nɛn durum tuubɑ kuɑ wunɛn mi, nɑ ǹ nɛn kɔ̃sɑ beruɑ. Mɑ ɑ mɑn nɛn durum tɑɑrɛ wunɑri.

Womusu 34:15

U kɔ̃sɑ suurio, kpɑ u ɡeɑ ko. U ɑlɑfiɑ nɑɑ ɡiro.

Womusu 55:17

Adɑmɑ Yinni Gusunɔ, wunɑ nɑ fɑɑbɑ kɑnɑmɔ. Kɑɑ mɑɑ mɑn fɑɑbɑ ko.

Womusu 88:1

Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡuuru. Hemɑni Esirɑhiɡiiwɑ u ɡu kuɑ. Ge wee.

Esɑi 6:5

Sɑɑ ye sɔɔrɑ nɑ nɔɔɡiru suɑ nɑ nɛɛ, nɑ kɑm kuɑwɑ. Domi nɛn yɑrɑ yɑ durum sɔɔwɑ, nɑ mɑɑ wɑ̃ɑ tɔmbun suunu sɔɔ bèn yɑri durum sɔɔwɑ mɑ nɑ sere Gusunɔ, wɔllu kɑ tem Yinni wɑ kɑ nɔni wi u sɑ̃ɑ kpuron sunɔ.

Swĩi 5:7

Wee, bɛsɛn bɑɑbɑbɑ bɑ kɔ̃sɑ kuɑ, ɑdɑmɑ bɑ ǹ mɑɑ kɑ sun wɑ̃ɑ. Bɛsɛrɑ sɑ yen wɑhɑlɑ sɔɔwɑ.

Dɑniɛli 9:15

Gusunɔ bɛsɛn Yinni, ye ɑ sun yɑrɑmɑ Eɡibitin tem di, wunɛn dɑm mu sɔ̃ɔsirɑ. A yĩsiru yɑrɑ te tɑ wɑ̃ɑ sere kɑ ɡisɔ. Adɑmɑ bɛsɛ, sɑ durum kɑ dɑɑ kɔ̃sɑ kuɑ ɡem ɡem.

Dɑniɛli 9:20

Sɑnɑm mɛ Dɑniɛli u kɑnɑ te mɔ̀ u ɡɑri ɡerumɔ u ǹ kpɑ, u wi kɑ win tɔmbun torɑnu tuubɑ mɔ̀, mɑ u Gusunɔ win Yinni kɑnɑmɔ win sɑ̃ɑ yee dɛɛrɑ ten sɔ̃, yerɑ durɔ wi, Gɑbiriɛ wi u rɑɑ wɑ win kɑ̃si ɡbiikiru sɔɔ, u nùn yɔ̃ɔsimɑ kɑ dɑm u surɑ win bɔkuɔ sɑɑ yè sɔɔ bɑ rɑ yokɑn yɑ̃kuru ko.

Dɑniɛli 9:4

u win tɔmbun torɑnu tuubɑ mɔ̀. U nɛɛ, Yinni Gusunɔ, ɑ kpɑ̃ mɑ sɑ nun nɑsie. A rɑ wunɛn nɔɔ mwɛɛru yibie kpɑ ɑ wunɛɡibu kĩru sɔ̃ɔsi be bɑ nun kĩ bɑ wunɛn woodɑbɑ mɛm nɔɔwɑmmɛ.

Dɑniɛli 9:5

Sɑ torɑ, sɑ dɑɑ kɔ̃sɑ kuɑ, sɑ sɑ̃ɑ nuku kɔ̃suruɡibu, sɑ wunɛn ɡɑri yinɑ, sɑ mɑɑ wunɛn woodɑbɑ sɑrɑ.

Dɑniɛli 9:8

Yinni, wee sɑ sekuru sɔɔwɑ bɛsɛ kɑ bɛsɛn sinɑmbu kɑ bɛsɛn wiruɡibu kɑ bɛsɛn bɑɑbɑbɑ. Domi sɑ nun torɑri.

Luku 18:7

Kɑɑ sere ɡere Gusunɔ? U ǹ koo win tiin tɔmbu siriɑ be bɑ nùn wuri koosimɔ bururu kɑ yokɑ? U koo tɛ u sere bu nɔɔri?

Luku 2:37

Mɑ u ɡɔminiru sinɑ wɔ̃ɔ wɛnɛ kɑ nnɛ. U ku rɑ kpe sɑ̃ɑ yerɔ, u rɑ n Gusunɔ sɑ̃ɑmɔ bururu kɑ yokɑ kɑ nɔɔ bɔkuru kɑ kɑnɑru.

Efesu 2:3

Geemɑ, bɛsɛ kpuro sɑ rɑɑ sɑ̃ɑwɑ nɡe be. Bɛsɛn ɡɔ̃ru kĩru sɔɔrɑ sɑ rɑ n sĩimɔ mɑ sɑ bɑɑyere kuɑ ye bɛsɛn wɑsi kĩ kɑ ye sɑ bwisikɑ. Bɛsɛn mɑrumɑrɑ tɑ derɑ sɑ rɑɑ sɑ̃ɑ be bɑ koo Gusunɔn mɔru wɑ nɡe be bɑ tie.

Timɔte I 5:5

Kurɔ wi u sɑ̃ɑ ɡɔmini kɑ ɡem wiyɑ wi u ǹ ɡoo mɔ wi u koo nùn nɔɔri. Win yĩiyɔbu wɑ̃ɑwɑ Gusunɔ sɔɔ kpɑ u n kɑnɑru mɔ̀ u n win somiru bikiɑmɔ bururu kɑ yokɑ.

Timɔte II 1:3

Nɑ Gusunɔ sɑɑbu kuɑ wi nɑ sɑ̃ɑmɔ kɑ lɑɑkɑri tɑɑrɛ sɑriruɡiɑ nɡe mɛ nɛn sikɑdobɑ bɑ rɑɑ kuɑ. Nɑ rɑ n mɑɑ nun yɑɑyɑmɔ nɛn kɑnɑru sɔɔ bururu kɑ yokɑ.

Yohɑnu I 1:9

Adɑmɑ sɑ̀ n bɛsɛn torɑru wurɑ, Gusunɔ u koo sun suuru kuɑ kpɑ u sun dɛɛrɑsiɑ bɛsɛn kom kɔ̃sum kpuron di domi u sɑ̃ɑwɑ nɑɑnɛɡii, wi u rɑ ko dee dee.

Sɑmuɛli I 15:11

nɛn nukurɑ sɑnkirɑ ye nɑ kɑ Sɔɔlu kuɑ sunɔ. Domi u mɑn biru kisi, u ǹ nɛn ɡere mɛm nɔɔwɛ. Ye Sɑmuɛli u ɡɑri yi nuɑ, yerɑ u mɔru kuɑ ɡem ɡem, mɑ u Yinni Gusunɔ nɔɔɡiru sue wɔ̃ku ɡiriru.