Nɛɛmi 1:5 - Bibeli Gusunɔn Gari

⁵ Yinni, wunɛ wi ɑ wɑ̃ɑ wɔllɔ, ɑ kpɑ̃. A dɑm kpuro mɔ. A rɑ wunɛn ɑrukɑwɑni yibie be bɑ nun mɛm nɔɔwɑmmɛn mi, kpɑ ɑ be bɑ nun kĩ wɔnwɔndu kuɑ.

Nɛɛmi 1:5 ပူးပေါင်းရင်းမြစ်များ

Sinɑmbu I 8:23

U nɛɛ, Gusunɔ bɛsɛ Isirelibɑn Yinni, ɡoo mɑɑ sɑri nɡe wunɛ wɔllɔ kɑ temɔ. Wunɛn bwɑ̃ɑ be bɑ nun mɛm nɔɔwɑmmɛ kɑ ɡɔ̃ru tiɑ, ɑ rɑ ɑrukɑwɑni ye ɑ kɑ bu bɔkuɑ yibie kpɑ ɑ bu wunɛn wɔnwɔndu sɔ̃ɔsi.

Bɑndun Gɑri I 17:21

Bweseru ɡɑru mɑɑ sɑri nɡe bɛsɛ Isirelibɑ te tɑ koo nɛɛ, ten bũu u tu yɑkiɑmɑ yorun di, mɑ u tu yĩsiru kɑ̃ tɑ n kɑ sɑ̃ɑ wiɡiru. Kɑ ɡeemɑ, ɡɑ̃ɑ bɑkɑnɑ ɑ sun kuɑ. A mɑɑ ɡɑ̃ɑ mɑɑmɑɑkiɡinu kuɑ bɛsɛn wuswɑɑɔ ye ɑ kɑ bwese tukunu ɡirɑ bɛsɛn wuswɑɑn di, mɑ ɑ sun yɑkiɑmɑ Eɡibitiɡibun min di.

Ɛsidɑrɑsi 1:2

Yi nɛɛ, ɑmɛniwɑ Sirusi Pɛɛsin sinɑ boko u ɡeruɑ. U nɛɛ, Wɔrukoo u mɑn hɑnduniɑn bɑnnu kpuro wɛ̃. Mɑ u mɑn yiire n nùn sɑ̃ɑ yeru bɑniɑ Yerusɑlɛmuɔ Yudɑbɑn temɔ.

Nɛɛmi 2:4

Sinɑ boko u mɑn bikiɑ u nɛɛ, mbɑ nɑ kĩ u mɑn kuɑ. Yerɑ nɑ yɑnde Wɔrukoo kɑnɑ.

Nɛɛmi 4:14

Yen sɔ̃, ì n kɔbɑn swĩi nuɑ, i mɛnnɑmɑ nɛn mi berɑ ɡee i yen swĩi yi nuɑ. Gusunɔ bɛsɛn Yinni u koo sun sɑnnɑ.

Nɛɛmi 4:8

Mɑ nɑ seewɑ nɑ bukurobu kɑ siri kowobu kɑ tɔn be bɑ tie sɔ̃ɔwɑ nɑ nɛɛ, i ku ben bɛrum ko. I yɑɑyo mɑ Yinni Gusunɔ u kpɑ̃. Wiyɑ bɑ koo nɑsiɑ. I tɑbu koowo bɛɛn mɛro bisibun sɔ̃ kɑ bɛɛn bibun sɔ̃ kɑ bɛɛn kurɔbun sɔ̃ kɑ sere bɛɛn yɛnusun sɔ̃.

Nɛɛmi 9:32

Gusunɔ bɛsɛn Yinni, ɑ kpɑ̃, ɑ mɑɑ dɑm mɔ. Wunɑ ɑ durom bɑkɑm mɔ. Mɑ ɑ wunɛn ɑrukɑwɑni nɛni ye ɑ kɑ sun bɔkuɑ. A bɛsɛn wɑhɑlɑ mɛɛrio ye sɑ mɔ̀ bɛsɛ kɑ bɛsɛn sinɑmbu kɑ ben sinɑ ɑsɑkpɔbu kɑ wunɛn sɔmɔbu kɑ bɛsɛn yɑ̃ku kowobu sɑɑ Asirin sinɑmbun wɑɑtin di sere n kɑ ɡisɔ ɡirɑri.

Womusu 47:2

Bɛɛ hɑnduniɑn bwesenu, i tɑki koowo, kpɑ i kuuki ko kɑ nuku dobu Yinni Gusunɔn mi.

Womusu 76:8

Gusunɔ, wunɑ bɑ koo nɑsiɑ. Wunɛn mɔru yɑ̀ n seewɑ wɑrɑ u koo kpĩ u yɔ̃rɑ wunɛn wuswɑɑɔ.

Womusu 89:2

Yinni Gusunɔ, kon wunɛn tɔn ɡeerun womu ko sere kɑ bɑɑdommɑɔ. Kon wunɛn bɔrɔkiniru kpɑrɑ sere kɑ bɑɑdommɑɔ.

Womusu 89:3

Nɑ yɛ̃ mɑ wunɛn kĩru tɑ ko n wɑ̃ɑwɑ sere kɑ bɑɑdommɑɔ. Wunɛn bɔrɔkiniru tɑ ɡirewɑ wɔllɔ.

Womusu 89:8

A nɑnum mɔ wunɛn ɡɔrɑdo dɛɛrobun suunu sɔɔ. Wunɛn yiiko yɑ kpɑ̃ be bɑ nun sikerenɛn suunu sɔɔ.

Yɑribu 20:6

Adɑmɑ be bɑ mɑn kĩ, mɑ bɑ nɛn woodɑ nɑsie, nɑ rɑ ben bibun bweseru wɔnwɔndu kue sere kɑ bɑɑdommɑɔ.

Sɔ̃ɔsiru 7:12

Ì n woodɑ be swɑɑ dɑki, mɑ i bu mɛm nɔɔwɑ, u ko n ɑrukɑwɑni ye nɛniwɑ mɑm mɑm ye u kɑ bɛsɛn bɑɑbɑbɑ bɔkuɑ kɑ bɔ̃ri.

Sɔ̃ɔsiru 7:21

I ku diiri bwese nin sɔ̃. Domi Gusunɔ bɛsɛn Yinni u kɑ bɛɛ wɑ̃ɑ wi, wi u kpɑ̃ mɑ u nɑnum mɔ.

Sɔ̃ɔsiru 7:9

Yen sɔ̃, i de i n yɛ̃ mɑ Gusunɔ bɛsɛn Yinniwɑ u sɑ̃ɑ Gusunɔ. U rɑ win ɑrukɑwɑni nɛnɛ kɑ be bɑ win woodɑbɑ mɛm nɔɔwɑmmɛ sere kɑ ben bibun bweserun nɔrɔm nɔrɔmwɔ (1.000). Be bɑ nùn kĩ, u ku rɑ bu tɔnu kɑndu kue.